عرض مشاركة واحدة
قديم 2011-01-08, 09:25 AM   #4
الصورة الرمزية عبدالرحمن م
عضوية الإمتياز
تاريخ التسجيل: 2007-12-07
الدولة: b2aya nahr elneil
العمر: 32
المشاركات: 6,588
التقييم: 3161
الصورة الرمزية عبدالرحمن م
عضوية الإمتياز
افتراضي

أشكرك للإفاضة علينا من المشاعر الجميلة دى

بالنسبة لرأى العرب الغلط (أو رأى أياً كان) عننا فهما مش غلطانين فى حاجة

انت لو سألتى أى حد ماشى فى الشارع .... ايه رأيك فى الدول الغربية ؟ .. أول كلمة هيقولها "دول كفرة مايعرفوش ربنا"

وكلامه هيعتبر صحيح بس لحد معين ... لأن منهم هتلاقى مؤمنين بالله وهتلاقى منهم اللى يغير على أهله ودمه زى ماهو عندنا هنا بالظبط ... ومنهم من بيرفض العنف ويحتقر الحرب

لكن هو قال كده منين ؟

من اللى بيشوفه فى الأفلام ومن اللى بيسمعه

الغلطة مش هتكون على الإعلام بس وإلا نبقى ظلمناه !

مفيش حد بيتفرج على فيلم إلا وهو موقن إنه مجرد فيلم !

ولو مايعرفش الحقيقة دى فدى غلطته

أما الغلطة الكبرى اللى بوظت الدنيا .... إن المحترمين قلّوا وصوتهم وطى

لو اتنين محترمين ماشيين فى وسط 10 زبالة وحب واحد فيهم يصحح من خُلق واحد من العشرة بصوت عالى أوعدك بإن التانى هيسكته بحجة إنهم لو قالوا الحق هيتاكلوا

فدايماً صوت المحترم بيكون مسموع لكن بدون إزعاج ... أما النصاب أو الحرامى أو ..أو.. فلو اتكلم (وفى الغالب كلامه غلط) البلد كلها هتسمع اللى بيقوله

أنا مش بحاول أشيل التهمة من على الإعلام لأنه مذنب ومذنب جداً

لكن بس بشاور على المخطئين فعلاً فى حق نفسهم

احنا

عبدالرحمن م غير متصل   رد مع اقتباس