شبـــكة تـيـفـا نت - رقم محمول الريس.....هنا, تعالى وانت تعرف يمكن تعوز تكلمه

شبـــكة تـيـفـا نت (https://tefanet.protector.pw/vb/index.php)

- فرفشة (https://tefanet.protector.pw/vb/forumdisplay.php?f=47)

رقم محمول الريس.....هنا, تعالى وانت تعرف يمكن تعوز تكلمه

السلام عليكــم ورحمـة الله وبركاتــة ،،

ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!

Download42388

فرحة كبيرة ... إنتابت الجميع ....

Download44216

كان أمل الجميع ..شرف مكالمة الرئيس ....وعرض مشكلته عليه ... !!

حتي الأطفال ... أحبوا أن يكلموا ..عمو الريس .....

Download13682

وطلبوا منه طلبات غريبة جداً .... عيب أقولها لكم ...!!!!

Download58648

رقم محمول ... الرئيس ..!!

أشارت مجموعة من خبراء العلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر ....

وافق الرئيس علي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه ....رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ...

وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :

((إتصل برقم الرئيس ..وإنت وأهلك هاتهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيبلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

وأخيرا

جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي :

- ألو ....

- أيوا ...

- إنت الريس ...

- أيوا يا حبيبي ... إيه مشكلتك ....

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...

- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!

- شكراً ياريس ..ربنا يخليك لنا ويخليك للوطن ...

المكالمة الثانية :

- ألو

- أيوااا

- الريس معايا شخصياً

- أيوااا ... قول يا مواطن ... إيه مشكلتك ...

- أنا ياريس وغيري ملايين ساكنين في المقابر وتحت الكباري وفي عشش في ال ...

- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...

- فاهم فاهم يا ريس ...

- كمل يا مواطن ...

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...

- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف أنها دنيا فانية ...

وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!

- طب ما تيجي ياريس تتعظ عندنا شوية ...

- إخرس ... يا ..(....)

دببببب ...

وتم غلق الخط ...

المكالمة الثالثة :

- ألو ....

- أيوااااااا

- الريس حبيبنا معانا ....

- أيوه أيوه كده ....إيه مشكلتك يا حبيبي ...؟؟

- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...

- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...

- ياريس عايز أكون نفسي ...

- ما تكونها يا حبيبي حد حايشك ...؟!!

- أكونها إزاي من غير شغل ..؟؟

- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...

دبببب ...وتم غلق الخط ....

المكالمة الرابعة ...

- ألو ..صباح الخير ياريسنا يا جميل ...

- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...

- أنا يا ريس وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....

- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....

- ياريس ... نفسي أحب وأتحب ....

- يا مواطنة ... حب الوطن كفاية عليكي ....

- يعني أتجوز الوطن وأجيب منه عيال ..!!!

- يوووه ... إنت مش عجبك كلامي طيب ...

دبببب .. وإنتهت المكالمة ....

وهتفضل كده المكالمات دبببب

منقول منقول منقول منقول
مليش دعوه يا عم :011:

شهد- ألووووو الريس ؟؟:048:

- آه يختي انا الريس ؟:shades:

شهد- ازي حضرتك عامل إيه ؟ إن شاء الله تمام ؟:18:

- آه الحمد لله :thmbdn:

شهد-وازي المدام والأولاد ؟ يارب يكونوا بخير:walkman:

-كويسين إيه انتي هتتعرفي عليا ؟ متخلصي !!:bomb:

شهد-يعني انا حبيت أطمن عليكم مش أكتر:009:

- متشكرين الخلاصة والنبي:017:

شهد- يا سياادة الريس انا مش عايزة حاجة:as:

انا بس كنت بطمن على سيادتك وكنت عايزة أعاتب حضرتك لو تبعا ميضايقكش يعني:009: ..

