عرض مشاركة واحدة
قديم 2010-04-28, 07:20 PM   #12
الصورة الرمزية Muhamed
شخصية هامة
تاريخ التسجيل: 2006-09-20
الدولة: مصر ام الدنيا
المشاركات: 4,886
التقييم: 1049
الصورة الرمزية Muhamed
شخصية هامة
افتراضي

اقتباس:
حضرتك انتي مش واخده بالك في الزمن إلي احنا عايشينو دا..يعني انتي عايزه تقولي..ان إحنا لازم ندرب ع الدبابات والرمح والطائرات في السن الصغير دا...وبعدين إيه الفرق بينا وبين النساء...طب ما احنا بردو لما بنحب نغني..مش بنغني للنساء..انما لأنفسنا..انا مش بقول ان الأغاني مش حرام..بس الأغاني مكروها..


توضيح صغير يا ساحر الحب

المعنى متبصلوش حرفيا

يعنى زمان كان العرب فى حاله فتوحات دائمه لنشر الاسلام

ومنه كان فى عهد سيدنا عمر ابن الخطاب يفضل ان يتعلم الطفل ركوب الخيل فى السن الصغير حتى يكبر ويصبح فارس شجاعا يفيد الاسلام

كرر هذا المعنى فى عصرنا الحالى

نحن لسنا فى عصر به فتوحات اسلاميه بالسيف ولكن بالعقل

كيف ننشر الاسلام فى زمننا هذا

بان تجاهد وتتفوق وتظهر صوره ممتازه للشاب المسلم

اذا اتقيت الله فى نفسك

ولو فعلت هذا دون النظر الى المجتمع المحيط سيصلح حال المجتمع

اخى الكريم زمان كان البنات تلبس لبس مش محترم بس مكنش كل البنات

فى بنات كانت بتلبس الزى الاسلامى

مبصوش على المجتمع بيقول ايه ولا العادات فى الفتره دى وكان النتيجه ان مع الوقت اتجاه الالتزام انتشر

حاليا احنا فى عصر الشباب بتسمع اغانى وتغنى الخ والبنات بتلبس لبس ضيق الخ

طيب دا غلط

هل لان الكل كده اقول هوا انا هختلف عنهم ايه

هقلك تختلف ايه

تحتلف انك لو كل اصحابك بايظين او ابوظ منك فده فى الدنيا

يوم القيامه لما هتتحاسب مش هتتحاسب مع اصحابك دول انته هتتحاسب مع البشر كلهم

متفتكرش كونك اكتر واحد مؤدب او كويس فى اصحابك المش كويسين دا حاجه حلوه يوم العرض

لانك هتبقى جنب الانبياء والرسل والصحابه والصالحين

هيتحسبوا جنبك

شوف نفسك جنب واحد من دول

متبصش لحال المجتمع

بص لحالك كانسان مسلم

مغريات العصر ده اكتر بكتير من اى عصر سابق

بس ده عمره مكان سبب اننا منطبقش تعاليم الدين

زى مقلتلك فوق نمط حياتك غلط

مش هقلك اتعلم الرشاش بيشتغل ازاى

ولكن على الاقل فى سنك ده اعرف يعنى ايه اسلام

يعنى ايه صحابه

اعرف الخطوط الحمرا اللى هترسمها فى حياتك علشان متعديهاش مهما حصل

خطط لبكره وتوكل على الله وتفائل خيرا

خليك اكثر ايجابيه وحاول تنصح زمايلك او اصحابك الواقعين فى بحر الفساد انهم يرجعوا للطريق الصح

بس الاول

لازم تجاهد شيطان نفسك

ولما تقدر تكسبه

ساعتها على الاقل هتجد احترام لنفسك قدام نفسك
Muhamed غير متصل   رد مع اقتباس