شبـــكة تـيـفـا نت - عرض مشاركة واحدة

**عبدالرحمن م** · 2012-10-10, 09:53 AM

أنا مش مع ولا ضد وجود الخادمات فى البيوت .. اللى ضده هو جعل تعيين خادمة لتولى شئون البيت هو أول وأقرب الحلول عند الآباء المنشغلين فى العمل .. تخصيص إمرأة غريبة لتولى أمور الأطفال وتوضيب البيت لا يصح كحل دائم على الإطلاق ..
وإن كان أسلوب العمل عند الآباء لا يحتمل البقاء فى البيت والإشراف على الأطفال يبقى ظروف العمل هى اللى تتغير مش ظروف البيت ..

اقتباس:

ما الاسباب التي تدفع الخادمات لقتل اطفالنا
أو تعذيبهم ؟؟؟؟

فى الظروف الطبيعية مفيش سبب يخلى بنى آدم يأذى طفل ناهيك عن متابعة أذيته على زمن طويل .. زى ماهو مفيش سبب إن البنى آدم يرتكب أى فعلة مشينة .. لكن لما البنى آدم بيلاقى نفسه غير مراقب ومسموح له بإرتكاب أى شىء يريده والإفلات منه .. ساعتها كل الأمراض العقلية ومتعة مشاهدة ألم الغير بتظهر .. زى أشد المؤمنين اللى بينقلب كافر بعد ما ربنا يرزقه بمال عظيم .. مسألة ظروف سامحة/مانعة مش اكتر ..

طبعاً عندك كمان الحقد على صاحب البيت والرغبة فى أذية أحباؤه أو الغيرة من اللى الطفل بيمتلكه فى سنه الصغير بعد طفولة الخادمة الغير كريمة وأخيراً .. زن الأطفال

اقتباس:

ما اسباب اهمال الاباء والامهات وثقتهم في
الخادمات حتى يقع المحظور؟؟

الإحتياج للثقة فى الخادمة بهدف ملائمة ظروف العمل / تولى أعمال شاقة على ربة منزل مريضة / تعالى ربة المنزل واعتقادها إنها لو قامت بتوضيب بيتها "تبقى خدامة" ..

ده غير إن مفيش سبب يخلى ربة منزل تظن السوء بخادمتها إلا أن يثبت العكس .. وده فى المراحل المتأخرة ..
مش مسألة إهمال لكن مسألة "ليه لأ" ..

اقتباس:

لماذا لا يتعظ الاهل بما حدث لغيرهم؟؟

لأن من غير المرجح أبداً إن "أنا" من بين كل الناس أصاب بالسرطان .. أو "أنا" من بين كل الناس أتسرق فى شارع مظلم .. أو "أنا" من بين كل الناس أتعرض للإحتيال ..
ايه احتمال إن الخادمة اللى هتعينيها "من بين كل الخادمات" هتطلع قاتلة ..

اقتباس:

لماذا لايزال مسلسل قتل الاطفال وتعذيبهم من قبل الخادمات مستمر ؟؟؟

لأن الظروف اللى تتيح كده لازالت موجودة ..

اقتباس:

ما النصيحه التي تنصحها لمن لديهم خدم في المنزل

وضع سبيل لمراقبة الشخص مع التوضيح بأن المسألة ليست شخصية ولكنها تشعرك بالأمان على أحبائك ..