ههههههههه
هوا منكرش انى قابلت شويه من النماذج دى فى القاهره او حتى لما رحت اسكندريه
بس مش كله برضه
اخر موقف حصلى انى كنت رايح مدينه نصر فوقفت تاكسى ابيض (مش الاصفر) من مشروعات التاكسى الجديد ( فكرنى بايام كوريا الصراحه التاكسى ده)
والصراجه فرحت اوى انه انتشر جدا فى القاهره
التاكسى عربيه نضيفه وقدامك ففى جهاز بيقيس المسافه اللى العربيه اتحركتها وتحته السعر نتيجه المسافه دى
التاكسى مشى حوالى 30 او 40 كيلو ولقيت العداد وصل لرقم 30 جنيه وصلت للمكان ودفعت للراجل بعد سؤاله عن ماذا يريد فاشار الى العداد الرقمى وقال مثلما كتب
شكرته وانصرفت
بعد ان انهيت مشوارى
بفكر ارجع بقه
دورت على اى حاجه ملقتش وكالعاده مفيش غير التاكسى
بس اللى عدى عليا من النوع ده
اقتباس:
السائق الغلبان
تكون السيارة مهكعة و مضعضعة و طالع عينها
ويكون السائق كبير السن نسبيا.. ذقنه نامية لأسباب تتعلق بأسعار امواس الحلاقة و يرتدي نظارة كعب كباية و ريحته عرق
ما أن تركب حتى يبدأ بالشكوى عند أول مطب صناعي
منهم لله هي العربية ناقصة ؟ العفشة باظت و دي عليها اقساط يا بيه.. ومش بتاعتي لكن شغال عليها.. دانا عندي سبع عيال منهم تسع بنات على وش جواز..! منين يا بيه ؟ العيشة بقت صعبة و انا عندي السكر والضغط والروماتيزم والاسقربوط.. والدوا غالي.. دانا متجوز اتنين يا بيه مطلعين عيني.. وواحدة منهم حامل في خمس توائم ومش لاقي اي حاجة في أي حاجة
مشكلة هذا النوع أنه يستدر عطفك و يثير فيك ذلك الشعور بالأسى.. تدفع له أكثر من اللازم لأنه غلبان.. لكن ستصدم حين يقول لك في وقاحة: ماينفعوش يا بيه
|
فى اخر التوصيله وعلشان صعب عليا قلت هديله نفس ال 30 بتاعت التاكسى النضيف
مش مشكله ان التاكسى زباله بس ياله كله برزقه
فبقله من باب الادب حضرتك عايز كام
قالى خمسينه
فار الدم فى راسى
خمسين ليه
تاكسى زى ده اركبه وادفع خمسين جنيه
امال لو ركت ليموزين كنت هدفع كام
قلتله رغمى انى يا حاج ركبت وانا رايح يعنى نفس المسافه ب 30 من التاكسى الجديد
ففضل يشرحلى فى الطرق والانفاق والعربيات
قبل ميكمل كلامه فى نص دقيقه كانت الخمسين طلعت وانا خرجت بره العربيه وعوضى على الله