عرض مشاركة واحدة
قديم 2011-01-21, 04:58 PM   #11
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 32
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

صلوا عالنبى

وأنا قاعد بفكر كده سألت نفسى سؤال

هو ايه اللى بيخلى أى بنى آدم يحب بلده ؟

وبعيداً عن كلام الأغانى مالقتش أى إجابة

أنا اللى قصدى أقوله إن أى بلد هى مجرد شوية ناس محتلين أرض سواء كبيرة أو صغيرة

وبعدين وكّلوا واحد يكون القائد بتاعهم عشان كل واحد يشوف شغله كويس ومنعاً للفساد القائد ده وكّل شوية بنى آدمين سماهم الحكومة عشان يتابعوا الحال

لكن بعد كل ده ايه اللى يخلينى أحب بلدى ؟

ماينفعش أقول عشان سماها وترابها لأن ده هيدخلنا فى كلام الأغانى من تانى !

وماتقوليش عشان أهلى وناسى لأن دى مش حاجة مميزة للبلد دى وكانت ممكن تتوجد فى أى مكان تانى

لكن ايه اللى يخلينى أحبها ؟

أنا أعرف الأم بتحب ابنها عشان مشاعر الأمومة المخلوقة جوا كل إنسانة

لكن بالنسبة لأى بلد وفى حالتنا مصر

هو احنا ليه بنحبها ؟

مش غريبة إن لمجرد إنك إتولدت جواها إتوجب عليك إنك تحبها ؟

مين اللى أوجب علينا حبها لدرجة إن بقى عيب إنك تقول العكس ؟


عبدالرحمن م غير متصل   رد مع اقتباس