عرض مشاركة واحدة
قديم 2010-02-10, 12:09 AM   #13
الصورة الرمزية سجدة قلب
a3lOo0oOo FaLk althria
تاريخ التسجيل: 2009-01-29
الدولة: Mansoura
العمر: 32
المشاركات: 509
التقييم: 225
الصورة الرمزية سجدة قلب
a3lOo0oOo FaLk althria
افتراضي

الحلقة الخامسة

وبعد انتهاء اليوم الدراسي كالعاده

عبدالرحمن:محمد انت فهمت حاجه من اللي قلتها امبارح

محمد:بصراحه ومن غير ضرب لا

عبدالرحمن:طيب بص يامحمد انا وسها تقريبا عايشين
نفس الظروف عايشين غربة في وسط اقرب الناس لينا

عايشين غربة يشكيها البيت بجدرانه فكيف بمن تحويه الجدران ويأن ولا مجيب
اهلي انا وهي اتنازلوا عن وظيفتهم الاساسيه وهي التربيه والاحتواء

لا وياريت المأساه وقفت عند كده لا كمان كانوا موافقين
علي علاقتنا انا وسها وكأنهم شالوا حمل تقيل
من علي اكتافهم وظنوا انهم بكده استريحوا مننا

معرفه اهلنا بعلاقتنا وموافقتهم عليها كان معناها
عندنا ان خلاص الامر المحرم بئي مباح لا دا ممكن
كمان نقول عليه حلال مادام اهلنا عارفين ايه تاني هيهمنا
ربنا يغفرلنا ذلاتنا وتقصيرنا


المهم لما نتيجه الثانويه العامه ظهرت انا
وسها تقريبا كان مجموعنا واحد وقلنا ان شاء الله ندخل طب سوا
وهنقضي 6 سنين مع بعض ومفيش حاجه هتفرقنا وقعدنا نحلم كتير اوي

وفي نفس يوم النتيجه محمود ابن خالتي اتصل بيه
وقالي انا عازمك انت وسها بمناسبه نجاحكم علي حفله المطرب(.........)
الحفله دي هتبقي جميله اوي والمطرب هيكسر الدنيا
هستناكوا تفوتوا عليه متتاخروش بئي

وبالفعل اتصلت بسها وحددت معها ميعاد وقابلنا
محمود وروحنا الحفله سوا ووقت ماكنا في الحفله
كنا فرحانين ومبسوطين اوي
لكن فجأه في نص الحفله محمود قالي
انا مش قادر اخد نفسي حاسس ان مفيش
ذره هوا الحقني ياعبد الرحمن
انا قلقت عليه جدا وقررت انقله المستشفي
وقلت لسها روحي انت عشان متتاخريش وانا هطمنك ان شاء الله

ولما وصلنا للمستشفي حاله محمود كانت
بتسوء وقررت اني اتصل بخالتي عشان تيجي
وجه دكتور اول ماشاف محمود قاله قول لا اله الا الله

قول لا اله الا الله والدكتور يكررها كتير وفي
كل مره الدكتور يقولها محمود يقوله انا فرطت كتير...... انا فرطت كتير اوي

والدكتور مازال يردد قول لااله الا الله ومحمود مابيقولش
الا انا فرطت كتير فرطت كتير اوي وانا مش مستوعب
اللي بيحصل كنت شبه فاقد للوعي

قلت لمحمود انت فرطت في ايه فرطت في ايه يامحمود قولي

وقبل مايجاوبني لقيت الدكتور بيقول (انا لله وانا اليه راجعون)

قلت للدكتور يعني ايه يعني ايه رد عليه

الدكتور:انا لله وانا اليه راجعون

يعني محمود مات خلاص ......ازاي دا كان لسه
معايا في الحفله ازاي مات ازاي دا لسه صغيرومكانش تعبان مات ازاي
دامكانش عارف انه هيموت................... وفرط كتير اوي في ايه ياريته قالي


سجدة قلب غير متصل   رد مع اقتباس