طوابير العيش حاجه تذل
 

من غير ما تجيب الخبر ده انا متأكد ان فى 70 مليون واحد على الاقل بيقولو حسبنا الله ونعم الوكيل

عايزة اقولك ياروميو ان بتحصل مجازر عندنا علي افران العيش وعشان الناس تاخد بنص جنيه بس

بس انت عارف بياخدوه ليه ؟؟؟؟؟؟؟؟؟ مش هتصدق

بيعملوا مشاكل وخناقات وممكن يقفوا بالساعات علي الفرن عشان يجبوا عيش ويحطوه للطيور

تصور البهدله دي كلها مش عشان ياكلوا هما لا دي عشان الطيور انا استغربت جدا مايحطلهم اي حاجه وبلاش البهدله دي كلها

وبعدين اغلبيه الناس دلوقتي بيشتروا العيش الابيض لانه بقي انضف مليون مره من عيش الفرن لانه بقي كله رمل وحاجات كدا

يعني عايزة اقولك ان الناس هي اللي عامله في نفسها كدا وهي اللي معذبها نفسها كدا

الشعب المصري غاوي تعب

ماهى دى المشكلة هو اسلوب الحياة اللى عايش بييه الشعب المصرى يعنى مثلا انا ساكن فوق فرن عيش بشوف بلاااوى
تخيلو ان فيه للعيش سوق سوده
بمعنى ان بعض الناس يقفو فى الطوابير ويجيبو عيش كتير اوىىىىىىىى عشان يبعو ال2 ب15 قرش والرغيف ببريزه
اهيه الحاجات اللى زى كده هى اللى موديانا فى داهية

ايوة فعلا ياروم والله بسمع كدا فعلا ناس مثلا بتشتري العيش بالسعرالعادي والناس اللي مش عارفه تجيب وعايزة مثلا بجنيه عيش يدوا لواحد جنيه ونص او اتنين جنيه وهكذا

ودا بيشجع الناس دي انهم يسوؤا فيها ويبيعوا بأغلي من كدا كمان ماهما لاقين اللي راضيين وبيشتروا

انت عارف العيش عامل زي ايه ؟؟ زي الاكل اللي عمال يغلي المكرونه تغلي الناس تزيد في الطلب عليها ينزل سعرها مش يطلبوها

احنا لو ناخد موقف ونعمل مقاطعه لكل الحاجات اللي زاد اسعارها غصب عن الكل هينزلوا سعرها عشان الناس ياخدوها

بس مش عارفه ليه الناس كدا

ولا يمكن انا اللي مش فاهمه هما ليه بيعملوا كدا؟

بقى طبور العيش ده يارامى ابشع من المجزرة ده لو بيوزعوه ببلاش الناس مش هتبقى زحمه كده انا مع رأى ايناس ان الناس لو عملت مقاطعة لو حتى يوم كل حاجه هتبقى احسن زى زمان وعايزنا نرجع زى زمان قول للزمان ارجع يا زمان وان رجع