الخطوه الاولى
اللسان
اللسان هو سبب شقائنا وسبب سعادتنا فى الدنيا وفى الآخرة
لو لسانك حلو الناس فى الدنيا هتحبك وفى الاخره ليك ثواب عظيم عند الله
لو لسانك غليظ الناس هتكرهك و تتجنبك فى الدنيا و ليك حساب عسير فى الاخره
عايزين نرطب لسانا بذكر الله و ذكر الحبيب المصطفى صلى الله عليه وسلم
اول شىء هنتسغفر كتير عشان نكفر عن سيائتنا ونعود لسانا على ذكر الله
ثانى شىء هنصلى على الحبيب اللى هيشفع لينا يوم القيامه
وفيه حاجات حتساعدنا على كده
شئ ما أجمله بيساعدنا بجد على الأستغفار أكبر عدد ممكن وهى
( السبحه )
جبها و أستغفر عليها حتلاقى نفسك أستغفرت كتيرررر فى وقت صغير كمان
طيب بالنسبه للنميمه والغيبه
أكيد كل واحد فينا بينم أو يحكى عن حد ساعات بدون قصد و ساعات بقصد
وخلينا متفقين أن الغيبه و النميمه من الأخلاق المكروه التى نهاها الله عز وجل عنا
لقوله تعالى :
{ يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ }
[الحجرات:12].
وقال رسول الله عليه أفضل الصلاه و السلام
عن حذيفة ـ رضي الله عنه ـ قال : قال رسول الله ـ صلى الله عليه وسلم ـ :
( لا يدخل الجنة نمام )
وعن ابن عباس ـ رضي الله عنهما ـ أن رسول الله ـ صلى الله عليه وسلم ـ مر بقبرين فقال :
( إنهما يعذبان و ما يعذبان في كبير : أما أحدهما فكان يمشي بالنميمة ، وأما الآخر فكان لا يستتر من بوله )
(رواه البخاري ومسلم)
بعض المساعدات لحفظ لسانك :
أولاً : تحاول على قد ماتقدر متجبش سيره حد بالوحش .
ثانياً : بعد إنتهائك من أى جلسه تقول الدعاء ده
( سبحانك اللهم وبحمدك أشهد أن لا اله إلا انت أستغفرك وأتوب إليك )
دعاء سهل مش حياخد من وقتك حاجه غير ان فائدته لو سهيت و أتكلمت على فلان او صدر منك اى خطأ فى كلامك
ربنا ان شاء الله يغفرلك لانك فاكره وقولت دعاء باسمه وسبحته كمان .
ثالثاً : إبعد عن اى شخص عارف عنه أنه بيتكلم كتير و على اى حد و يفضل انك تنصحه
لان ( من نم إليك نم عليك )
رابعاً : يفضل انك لما تتكلم اتكلم فى الخير بس و إذا دافعت عن الغائب أحترمك الحاضر
وكمان لقول رسولنا الكريم صلى الله عليه وسلم
( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه )
رواه البخاري و مسلم .
خامساً : أكثر من الصلاة عن النبى و كلنا عارفين قد ايه فايدتها كبيره
لقول الله تعالى:
{ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً }
[الأحزاب:56].
أخراً و ليس أخيراً
أحلى حاجه تحفظ بيها لسانك انك تذكر الله فى أى وقت و فى كل مكان
(( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ ))
سورة الرعد
مفيش اظن حاجه احسن من كده
انتظروا المزيد من الخطوات و لكن الرجاء المحاوله فى تطبيقها
و الله الموفق