اولا حمد الله عالسلامه يامحمد
ولعل المانع خير
وان شاء الله ترجع متميز ومتالق كما كنت
بعيدا عن مباراة الاهلي الاخيرة
فقد كان التحكيم في مباريات الاهلى خصيصا في حاله يرثي لها
اولا..مباراة الاهلى وحرس الحدود
اول حاجه جون الحرس من تسلل واضح
ومتحاولش تقنعني انه هدف صحيح او ان الحكم ومساعده ماخدوش بالهم ان عبد الغني متسلل
ده متسلل ب2متر !!!يبقى اذاي مايتشفش؟؟
تاني حاجه تقريبا كده الحكم كان فاكر انه مع كل انذار حيطلعه حيدفع غرامه او حاجه
يعني طول التسعين دقيقه لاعبي الفرقتين بيتحايلوا عليه عشان يطلع انذار
من جانب الاهلي
اكتر من لاعب كان يستحق الانذار وخصوصا بعد اصابه عيد عبد الملك
وكمان اعتقد انه حسام عاشور كان لازم ياخد انذار
ومن جانب الحرس
كان في ناش كتير المفروض تاخد 3 انذارات وماخدتش ولا انذار
ده مش كلامي ده كلام الحكام
واتفرج على فيديو علاء صادق
نيجي باه لقصة الوقت بدل الضايع واللي حصل
كاميني بيمثل كالعاده يعني انه مصاب وبيحاول ضيع وقت بطريقه غير مشروعه
ده ميستحقش انذار؟؟
لا وكمان مدرب الحرس والجهاز الفني والطبي كله ينزل ارض الملعب والحكم واقف يتفرج
وكل ده مش كفايه
مدرب الحراس في الحدود يحاول اثارة عماد ويتطاول عليه ويقوله ((ادي دقني لو خدتوا الدورى))
والمطلوب ان متعب يفضل محافظ على هدوئه!!!
فما كان من عماد الا ان طالبه بالخروج
يمكن يكون اتنرفز بس قبل مانحاسبه نحاسب المدرب
وطبعا انذار الاهلى مافيش اسهل منه
ياخد عماد انذار
وبكده يخطف الحرس التعادل غير الشرعى من الاهلي
واللي ينرفز اكتر الحكم لما يقولك ان الاخطاء التحكيميه لم تؤثر في النتيجه
طب اذاي والهدف اصلا من تسلل
ثانيا..مباراة الاهلي والطلائع..
اخيرا اخدنا نفسنا وحمدنا ربنا على مستوى التحكيم
اللي بدا يتزبط
بس برضه ماتنساش ضربة الجزاء بتاعة بركات
بس تعرف ليه الجمهور ماغضبش من الحكام المرة دي؟؟
لان الاهلى كان لايستحق الثلاث نقط
خصوصا بعد التراخي في التايم التاني
يارب اكون وضحت الغلطات في التحكيم
وكيف كان لها تاثير..
اما عن اسئلتك المطروحه فاليك اجابتي....
يتبع...