اعود لاكمل بعض النقاط حول هذا البلد الجميل
كوريا هيا احد دول اطلق عليها النمور الاسيويه
تلك الدول التى كانت ناميه تعتمد على المعونات الخ الخ الخ مش متاج اشرح لاننا عايشين فى دوله ناميه فكلنا عارفين اللى فيها
الفرق
ان الدول دى من اخر حرب دخلتها وهيا القت بثقلها كله على الجانب الاقتصادى وتحسين الحياه للفرد
البعض يظن انهم عملوا المستحيل
لكن رايئ الشخصى اننا نقدر نعمل زيهم
بالعكس اكتر كمان
هما على الاقل بلدهم طبيعتها صعبه
يكفى ان 70% من ارضهم جبال يعنى صعب الوسع وصعب بناء مجتمعات جديده
(رغم انى سبق وقلت انهم 50 مليون)
لكن زى مبنقول الحاجه ام الاختراع
هما علشان ظروفهم اصعب اجتهدوا اكتر
احنا لاننا ربنا كارمنا ببيئه وجو مناسب بدل ما نستغلها نمنا
زى الخليج بالظبط
ربنا ادلهم نعمه البترول
بدل ما يبنوا صناعات ثقيله
عمالين يصرفوا انهم يشتروا الحاجات دى
وطبعا الجميع عارف انه كلها بضع سنين ويرجعوا تانى للصفر
وده اللى الناس هناك عارفينه وعاملين حسابهم عليه
هنا ف الدول اللى معاها فلوس رامينها فى استثمارات للاقتصاد والسياحه
طيب
استثمار اقتصادى يعنى مثلا اشتر مصنع فى فرنسا بيعمل اى بتاع واخش بيه البورصه والحياه تمشى
طيب
بعد كام سنه
البترول هيخلص
الحنفيه هتقفل
وهضطر اعيش باللى كان معايا
طيب طبيعى انى اخر خصوصا مع بدايه سقوط الراسماليه
طيب لو خسرت
مش انا بس اللى هخسر بلدى نفسها هتخسر
دلوقتى لو انا فاتح مصنع عربيات فى فرنسا وانا عربى
وفلست الحكومه الفرنسيه هتاخد المصنع ولعمال هيفضلوا شغالين وفرنسا مش هتتاثر
انما انا خسرت المصنع وبلدى خسرت مستثمر هيضرب بورصتها
طب هما
هما بقه عملوا العكس
هما دفعوا فلوس علشان المصانع الكبيره تفتح عندهم افرع
وبعدها
امتلكوا المصانع دى
وبعدها بدأو فى تطويرها
وبكده لو حصل اى مصيبه للاستثمار الدوله هتضمن انه على الاقل المصانع هتفضل شغاله بالعماله اللى فيها
هناك معندهمش مشاكل ان المصانع الكبيره تعلن عن شراكه السلطه الحاكمه فى مقابل ان المصانع الكبيره دى هيا اللى مقومه البلد على رجليها لاه فى المقابل لما كبر اوى وبدا يصدر بقه بيعامل المواطن لكورى بسعر والمواطن الاخر بسعر اخر تماما
يعنى المواطن مستفيد من الدعم الغير مباشر من الدوله
دلوقتى الدوله هناك بدل ما تدى دعم للمنتج
هيا بتدى دعم للمصنع علشان المصنع يصنع اكتر وبكده يصدر اكتر ويكسب اكتر وفى المقابل بيقلل سعر المنتج لابن بلده
ده الدعم الغير مباشر
الفرق ان عندنا الحكمه بتساعد بس توكيلات العربيات ( ياريت تصنيع) دا توكيل بس _ طبعا الكل فاهمنى_ وسايبين مصانع ممكن اساعدها تكبر وتكون امبراطوريه اعكنن عليها
بصوا بالاسماء
هل تفتخر كمصرى بالمقاولين العرب
من غير متفكر اه طبعا
عارفي ليه
لانها ببساطه حاطه رجل لمصر فى دول كتير ممكن نحتاجها فى اى وقت
طب المقاولين كانت هتبقى كده لولا صله النسب بين السادات وعثمان احمد عثمان
طيب عايزين حته خناقه
ليه مندعمش احمد عز
بجد م اهزر
اديله تسهيلات اكتر
وصدر ياعم احمد
بس اتفاق كل ما هتصدر اكتر هترخص اكتر
اكيد هيوافق
لكن مين يفكر
مصانع زى السويدى او abb او شندير او siemens ليه مندعماش
الشركات دى اجنبيه وماله
اخش شريك وادعمه لغايه ما يكبر اوى ويبقى بيصدر
احنا المصانع دى بالفعل هيا رقم واحد فى الشرق الاوسط ولكن فى انتاج الحاجات اللى حجمها خفيف ليه مكبرهمش بدل ما اشترى الحاجه من المصنع الام فى الدوله الفلانيه
فى كوريا عملوا كده
الشركات الاجنبيه تحت المصانع
تمكتها 20 سنه والدوله بتساعدها
بعدها سابتلهم المصنع وملت اتفاقه مساعده بالتكنولوجيا فى مقابل ان المصنع بعد ميسبوه ميخشش منافسه معاهم فى دوله المنشأ
ليه منحاولش نعمل زيهم فى النقطه دى
ولى عوده مره اخرى