|
يعقوب وحسان والحويني ينسحبون من قناة الناس بسبب عمرو خالد
انسحب ثلاثة من أبرز الدعاة السلفيين المصريين من قناة الناس الفضائية الدينية، وأوقفوا التعامل معها، احتجاجا على رفض إدارة القناة الاستجابة لمطالبهم فيما يتعلق بحظر ظهور شخصيات على شاشتها، يتحفظون على منهجهم الدعوي. وقالت صحيفة عكاظ السعودية ان الشيوخ محمد حسان ومحمد حسين يعقوب وأبو إسحاق الحويني اعترضوا على ظهور دعاة ابرزهم الداعية الشهير عمرو خالد، والدكتور أحمد عبده عوض. ويعد الشيوخ الثلاثة من أعمدة القناة المملوكة لرجل الأعمال السعودي منصور بن كدسة منذ بداية بثها عام 2006، وكانوا سببا في انتشارها في أوساط المشاهدين المصريين على وجه الخصوص. وجاء انسحابهم منذ ثلاثة أسابيع اعتراضا على استضافة مدير القناة عاطف عبد الرشيد في برنامجه للداعية عمرو خالد للحديث عن حملة مكافحة الإدمان التي يقودها تحت شعار: "أوقف المخدرات .. غير حياتك"، والتي تدعو لمحاربة الإدمان بالعالم العربي. كما كان من أسباب انسحابهم وامتناعهم عن مواصلة تقديم برامجهم بالفضائية الدينية، هو عودة الشيخ أحمد عبده عوض للظهور على شاشتها لتقديم البرنامج اليومي صباح الإيمان بعد فترة انقطاع قصيرة، حيث أنهم يعتبرونه صاحب ميول صوفية مرفوضة من جانبهم. وكان الثلاثي السلفي قد طالب مؤخرا بتشكيل لجنة شرعية ذات مرجعية سلفية لمراجعة برامج القناة على أن يكون لها القرار في الموافقة على إنتاجها وعرضها أو رفضها، لكن طلبهم قوبل بالرفض. ورفضت إدارة القناة الناس الرضوخ لشروط التيار السلفي التقليدي داخل القناة، رغم التكتل الذي شكله المشايخ الثلاثة في محاولة لإجبارها على الامتثال لضغوطهم، وشددت على أن سياستها المعتمدة ترحب بكل الكفاءات بغض النظر عن انتماءاتها. كما رفضت الاستجابة لشروط هذا التيار بمنع الشيخ أحمد عبده عوض من تقديم برامجه، نظرا لشعبيته الكبيرة والاتصالات الكثيرة التي تلقتها إدارة القناة من مشاهدين يستفسرون عن سر انقطاعه عن تقديم برنامجه. |
مش شايف انها فيها مشكله هي الحاجات دي وصلت للشيوخ كمان ربنا يتولي الجميع برحمته يا رب |
أنا مش عارف أقول إيه والله لما الناس دي تعمل كده إحنا نعمل إيه أنا من رأيي إن الناس دي تقول رأيها ولو الكلام مش مظبوط هما يعدلوا ويدللوا من الدين والسنه دا رأي ممكن أسمع رأيكوا |
الدنيا باظت الناس الى المفروض انهم يوجهونا معدوش عارفين حاجه ايه يعنى ماله عمرو خالد بيقول كلام غلط بيغنى وبيرقص ولا ماشى مع دينا وبعدين ماله احمد عبده عوض اقسم بالله الناس مش عارفه تعمل ايه هما الناس دى بتقول كلام عيب ولا حرام وبعدين الثلاثه الى شايفين نفسهم هما الى ملهمش زى دول طيب ما لو كان الناس دول بيعملو حاجه غلط منوجهم للصح مش نعمل اضراب عن القناه وشغل عيال صغيره اسف لو كنت استخدمت الفاظ غير لائقه بس بصراحه حاجه تخلى الواحد يخرج عن شعوره |
أكيد لا يجتمع الثلاثة على باطل !!!!!!!!!!