- بتعاتبيني ليه يا مواطنة ؟؟:039:

- عشان الوطن لو اجوز أكتر من أربعة يبقى حرام :18::ongue:

بووووووووووف وشهد تغلق الهاتف قبل ما يحصلها حاجة نت جود:no3:
وتنتهي المكالمة:shutup:

موضوع جميل جدا

على فكرة المكتوب فوق في ردي شهد ليس لها علاقه به
مخها هوا اللي قاله
وانا بريئة مما يقوله:011:

شكراً يا بوس

والسلام

تصدق فى البداية افتكرت الموضوع حقيقى

لكن بعد التوغل فى الموضوع عرفت بقى

بغض النظر انه محطوط فى قسم الفرفشة

يا أخى والله زعلتنى
والله يا عم كنت عاوز اكلم الريس
اصل انتو متعرفوش الريس دا انا بحبه اد ايه
كنت عاوز اقوله انى معرفتش اروح يوم عيد الميلاد مع انه عزمنى
حصل شويه ظروف كده واتأخرت مكنش ينفع اروح انا سامع ان كان فى هلس
بس انا عارف ان عمره مهيزعل منى لانه عارف انى بعزه اد ايه !!!!!!!!!!!!!
حبيبى يا ريس
لو تعرف تجيب الرقم يا هشام ابقى ابعتهولى ع الخاص
انت فاهم بقى الحاجت دى بتبقى سووووووو برايفت انت فاهم

متزعلش يا رورو بحبك هع هع

اقتباس:

يا أخى والله زعلتنى
والله يا عم كنت عاوز اكلم الريس
اصل انتو متعرفوش الريس دا انا بحبه اد ايه

باين باين:as:

اقتباس:

كنت عاوز اقوله انى معرفتش اروح يوم عيد الميلاد مع انه عزمنى
حصل شويه ظروف كده واتأخرت مكنش ينفع اروح انا سامع ان كان فى هلس
بس انا عارف ان عمره مهيزعل منى لانه عارف انى بعزه اد ايه !!!!!!!!!!!!!
حبيبى يا ريس

لألألأ مش هيزعل الريس قلبه كبير يتسع لكل الشعب .

اقتباس:

لو تعرف تجيب الرقم يا هشام ابقى ابعتهولى ع الخاص
انت فاهم بقى الحاجت دى بتبقى سووووووو برايفت انت فاهم

طبعا طبعا خلاص في البريفت بقي

اقتباس:

متزعلش يا رورو بحبك هع هع

يا دلعك يا ريسنا ايوه ياعم محدش قدك:shades:

اقتباس:

تصدق فى البداية افتكرت الموضوع حقيقى

يلا أي خدعه
شكرا لمروركم

اقتباس:

شهد- ألووووو الريس ؟؟:048:

- آه يختي انا الريس ؟:shades:

شهد- ازي حضرتك عامل إيه ؟ إن شاء الله تمام ؟:18:

شهد- يا سياادة الريس انا مش عايزة حاجة:as:

انا بس كنت بطمن على سيادتك وكنت عايزة أعاتب حضرتك لو تبعا ميضايقكش يعني:009: ..

- بتعاتبيني ليه يا مواطنة ؟؟:039:

- عشان الوطن لو اجوز أكتر من أربعة يبقى حرام :18::ongue:

بووووووووووف وشهد تغلق الهاتف قبل ما يحصلها حاجة نت جود:no3:
وتنتهي المكالمة

:shutup:

مش بقوللك قلمك كويس جدا ما شاء الله
لو روحنا في داهيه علي يدك أنا معرفكيش
بتخلي منها هنا واخلي سبيلي عن أي منصب من الأن

اقتباس:

موضوع جميل جدا

اقتباس:

على فكرة المكتوب فوق في ردي شهد ليس لها علاقه به
مخها هوا اللي قاله
وانا بريئة مما يقوله

:011:

مش بقوللك أحنا شعب ديمقراطي يعني براحتك
كله في الاخر علي مين علي الأدمين
مش هوا صاحب الموقع انا معرفوش اصلا
شكراً لمرورك يا شهد

واصلي تميزك وابداعتك
وردودك القويه جدا
سوري علي التعديل في ردك أنا رجعته
أصل بأخد أقتباس أنا اصلا مش شايف قدامي
أخدت تعديل وحصل مشكله
ولكن تم تعديلها وشكرا لمرورك :thumbup1: