بصراحة هو موضوع معقد جدا بس انت المفروض انك تقولهم انك مرتبط بطريقه كويسه بحيث انها مش تجرح حد
يعني ممكن تقولهم انتي انسانه كويسه ومحترمه ويتمناكي اي حد بس انا مرتبط بواحدة وبحبها جدا ومش اقدر
استغني عنها وربنا يوفقك ويرزقك باللي يقدرك ويحبك وصدقني لو انت قولتلهم انك مرتبط بصراحة اكيييد لو بيحبوك
فعلا هيتمنوا ليك الخير وانك تكون مبسوط وهيبعدوا فكرة الارتباط بيك خالص وهتفضلوا اصدقاء وبس
بس في حاجة تانيه :ممكن تكون انت اللي موصلهم الاحساس دا وانت اللي بتخليهم يتعلقوا بيك اكتر يعني من
طريقه كلامك معاهم حاول بلاش ازي ياحبيبتي وحشاني كدا يعني ممكن تكون بتقولها وهي بالنسبالك عادي بس
بتتاخد بمفهوم تاني خالص يعني يكن كلامك معاهم عادي خالص زي اتنين اصدقاء مش حبايب ياريت تكون فاهم اللي
انا قصداه وبعدين حاول انك تخفف الرنات عليهم بلاش الرسايل الرومانسيه ليهم وممكن حد صاحبكم اووي انت
والبنتين دول يبقي بينكم يعني ممكن يكون قاعد معاهم ويحاول يلمح انك مرتبط وان شا الله مفيش حاجة ممكن
تبعدك عن اللي بتحبها ان انت بتحبها اووي كدا يعني بس لازم تكون بتثق فيه جدا عشان مش يعقد الامور بينكم
في الاول والاخر اللي بيحب حد بجد بتمناه الخير في كل حاجة وانه يكون سعيد ومبسوط حتي لو مكنش معاه
فهما لو بيحبوك بجد يبقي ان شاء الله يبعدوا عن موضوع الارتباط بيك
ويارب مشكلتك تتحل وبالك يرتاح ان شاء الله