شبـــكة تـيـفـا نت - عرض مشاركة واحدة - قضيه سحل المصرى فى لبنان نفتح لها باب النقاش فى المنتدى

**Sir.7amato** · 2010-05-02, 11:37 AM

اقتباس:

الموضوع سانقل لكم الاخبار

واسف مش هقدر احط الصور الا صور عاديه

اما صور السحل او فيديوهاتها فلن انشرها وحرام على اللى ينشرها

أشكرك على عدم نقل الصور الفيديوهات الى كتير من الناس كانت مسرعه بنشرها والترويج لها
وأحترم وجهة نظرك واؤيدها

اقتباس:

الموضوع مطروح لابداء وجهه النظر نحو الحادث

وجهة نظرى تجاه الحادث
مينفعش بكل المقاييس الى حصل ده
حتى لو كان فعلاً هو عمل كده مينفعش يكون التعامل مع جريمه بجريمه أبشع منها
بس ممكن تقول دخول الهمجيه بتسهيل من الشرطه اللبنانيه هو الى سهل ان كل ده يحصل
ولو كان فى إحترام للآدميه لدى الحكومه اللبنانيه مكناش هنشوف كل ده
إزاى واحد يتاخد من ايدين الشرطه ويتعمل فيه كده
هل الحكومه اللبنانيه ضعيفه ولا تستطيع السيطره على مثل هذا الموقف ؟
سؤال أعتقد إنو يدور فى أزهان كل المصريين
لابد من تدخل الحكومه المصريه لأخذ حق كل مصرى جرح بداخله

اقتباس:

هل جنسيته المصريه كانت سبب فى اللى حصله

معتقدش إن الجنسيه ليها علاقه بالموضوع خالص
لأن لو كان المتهم بالقتل ده من أى جنسيه أخرى كان هيحصل فيه نفس الى حصل
المشكله فى سلوك الأهالى وتفكيرهم المتخلف
وكمان ياريت مندخلش موضوع الطائفيه فى الموضوع لأن اغلب سكان قريه كترمايا مسلمين سنه

اشكرك يا محمد على طرح القضيه الى فعلاً كلنا لازم نتكلم فيها
لأن إمبارح وانا بتابع للخبر على أكثر من قناه كان نفسى اتكلم واقول الى فى نفسى والحمد لله قولت
ربنا يرحمه ويصبر أهله