لعلمكم لو قرنتوا حال مصر من 150 سنه يعنى سنه 1856 ايام الخديوى يعنى والسلطنه العثمانيه والاتراك اللى وكلين البلد على الاقل دلوقتى اللى بياكل مصريين برضه فعلى الاقل سياسيا احنا دلوقتى احسن

طبعا العصر ده رغم ان كان فيه طيبه القلب لكن كل ما دون ذلك فهو سئ من حاكم فاسد للقهر اللى كان بيحصل للشعب لو فيه دلوقتى قهر فلن يقارن بما كان يحدث فى الماضى


اما حكايه الخلاعه فاللى ملزق التهمه دى فينا هما اخواتنا العرب اللى متصورين مصر ملهى ليلى يروحوا يرتكبوا الفواحش فيها سواء رجاله او ستات ويرجعوا شيوخ او منقبات تانى على بلادهم

واحنا غلطانين اننا بنسمحلهم بذلك صراحه انا لو مكان مسئول هحمل شرطه مخصوصه بمنع تلك المسخره

اما الغرب فيرا الشعب المصرى كما كنا بالفعل ولكن من 50 سنه يعنى موظف كسول لابس الطربوش ويعشق الروتين

بس احنا بدانا نصلح الصوره دى بالناس اللى مشرفانا بره وشويه مشاريع بتتعمل على غرار القريه الزكيه زى مدول الخليج عملت لان كان العالم كله بينظرهم انهم ناس متخلفين معاهم فلوس لغايه مطوروا من نفسهم وعملوا مدن تنافس الغرب فى تطورها اه فى قله هما اللى لسه عايشين فى عصور الجهل وهما دول اللى بيسيئوا لهم زى عندنا لما لسه فى ناس نايمه والعالم بيجرى حوالينا ويارب يكونوا دول القله