الله اعلم اولا بمدى حلالها وحرمانيتها انا مش هفتى فيها
بس فعلا دا مش وقته احنا مش كل منطفىء نار فتنة يتم اشعال فتنة اخرى
وبرضو مينفعش ان اى جماعة اوشلة تاخد بعضها وتعمل اللى هى شيفاه صح
امر زى الاضرحة دا لازم يجى قرار بهدمه او بقاءه من اولى الامر
هو ليه عامل التوقيت والوقت دا ملهوش اى اعتبار
انا اللى لافت نظرى الناس دى كانت فين قبل 25 يناير ؟
مدام انتو بتحبوا ربنا وحريصين اوى على الحلال والحرام امال قبل 25 يناير ساكتين ليه وبعضكم طلع فتاوى فى السنوات اللى فاتت بحرمانية التظاهر والخروج عن ولى الامر
حاجة كمان هل لو ارادنا تنفيذ الشريعة الاسلامية هيكون دا الاسلوب الصحيح
اى مجموعة شافت حد بيعمل حاجة غلط تطبق الحد
بالظبط زى اللى قطعوا ودان الراجل فى الصعيد تطبيقا للحد زى مبيقال
وعلى الناحية الاخرى نجد الذين يدعووون ان الحياة تكون فيرى فى فيرى وانا حر اعمل اللى عايز اعمله والدين ملهوش علاقة باى حاجة الدين فى القلب بس والبس صيفى فى الشتا انا حر والحياة بمبى وانفتاح وعولمة وعلمانية وليبرالية الخ الخ
كتلتين واحدة منتهى التطرف والتشدد والتانية منتهى التسيب والانحلال
ياترى لما يصطدموا ببعضيهم ايه اللى هيحصل؟؟؟؟؟