عرض مشاركة واحدة
قديم 2011-02-18, 10:41 PM   #4
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 32
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

والله هو الأسباب ممكن تكون كتيرة

ممكن مثلاً (مع احترامى) تكون بتحاول تلعب دور التقيلة وإنها صاحبة الزمام الرئيسى للأمور وللأسف انت اللى سايبها كده كان لازم من أول زعلة تقف وكأنك حيطة سد وتسأل فيه ايه

أو ممكن تكون سمعت عنك حاجة فزعلتها وده سبب الزعلة الأولى وبعد كده مش قادرة تقرر إذا مثلاً السبب ده هيطاردها بقيت حياتها معاك فى حالة الإرتباط الأبدى ولا لأ

فبيبقى على حسب شعورها الداخلى فلو كانت مثلاً فرحانة جزء كبير منها بيتغاضى عن السبب أو الفكرة السيئة اللى هى عرفتها عنك

والعكس صحيح ... فلو مثلاً حالتها المزاجية مش كويسة أو بتمر بيوم عصيب الشيطان بيطاردها ويمثلك قدامها بأفظع شكل ويفكرها بالفكرة السيئة

أو ممكن خصلة فيك انت بتظهر فى أوقات معينة وده اللى بيسبب الزعل ليها أو نوع من خيبة الأمل (لأنك قلت إن فى مرة تكون بتكلمك بطريقة كويسة جداً ومرة تانية بتكلمك زى ماتكون بتكرهك ) فحاول تفتكر المواقف الكويسة انتوا كنتوا بتتكلموا فى ايه وكانت الظروف مثلاً ايه

وافتكر كمان الظروف اللى حصلت فيها المواقف الوحشة اللى بتعاملك فيها بجفاء (هل كنتم فى مطعم وافتكرتك بخيل على سبيل المثال أو صدر منك كلام فى موضوع غير لايق أو فيه تأجيل لمناسبة تهمها أو أو ... إلخ)

وأخيراً فممكن تكون حالة نفسية خاصة بيها .. إنفصام مثلاً أو مجرد تقلب مزاجى

وأخيراً أخى الكريم فأفضل ظروف للإرتباط وإن كنت أنا عديم الخبرة فى الموضوع ده هو إنكم تحددوا أساسياتكم وأولوياتكم ومواعيد معينة تتم فيها أمور معينة كالتحضير لشراء مستلزمات بيت الزوجية أو ما شابه وعدم التأجيل والتباطوء فيها

وإن كل حاجة تكون واضحة جداً من البداية وتكونوا انتوا الاتنين واثقين تماماً من انكم مناسبين لبعض

ده بالنسبة للزواج ... أما لو كانت علاقة عابرة فأخى الكريم سيبك من الكلام ده وركز على مستقبلك وأولوياتك وخصوصاً الزواج

دمت فى ود وأصلح الله بينكما
عبدالرحمن م غير متصل   رد مع اقتباس