|
لاخوانى الذين سبق لهم الرد عدا اخى فارس لان من رده وضح انه متابع للشيوخ الاجلاء جيدا اما اخوانى سيمو وحموتوا وبوص وجاجوار فاهدى اليهم هذه الفيديوهات يشاهدوها اولا ثم يحكموا عقولهم مره اخرى https://www.youtube.com/watch?v=GkakThjUZKo https://www.youtube.com/watch?v=_bpwj8tMPLY https://www.youtube.com/watch?v=OXSwMweOaEI https://www.youtube.com/watch?v=IVc1ZMCHw2M https://www.youtube.com/watch?v=IVc1ZMCHw2M https://www.youtube.com/watch?v=a5QAzf8XnHY https://www.youtube.com/watch?v=QjttJ_INNx4 https://www.youtube.com/watch?v=ZZKeZ8dZIEE هذا بعض من ردود الشيوخ الافاضل على الاستاذ عمرو خالد فى بعض الاختلافات وتستطيعوا ان تصلوا بسهوله الى حلقات كثيره للشيوخ الافاضل قبل ان تططلقوا احكام عليها اخوانى الكرام الاستاذ عمرو خالد هوا انسان مسلم لديه نيه طيبه بان يصل صوت الاسلام الى من لا يريد ان يسمع عنه ولكن يظهر جليا انه فى اثناء دعوته يقع فى الكثير من الاخطاء الفقهيه للاسف دعوات عمرو خالد تجدون افيدها فى مجال التنميه البشريه اكثر اما دخولا فى المسائل الدينيه فقد تجدوا مشاكل فى بعض المواضيع الفقهيه وهذا محل اختلاف الشيوخ من الاستاذ عمرو خالد اما الشيخ احمد عبده فاى منكم لو رأى ححلقه له لقال انه خير داعى فى هذه الامه ولكن ان يصل الامر الى اتصالات وانا تعبان يا سيدنا الشيخ وهوا يرد عندى علاجك وخدى الرقم واتصل وهقلك عليه دا امر جلى ان الموضوع متعلق بالصوفيه وطرقهم المعروفه واغلب الظن ان الشيوخ الافاضل ارادوا ان صح الخبر ان يحافظوا على بياض الثوب الابيض فمن اراد ان يعلم الاسلام على سلفيته حقا فليفتح قناه الناس اما من اراد ان يرى شئ اخخر فالفضائيات الاخرى مفتوحه للجميع |
شكرا جزيلا يا مندوز وتم حذف ردي لعدم العلم بشئ لحين مشاهده الفيديو ان شاء الله بعد الأمتحانات بقي . ربنا يهدي |
كلام ماندوز والفارس مظبوط 99% الشيوخ من حقهم يعترضوا وياخدوا رد الفعل اللى هم شايفينه مناسب ولكن ايه الاحسن والافيد للناس انهم يسيبوا القناة خالص؟؟ وتفقد قناة الناس 90% من مشاهديها اللى اتعودوا يسمعوا من الشيوخ الاجلاء الدروس ويتقال ان الناس اتحرموا من علمهم بسبب عمرو خالد والشيخ عبده عوض وييجوا اللى متعودين يصيدوا فى الميه العكرة يستغلوا الموقف ويقولوا ان الشيخ حسان ويعقوب والحوينى بيكرهوا عمرو خالد وبيقولوا عليه كذا وكذا وعمرو خالد بيرد ويقول كذا وفى الاخر نوصل لنتيجة القيل والقال وهم دول رجال الدين الاسلامى وهو ده الاسلام من رايي ان الشيوخ من حقهم يعترضوا ولكن يراعوا التشتت اللى هيبقى الناس فيه بينهم وبين باقى العلماء ويختاروا الوقت المناسب لكده وجارى مشاهدة الفيديوهات |
