دايماً بتشتعلوا انتوا فى النقاشات اللى فيها انتم واحنا

المفروض ابعد عن قسم البرامج والألعاب وأركز على الحوارات اللى بتجيب مشاركات طويلة كده

خلونا فى المفيد

أولاً احنا عمرنا ما طاطينا لحد ولا عمرنا هنطاطى

وإن كانوا هما ما قدّروش رمضان احنا هنقدره ولنفس السبب اللى انتى ركزتى عليه

لأننا رجالة

يعنى لو انضربنا مانقلش أى .... واللى يهينا برضه هنراعى فيه حق الأخوة والعروبة

ومش زى ماقلتى "بنطاطى"

وبعدين فى أسوأ الإحتمالات الممكنة ... فلنفرض إن الفريق اترجم بالطوب .... طب ما احنا كمان رجمناهم بالطوب ولما كانوا ضيوفنا .... خلاص اتنست دى ولا احنا مانفتكرش إلا اللى عاوزين نفتكره

طبعاً الكلام مش موجه لسيلفر ده عام على النفوس المغوية

أنا نفسى فى كل موقف يكون فيه خناقة بين اتنين إخوات يراعوا الأول إن فيه "حسود" واقف بعيد بيتفرج وهو مش قادر يمسك نفسه من الضحك

نفسى فى كل موقف زفت فى حق فريق نفتكر الأول اننا أرقى من اننا هنخسر بعض عشان الساخرة المستديرة

انتم إخوة وأخوات ..... أقسم بالله إخوة وأخوات

وبسبب السوسة اللى بتنخور فى وسطينا أصبح واجب علينا كل الوجوب إن كل إهانة تتنسى وكل إساءة تتبلع

وإلا فيا عرب عليكم السلام