مشكلتنا اننا فراعنه
اه يمكن الفارق الزمنى 5000 سنه
واه بيقولوا ان الرومان دمروا كل حاجه بخصوصهم
لكن حاسس ان الفراعنه مكنوش فراعنه علشان شخصهم ولكنهم علشان كانوا مصريين ( عايشين فى مصر يعنى)
انا مع الاراء اللى بتمجد فينا وفى شخصيتنا
بس برضه مين قال ان ده حكر على مصر بس
مين قال ان مصر هيا الاحسن او ان المصرى الافضل بين اقرانه
طب هسالكم سؤال
المصريين كلهم واحد واحد عارفين حديث المصطفى صلى الله عليه وسلم ان خير جنود الارض هوا الجندى المصرى
طب كام واحد يعرف ان خير جيوش الارض هى جيوش تركيا
وبحديث عن المصطفى صلى الله عليه وسلم
الاجابه هتكون نسبه لا تزيد عن 5 %
طيب لو حد فينا تعامل مع واحد تركى هيتعامل معاه ازاى
بانبهار
ولا باحتقار
ولا عادى يعنى زيه زينا
فكروا برضه تركيا فى نور ومهند
تركيا فيها علمانيه اكتر بكتير من عندنا
تركيا فى فساد اجتماعى موجود
تركيا حكومتها اسلاميه وتصريحاتها ممتازه ولكن مجتمعيا مش كده
وتركيا برضه هى خير جيوش الارض
الفكره يا جماعه اننا نافخين نفسنا اوى على نفسنا مش على حد تانى
عارفين احسن مثال ايه
فاكرين كاس العالم 2010 لما كانت كل الدعايا الاعلاميه معموله للشعب مش لبتوع الفيفا
اهو الموضوع اللى معمول فوق وعليه كتيييييير جدا من المواد الاعلاميه بتتوجه فقط لينا
فالشعب بيبقى شايف نفسه ولكن على نفسه
لان مفيش حد بره يعرف حاجه كتيره عن اللى احنا عارفينه عن نفسنا
بيبقى منظرنا قدامه زى منظر التركى فى عين المصرى
المصرى برضه فى عينه الخليجى والسعودى ان زكيبه فلوس ملهاش دماغ والمصرى هوا الدماغ
دى صوره محدش ينكر انها كانت منتشره تجاه المواطن الخليجى والسعودى
ويمكن دا من 30 او 40 سنه كان صح
زى من 30 او 40 سنه كان الكل يعرف مين مصر ومكانتها ايه فى العالم
لكننا بنتكلم عن عالم جديد بمتغيرات جديده
مصر مبقتش مصر بتاعت زمان
والاخرين لم يظلوا كما هم
فى كوريا اسعدنى الحظ ان كان معانا جروب سعودى جاى برضه يتدرب على نفس البرنامج التدريبى
واتكلمنا وشفت طريقه حياتهم
بعضهم يمكن ينطبق عليه الصوره القديمه
ولكن اكثرهم مكنوش يختلفوا عننا
اعكس الصوره فى مصر دلوقتى
بعضنا لسه محافظ على الصوره القديمه من شهامه ورجوله المواطن المصرى
واخرين افتقدوا الى معنى كلمه رجوله فى القاموس
مصر محتاجه زلزال علشان تفوق من الحاله اللى هيا فيها
ولغايه ما الزلزال ده يقوم
يبقى عفوا مصر اللى تعرفوها وتتمنوها مغلقه للصيانه