والله الفيديو تمام يا ماندوز يعنى هما الشيوخ عندهم حق فعلا وعمرو خالد فيه معظم المساوئ بس مش معنى كده اننا نخاصمه بقى معدناش نكلمه واحنا يعنى بنقفله ع الحاجات الوحشه ونسيب الحاجات الحلوه ولا هو مبيعملش حاجه حلوه خالص ؟؟؟ والله انا عارف ان عمرو خالد بيدلى بتصريحات ناريه وشغل صحافه وكده بس الراجل مش كل شغله غلط ولو كان غلط ليه منقلوش انت غلط فى قاعده شخصيه معاه هو ونحاول نوجه للطريق الصح كلامى للشيوخ الاجلاء أعزهم الله ليه يكون الكلام على مرأى ومسمع من الناس ونخلى صوره عمرو خالد وحشه خالص كده قدام الناس هو أحنا كده بنعمل حاجه صح مفتكرش ان كده ممكن عمرو خالد يتوقف عن اى حاجه غلط بيعملها بل ممكن يزيد الفكر كلها فى ان بالعقل كل حاجه بتتحل مش انى اسيب القناه واعمل اضراب لالا خالص عمر العمليه مكانت كده خالص يا جماعه والله الناس كلها عارفه ان دا صح ودا غلط انا عارف ان الاغانى حرام بس انا ايمانى ضعيف طيب منا اروح للراجل الى ايمانه ضعيف ده وأقنعه ان يسيب الاغانى مش اخاصمه ومعتش أكلمه طيب منتا كده معملتش حاجه ياريت شيوخنا الاعزاء يراجعوا التفكير فى الموضوع وانا على يقين انهم لو اخلصوا النيه لله وأخرجوا ما فى قلوبهم وتكلموا مع اى شخص مخطأ مش عمر خالد بس ممكن نغير كتير فى الشخص ده أشكركم جميعا اشكرك أخى ماندوز على طرحك للموضوع انا أتكلمت عن وجه نظرى عاوز اشوف بقيه أراء الناس الى معانا *ملحوظه : فى فيديو مكرر أكتر من مره للشيخ الحوينى ياريت تظبط العمليه ... |
انا اولا مش متابعة قناة الناس الحقيقة بفضل اقرأ والرسالة عنها وبالنسبة للشيوخ التلاتة اولا الشيخ الحوينى انا مش متابعاه خالص الشيخ يعقوب انا برضو مش متابعاه لانى مبفضلش اسلوبه ومبيجذبنيش الشيخ محمد حسان متابعاه بس مش بصفة جيدة بس بجد بيعجبنى اسلوبه الشيخ عبده بما انه مش بيظهر غير على قناة الناس وانا مش متابعاها فانا معرفهوش الاستاذ عمرو خالد زيى زيكم سيبكم من كده بس من خلال مناقشتكم جه فى عقلى كام سؤال كده ياريت يكون اجابة الاسئلة دى جت على بالى بعد رد الفارس ليه اعترض الشيوخ التلاته على اصطدافة عمرو خالد فى قناة الناس بالرغم انه زى ماتقال فى المقالة ان هم اصطدفوه يتكلم عن الحملة وليس فى امور فقهية والتى يعترض عليها الشيوخ هل السلفية والتنوير اتجاهان لا يتفقان او يتقابلان؟ هل نسى الشيوخ الثلاثة ان كل انسان بيغلط ويجب لما الانسان يغلط نوريه الصح مش نقاطعه ( المفروض اى داعى اسلامى كده) اصل مفيش انسان صح على طول كل الاسئلة دى كوم والسؤال اللى جاى ده كوم لانه مدوخنى او ربما انا عاوزه حد يوضحلى الامور اكثر هل من الصح ان الدعاه الاسلاميين والشيوخ ينقصموا الى سلفية وصوفية وشاذلية واصلاح وتنوير وغيره وبالتالى ينقسم الناس لذلك هل ممكن هذا الانقسام ان ياتى يوما عليه يصبح انقسام فى جوهر الاسلامويصبح كانقسام سنه و شيعة بصوا دى الاسئلة اللى جت فى دماغى هى ممكن تكون اسئلة ساذجة ناتجة عن قلة وعى بس هى اسئلة جت فى دماغى عشان عاوزه اعرف اكتر وانمى وعى |
| الساعة الآن 06:48 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى