شبـــكة تـيـفـا نت - عرض مشاركة واحدة - ودى اخرة التيفاويه لما لعبوا مع الحكومه ..!!

**حبيبـة ابـوها** · 2010-12-14, 01:01 PM

اقتباس:

واضح ان الكابل بتاع النت اللي اتقطع ، اتقطع من ادام بيتكم

الظاهر كدا بس اهو جه اهو الحمدلله

***************************
////////////////////////////

الجزء التالت : اجتماع طارئ فى تيفا نت
________________________

تسرب الخبر وانتشر وتوغل لاهل منتدى تيفا طبيعى جدا خصوصا بعد ما قرأوا الخبر فى الجورنال

وقرروا يقفوا وقفه جدعنه وشهامه مع زمايلهم
وعلى اساسه عملوا اجتماع تيفاوى طارئ

برئاسة كل من :

Mafiawy
Mandozzz
ابن مصر
عيون الحب
سمو الاحساس
كده تمام أوى
Mr.S
The_boss22
MaNshoOo
عبد الرحمن م
الفرعون الصغير
Lew Nardo Rew
Eng. Shapon

Mafiawy:اظن ياحبايب كل واحد فينا عارف الاجتماع لزمته ايه..؟؟

Mandozzz: اه طبعا عارفين الاجتماع دا معمول علشان خاطر اخواتنا المحتجزين فى قسم الشرطه ولازم نشوف هنعمل ايه ونساعدهم ازاى..

ابن مصر : ياعم Mandozzz متخافش دا ولاد جدعان وزى الفل ومعملوش اى حاجه ,, وعلى حسب ما سمعنا وقرأنا انها تخص السلام المصرى والاستقرار الوطنى ,, وهما ملهمش فى الكلام دا

عيون الحب : اعتقد ياريس اننا نشوف الموضوعات بتاع كل واحد فيهم على اساسه نقدر نحكم مدى خطورة الموقف

سمو الاحساس : انا متفق تماما مع عيون الحب فى كلامه

عبد الرحمن : ياجماعه لازم ناخد اذن زياره ونروح نشوفهم ونجيب ليهم اكل تلاقيهم جعانين ياولداه ,, ونخلى بنات المنتدى يروحوا للبنات ونطمنهم برضو ,,

Lew Nardo Rew :ونجيبلهم كمان يابنى بطاطين على ألحفة الجو تلج وشويه مشروبات سخنه نسكافيه,, على كوفى مكس,, وسحلب,, وشاى اخضر,, وحاجات حلوة كدا تدفيهم

عبدالرحمن : خلاص مفيش مشكله نبقى نشوف مين اللى هيشترى الكلام دا وانا على استعداد
دا الناس دى حبايبى ونفسى اعملهم اى حاجه يعنى

كده تمام اوى : اعتقد كدا اننا نخلى عيون الحب المحامى بتاعهم بما انه دارس قانون.. ويساعده ابن مصر بما انه مشرف حلال العقد.. Mandozzz لخبرته فى المنتدى التيفاوى ولا ايه ياجماعه ..؟؟

MaNshoOo: صح تمام كدا ندى العيش لخبازه برضو ومش هنلاقى اكفأ منهم يعملوا مذكرة تمام علشان يدافعوا بيها عن الولاد ويطلعهم
اشطات كدا..

Eng. Shapon :صح كدا.. لازم نعمل اللى علينا برضو يارجاله دول ولاد بلدنا واكيد لو كنا مكانهم بعد الشر علينا يعنى كانوا هيعملوا كدا مااحنا كلنا فى مركب واحدة ,, اسرة مع بعضينا

> The_boss22 < الفرعون الصغير > Mr.s :
كدا تمام واشطات اوى على كدا ,,, الحمد لله اننا لسه هنا مروحناش فى حديد زيهم .. كان الله فى عونهم

Mafiawy :خلاص كدا يارجاله كلنا عرفنا ايه اللى هنعمله ان شاءلله وهنعمل ايه علشان الناس المسجونه دى ..

كلهم : خلاص كدا تمام
*****************************

‏