عرض مشاركة واحدة
قديم 2010-07-01, 09:25 PM   #5
الصورة الرمزية لست ملاك
مناضل
تاريخ التسجيل: 2009-04-30
الدولة: *مصر ((الشرقية)) *
العمر: 33
المشاركات: 453
التقييم: 60
إرسال رسالة عبر مراسل Yahoo إلى لست ملاك
الصورة الرمزية لست ملاك
مناضل
افتراضي

اقتباس:
المشاركة الأصلية كتبت بواسطة عبدالرحمن م مشاهدة المشاركة

يمكن دى اكتر كلمة بتنرفزنى فى الدنيا كلها .... ((هنعمل ايه))

طالما الطلبة مش راضيين عنه وعائلات الطلبة مش راضيين عنه (فئة كبيرة من الشعب) يبقى نشيله ونستريح منه

طالما احنا اللى بندح طول السنة يبقى المفروض يبقى لينا رأى ولو بسيط

نفسى يسألوا الأهالى قبل السنة الدراسية عايزين تعلموا ايه لأولادكم ؟ مش حشو وخلاص

تعالى على منهج العربى

واحد حبيبته ترحل يكتب فيها شعر واحنا نحفظ
واحد ابنه يموت يرثيه واحنا نحفظ
واحد بيحب واحدة يكتب فيها شعر واحنا نحفظ
واحد يوصف الخمر يقول فيه شعر واحنا نحفظ
ده وصلت ان واحد قطته ماتت رثاها (بتاعت يا هر فارقتنا) واحنا نحفظ



هو أنا دماغى سفنج هعديها على الصفحة تروح متشربه كل حاجة فيها

تعالى على منهج الرياضيات

دلوقتى ربنا رزقنا وسهلها علينا والبنى آدمين اخترعوا جهاز بيقوم بمليارات العمليات الحسابية فى ثانية واحدة

ليه نمسك الورقة والقلم ونحل مسألة مسألة ونغلط ونعيد

يقولولى تمرينات للعقل (أو رياضيات للعقل) .... طب يبقى خلاص بقى خلوها مادة هامشية الواحد يذاكرها لما يبقى نايم وعايز يفوق لأن فيه ناس بتكره التعامل مع الأرقام ومنهم أنا فمش عدل إنهم يطبقوها علينا كلنا بكل بساطة

نروح للتاريخ

ناس عملوا شوية حاجات وماتوا أنا ذنبى ايه ؟

نروح للجغرافيا

الدول المحيطة بأثيوبيا كذا وكذا وكذا
البرازيل تحتوى على كذا نسمة
أهل الصين بياكلوا وبيزرعوا كذا وكذا وكذا

يعنى بالذمة مش شايفين إن الحاجات دى كلها المفروض تتحط فى كتاب وتتعلق فى المكتبة واللى عايز يطلع معلومة معينة يبقى يبص فيهم ......... لأ نيجى احنا ونحفظهم

نروح للكيميا

لا حول ولا قوة إلا بالله هى الكلمة المناسبة لوصفها ...... سرد وقوانين وتكوينات ومعادلات وتعريفات
الكيميا كان ممكن تكون شيقة جداً للطلبة لو إنهم قللوا كم المعلومات اللى فيها شوية أو طلعوا من مبدأ التفصيل الممل الأذلى اللانهائى

نروح للفرنساوى

العالم كله بيتكلم إنجليزى حتى معظم الفرنسيين ولو إنهم ما بيتكلموش إنجليزى يتعلموه ونقعد نتكلم كلنا مع بعض بلغة واحدة
مش أروح أتعلم أنا لغة كاملة عشان أقدر أتفاهم مع مجموعة من الناس
ما احنا لو طبقنا المنطق ده على كل البلدان يبقى نتعلم إيطالى ولاتينى وبرازيلى وفارسى وكل اللغات التانية
أقعد أدح عشان أما أقابل فرنسى أقوله merci بدل ما أقول thanks

هاه أقول ايه فى ايه ولا ايه أدينا ماشيين مع الناس لأن اللى هيعترض هيتعب


يـــــــــــــــــــــــــاه ياعبدالرحمن

للدرجادى انت متضايق


على فكره التلميذ المصري بطل فى حمل الاثقال ((كتب بالكوم))

لست ملاك غير متصل   رد مع اقتباس