اقتباس:

كمّلى يا حبيبة (أو الشخصية اللى متقمصة شخصيتك) وربنا يستر

اقتباس:

ايه الكلام الغريب ده

اقتباس:

معجبش ايه وايه ده ايه ده حذف كمان ليه كل ده الاعضاء اكيد كلهم بيهزروا انكلودنج مى حته جد بقه مدام الهزار هيخلى الفكره تموت احم احم نحن هنا من هذا المنبر المستقل نعلن اننا كنا وسنظل منبر الرأى الحر المعبر عن نبض هذا الشعب الذى نحن من ابنائه كفايه كده علشان منوسعهاش اوى فى انتظار التكمله

عارفه انهم بيهزروا والله ياماندوز ,, قلت حته جد فى النص كدا يعنى

وماشى هكمل ,, والحمدلله متهورتش وممسحتش التكست اللى كاتباها عندى

*************************************
//////////////////////////////////////////



وبعد ما تم القبض على المذكورين فى الجزء الاول


WebCraker :يانهار ازرق انا ايه اللى جابنى هنا فى قسم الشرطه .. وبعدين ركز شويه كدا لقى مين حواليه sir.7amato وعاشق الايمان وفجر الاسلام وملكة بحجابى و Omar85

ايه ياجدعان انتم كمان هنا بتعملوا ايه..؟؟ هو ايه اللى حصل هم بيقفشوا فى البنى ادمين ولا ايه..؟؟

Sir.7amato :والله WebCraker يااخويا انا كنت قاعد فى حالى ولقيت اللى جاي وخدنى على عمايا من غير اى ذنب ومش عارف انا عملت ايه
ربنا يسترها علينا بئه

عاشق الايمان : طيب انا مالى دا انا عايش فى حالى وكافى خيرى شرى... اه والله ومليش فى أذية حد من الشغل ع البيت وانام حتى مبخرجش ومليش دعوة بحد يكون الشغل بلغ عنى ولا اييه .. يارب استرها يارب

فجر الاسلام : ايه ياجماعه انتم قلقانين ليه ,, البلد دى فيها قانون وحكومه والوقت اكيد حد هيجى ويقولنا احنا بنعمل ايه هنا ومفيش داعى للقلق دا احنا هنا فى بلد ديموقراطى .. امال ايه ..

Omar85 : ديموقراطى ..!! اه واضح فعلا انها ديموقراطى ,, وادينا قاعدين مستنين نشوف هيحصل فينا ايه

ملكة بحجابى : طيب انا عايزة اروح اصل عندى كليه ومذاكرة وابحاث وبلاوى متلتله ,, وبريئه والله مبعملش حاجه فى حد وبحب مصر كمان يعنى وقطة مغمضه اه والله ,, اه يانى يابابا


وعم الصمت على الجميع ... وفجأة يدخل وكيل النيابه

وكيل النيابه :هو انتم بئه اللى بتهزوا الاستقرار الوطنى ومعترضين ع النظام المصرى
انتم تبع اى حزب ولا اى قاعده ,, ومفيش داعى حد ينكر لان انتم متوصى عليكم من جهة امنيه كبيره تقدروا تقولوا كدا من اكبر واحد فى الدوله دى

المتهمين فى حالة استغراب ... وفى نفس واحد: استقرار وطنى ايه ونظام ايه واكبر حد فى الدوله مين ؟؟ ,, روحنا فى داهيه يا معلم انت وهى

وكيل النيابه : ايوة اعملوا انكم مش عارفين حاجه بئه ,, اللى انا مستغربله انتم شباب زى الفل بتعملوا فى نفسكم كدا ليه ..؟؟

WebCraker : لا مؤاخذه ياباشا ممكن حضرتك توضح لينا بس هو فيه ايه .. لان والله ما حد فاهم حاجه ومش عارفين بتكلم على ايه بالظبط ..

وكيل النيابه : احنا جالنا بلاغ يا متهم منك ليه ليها ان سيادتكم عاملين موضوعات على منتداكم بتهزوا فيها الاستقرار وضد النظام المصرى ..
ومنها
عشان انت مصري
اعلان اتصالات الجديد
Mubarak Vs Face book By Hitler
عايز انسي اني مصري
المصراوية ..... بالصور ... ميه ميه

WebCraker : : اهااااا هى الحكايه كدا ,, ياباشا انا مليش دعوة مش بحط موضوعات من دى وممكن حضرتك ترجع للمنتدى وتشوف بنفسك ياباشا ,, دا موضوعاتهم هم والله


وكيل النيابه :بس انت صاحب المنتدى ياأستاذ ومسئول عن الحاجات دى ومسئوليه كامله ..

Sir.7amato : والله ياباشا برئ يابيه واسال WebCraker هيقولك ان المنتدى داخل عليه هاكرز وحد سرق العضويه بتاعتنا وحط الموضوعات باسامينا بس مش احنا
ما تقوله يابنى

WebCraker : ههاااا ,, شوف ياباشا يعنى الموضوع مش موضوع هاكرز احنا مأمنين مداخل ومخارج المنتدى كويس ومفيش فيه هاكرز ولا حاجه زى ما Sir.7amato بيقول .. بس هقولك ياباشا حتى لو هما اللى حطوها مش معناها انهم تبع اى حاجه يعنى يا باشاا

ملكه بحجابى : والله ياباشا انا بحب مصر وانتمائى للبلد دى مش لغيرها

عاشق الايمان : اه والله ياباشا دا انا حتى بقول دايما , متقولش ايه ادتنا مصر قول هندّى ايه لمصر , زى ما خالتى فرنسا والبت بطه قالوا

وكيل النيابه :انت هتهزر معايا ولا ايه ..؟

عاشق الايمان : لا ياباشا اقصد بس اوضح لمعاليك انى بحب مصر يعنى مش أكتر

Omar 85 : اظن اننا براءة ياباشا والمفروض نروح ورانا مصالح

وكيل النيابه وقد بدا عليه علامات الاستغراب والغضب فى نفس ذات اللحظه : تروح مين يا متهم انت وهو وهى انتم هتشرفونا هناا كام يوم لحد ما نشوف اخرتكم ايه ونشوف الباشا الكبير هيعمل ايه وياكم
مبدئيا كدا ياولاد الحلال انتم تشوفولكم محامى علشان هيتعمل ليكم محاكمه

كلهم فى لحظه واحد : محاكمه ..!!! ياباشا احنا ورانا مصالح وشغل وكليات

وكيل النيابه : هى كلمة واحده مش عايز مناقشه

انت ياعسكرى تعالى خد المتهمين دول ع الحجز وودى فجر الاسلام وملكه بحجابى فى حجز الستات ,,

العسكرى : تمام ياافندم

***********************
الجزء الجاى ان شاءلله نشوف اخواتنا التيفاويه موقفهم ايه
وهينقذوا اخواتهم من الورطة دى ولا هيكبروا الجى ويروقوا الدى
طبعا اى حد عنده نقد ع القصه اهلا وسهلا ,, بس ياريت يراعى ان اول مرة اعمل حاجه زى كدا ,,
واوعوا حد يزعل منى