وعليكم السلام ورحمة الله وبركاته
انا لسه شايفة الموضوع دا حالا وبجد انا فى حالة صدمة وذهول
مش عارفة اقول ايه
بس دى مش اول صدمة اتصدمها لانك مش اول عضو يقرر الاعتزال بس انت اول واحد يعلن الاعتزال دا
كتير من الاعضاء هنا كانوا بمثابة اضافة جديدة ليا وللاسف اختفوا وفى كل مرة اتصدم
انت يا محمد من الشخصيات بجد اللى كانت مكسب للمنتدى كله
انت اخ ليا ولرامى اخويا وانت الوحيد اللى كنت بتعرف تاخد حق رامى منى باللماضة والضحك والتحالفات اللى شهدتها صفحات المنتدى
وكان شرف لينا الصداقة والاخوة دى وزادت لما رامى اشتغل فى القاهرة وانت استقبلته فى بيتك كذا مرة
انا مش عارفة قرارك دا صح ولا غلط
صحيح الحياة خدتنا من المنتدى وهتاخدنا بس لازم فى الاخر نرجعله ولو مرة فى الشهر
لو انت شايف ان المنتدى دا هدف ورسالة عايز توصلها فبلاش تتخلى عن المنتدى