شبـــكة تـيـفـا نت - عرض مشاركة واحدة - الخيانة الإلكترونية.. هكذا تسقط امرأة في الوحل

**Muhamed** · 2010-03-31, 07:10 AM

اقتباس:

بصراااااااااحه انا بيئت ممدمن نت

بئيت معتش بدرس..

ولا بصلي..

ولا بقوم من ع الكرسي..

بسبب النت ***** دا..

اعترافك بتاثير الانترنت بهذا الشكل السلبى شئ كويس جدا

ولكن لتكمل اعترافك حاول بقدر الامكان ان تصلح من نفسك

المعلومه او الخبر او اللعبه مش هتطير لو سبتها خمس دقايق علشان تصلى

لو مزاكرتش ومنجحتش هتلاقى مستقبل مش كويس وممكن تلاقى نفسك ممعكش كمبيوتر من الاساس تخش بيه على النت

النت عالم واسع

لكن على كل واحد انه يحطله حدود

اجبر نفسك انك تتحكم فيه مش تخليه هوا اللى يتحكم فى وقتك

اجبر نفسك ان فى كل وقت صلاه مهما كنت بتعمل تسيب العمل اللى بتعمله

وافتكر ان الاذان بيبدأ " الله اكبر " يعنى ربنا اكبر من اى شئ فى حياتك

حاول تحط قدام عنيك انك لو مزاكرتش ونجحت هتتحول لانسان فاشل مسئ لاهله وكل اللى حواليه

لكن لو تعبت وزاكرت ( ولعبت فى اوقات اللعب) وربنا كرمك بالنجاح فهتحقق النجاح فى حياتك وبرضه لعبت فى النص يعنى مسكت العصايه من النص

جمله اخرى اعتبرها نصيحه من اخ اكبر

الانترنت يحوى كل شئ وكل المستويات اللى عقلك ممكن يوصلها

المهم انك تحاول تدور على المستويات الكويسه وتحاول تبقى زيهم

فى موضعات تقراها عن الاسلام

وموضوعات عن السياسه

وموضعات عن العلم

وموضوعات عن الحياه

وموضوعات عن الحب

وموضعات عن الضحك

موضعات وموضعات مواقع ومواقع

كل ده قدامك

اتمنى من الله ان تحاول ان تجذب نفسك وتقومها من التعامل مع المستوى او الموضعات الدنيا وتخرج الى المستوى الاعلى

ساعتها هتلاقى من نفسك انسان يقف امام المرايه يحترم نفسه ( مش مكسوف من نفسك يعنى)

ساعتها هتساعد نفسك انك تستخدم النت بالطريقه الصحيحه

اللى بيصاحب اصدقاء الخير بيبقى زيهم

واللى بيصاحب اصدقاء السوء بيبقى زيهم

وفى النت

اللى بيتعامل مع موضعات صالحه ومفيده بيبقى مفيد

واللى بيتعامل مع موضعات سيئه وغير مفيده بيبقى زيها

وعوده الى الموضوع الشيق

اقتباس:

- وأخيرًا.. فإن مجرد المغامرة وحب الاستطلاع يمكن أن تكون هي الدوافع الأساسية التي توصل إلى الخيانة الإلكترونية،

ااااااااااااه من حب الاستطلاع ده

من فتره أحد الشخصيات التى اكن لها احترام كبير فى قلبى قال لى انه يفكر فى النزول لمستوى الشباب وسيدخل مواقع الشات ليرى مجتمع الشباب الحالى الى اى مستوى وصل

حذرته فى البدايه فهو ليس بالعجوز وليس بالشاب المتهور

ولكنه لم يتعظ الا عندما وصل به الحال الى مشكله فى حياته الحقيقيه جعلته يستفبق و يقلع عن هذا الموضوع بعدما اوشك على ادمانه

والسبب كان

حب استطلاع