اضافة اخر حاجه
على شط نيلك أقف
احكي انا الحكايه
حكايه حب اتولد
قبل التاريخ جوايا
وسنه ورا سنه باكبر
وهو بيكبر جوايا
اطوف واشوف الدنيا
وهو يطوف ويايا
شفت وشافت عنيا
بلاد فيها العجايب
فيها كل جميل
فيها كل الاطايب
لكن يا حلوه انتي
فضلتي اغلى الحبايب
ورجعت على شط نيلك
بحب ماله نهايه
انادي بصوت عالي
يا حب غمري كله
يا سعدي
يا هنايا
واسمع بقلبي الشجر
التراب والنيل والحجر
بيرددوا .... ندايا