السلام عليكم ورحمة الله وبركاته
اخى الحيران
اسمحلى براى ممكن يساهم فى حل مشكلتك
بصراحة انا مش شايفة مبرر واحد يسمحلك بانك تعرف كل البنات دى
وتديلهم رقمك كمان لانك اصلا فى غنى عنهم
طالما انك مرتبط يبقى اللى انت مرتبط بيها تعوضك عن كل البنات اللى فى العالم
ومن ناحية تانية معاك اصحابك الاولاد ممكن يغنوك عن صداقتك بالبنات
اعتقد ان مشكلتك بدات من اول ما سمحت لنفسك بالتعرف على البنات دول
والحل انك تبعد عنهم فورا
ثانيا لفتت نظرى الجملة دى جدا
وعرفين انى مش مستعد ارتبط حتى لو سبت الانسانه الى انا مرتبط بيها
لما انت اصلا مش مستعد ترتبط وعارف كده ايه يخليك تعرفها هى ولا غيرها حتى
وتعلقها بيك وانت عارف انك مش مستعد للارتباط
انا عارفة ان كلامى يمكن يكون شديد شوية
بس اعذرنى اعتقد انه الصح
وده راى يعنى فى النهاية يحتمل الصح ويحتمل الغلط
لكن ده اعتقادى
ونيتى مش لوم او توبيخ والله بس النصح لوجه الله
ولانى اعتبرتك اخويا واعتبرت نفسى اخت بتخاف على اخوها وبتنصحه لوجه الله