|
ابتسم انت فى كلية الزفت ( هندسة )
ابتسم انت فى كلية الهندسه
عندما تعلم ان لديك محاضرة الساعة 8 صباحا و جميع الكليات حولك تبدا محاضراتها الساعة 10 او 11 اذن انت فى كلية هندسة عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية ابتسم انت فى كلية هندسة . عندما تقول لسائق التاكسى كلية هندسة فينظر لك نظرة حاسد و حاقد ( على ايه يا حسرة ) ثم يوصلك مشوار الاتنين جنيه و يقولك عشرة ( طمعا فى المهندس الصغير ) ابتسم انت فى كلية هندسة عندما تطلب احد اصدقائك فتجده نائم و انت لا ابتسم انت فى كلية هندسة ا عندما تدفع فى الدروس ما يساوى تمن جهاز عروسة ابتسم انت فى كلية هندسة عندما تحسب بالجمع دون الطرح مدة تعليمك فتجدها تحقق المعادلات التالية: مدة تعليمى الاجمالية = مدة التعليم الاساسى + التعليم الجامعى + التحابيش -------------- (1) و علما بان التعلم الاساسى= التعليم الاساسى + التعليم الثانوى اذن التعليم الاساسى = التعليم الابتدائى + التعليم الاعدادى + الثانوى -------------- (2) و علما بان التعليم الجامعى = سنوات اكاديمى + سنة امتياز -------------- (3) و علما بان التحابيش = دبلومة + ماجستير + دكتوراة -------------- (4) و بالتعويض من 2 و 3 و 4 فى 1 اذن مدة التعليم الاجمالى = الابتدائى+الاعدادى+الثانوى+اكاديمى جامعى+الامتياز+دبلومة+ماجستير+دكتوراة مدة التعليم الجمالى =5+3+3+5+1+2+4+4=27 سنة مع الشغل و النفاذ (بفرض عدم الدبلرة[^o)]) اذن ابتسم انت فى كلية هندسة مما سبق نستنتج انك سترى اللحظات التالية فى حياتك: انت بتدرس و صاحبك اللى ف تجارة خلاص بيشتغل ابتسم انت فى كلية هندسة ... انت فى الجيش و صاحبك بتاع اداب بيتجوز ابتسم انت فى كلية هندسة...(للعلم هندسه بيتنقوا عند اختيار الجيش بمعنى لو فى 100 واحد متقدمين بيدوروا على المهندسين بس ويخدوهم) انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول غربة ابتسم انت فى كلية هندسة. عندما تحضر كل السكاشن و تذاكر المحاضرات و تاكل الكتب و بعدين تجيب جيد او حتى مقبول نظرا لرخامة دكتور الماده ابتسم انت فى كلية هندسة عندما يعاملك الدكاترة كانها بتنتقم منك ابتسم انت فى كلية هندسة. عندما تجد كليتك معزولة عن باقى الكليات خوفا من انتقال الامراض الى طلبة الكليات الاخرى ابتسم انت فى كليةهندسة. عندما لا تجد فى كليتك كافتريا عدلة ابتسم انت فى كلية هندسة. عندما تكون حفلة الاستقبال فى الكليات الاخرى على انغام الموسيقى و انت فى حفلتك قاعد جوة المدرج سامع خطبة عريضة لعميد الكلية ابتسم انت فى كلية هندسة عندما لا يجد الشباب فى الكلية من البنات ما يفتح نفسهم ابتسم انت فى كلية زفت... عندما لا تجد البنات فى الكلية من الولاد ما يفتح نفسهن ابتسمى انتى فى كلية زفتة. عندما يصاب الشباب بالصلع فى سنة 3 و البنات بالتجاعيد ابتسم انت فى كلية هندسة |
هههههههههههههههه
انا فرحانة فيك يا بشمهندس اللى بيحصل فيك كده انت والطيب احسن |
والله والحمد لله
الكلام ده حصل فيا وخلاص انا خلصتها من كام شهر ومعنديش النيه لعمل دراسات عليا فى تلك الفتره ههههههه اما الطيب و l'siver فاقلهم الله يعينكم كمان صحيح انتى ايش دخلك الموضوع ده ها ان شاء الله الكليه اللى تخشيها تلاقى فيها دكاتره اعقد من التحف اللى عندنا رغم انى اشك ان فى اعقد من اللى عندنا |
يا ساااااااااااااااااااااااااااااااااااااتر قلبت عليا المواجع
أما بالنسبه للنقطه الأخيره فأنا عامل حسابي وحالق زيرو من دلوقتي علشان محسش بالفرق |
وصحيح أنا أحب أقولكم ان أنا فعلا كده وصلت للسنه ال28 لأني دبلرت سنه أولى على 3 مواد متنيل فيهم على الاخر السنه دي وحاسس بفراغ كبيييييييييييييييييييييييير
وبرضه الدكاتره مش سايباني في حالي ريبوورتات وحاجات كتير وورش طبعا قسم عذاب باور(ميكانيكا باور) |
يا سلام عليك يا ماندوز الظاهر ان المواصفات موحده فى كل الكليات يارب عنا ان احنا نخلص الكليه دى بقى بجد انا زهقت وبص بقى الكلام اللى جاى ده
يقولولك فى 3 اعدادى انجح وهات مجموع عشان تدخل مدرسه نضيفه فى الثانوىتطلع فى اولى ثانوى تلاقى 14 ماده يقولولك لازم تنجح فى اولى ثانوى عشان غيب انك تسقط فيها تيجى فى تانيه ثانوى يقلولك لازم تجيب مجموع عشان ترتاح فى تالته تيجى فى تالته لازم تزود المجموع عشان تدخل الكليه اللى انت عايزها تيجى فى اعدادى هندسه (لو رحت اقاليم)لازم تنجح عشان تحول تيجى فى اولى لازم تنجح عشان تحول(ده لومحولتش من اعدادى زى حالاتى) تيجى فى تانيه لازم تنجح عشان تاخد الثقه فى الكليه(طبعا بعد التحويل) تيجى فى تالته لازم تنجح عشان صعبه تيجى فى رابعه لازم تنجح عشان عيب لما تطلع بماده فى رابعه وهكذاااااااااااااااااا |
هههههههههههه
علشان الناس اللى لسه فى ثانوى وعايزه تخش الهندسه هههههههههه بس علشان احقاقا للحق الكليه بتاعتنا ليها ميزه واحده بس وبتحصل نادرا يعنى ومش فى كل الحالات بتنفع لو انته قاعد مع ناس متعرفهمش وقلت انك طالب فى كليه الهندسه يعنى بيكون ليك منظر محترم شويه هما اه مش عارفين اللى بيحصل فيك جوه بس يعنى اهو منظر والسلام ههههههههههههه |
مهما قلتم عن كلية الهندسة صدقونى مش هاكرها
لو كانت فى سجن ابو غري حبيبتى بردة وان شاء الله هاحول ادخلها وابقى اشوف كد ة اطخن دكتور فيهم يقدر يكلمنى الناس مقامات بردةومش اى حد يتعمل فية كدة الزمن اتغير دلوقتى الطلبة بقت بتشرح للاساتذة يمكن انتم عشان بقالكم كتير فى هندسة متعرفوش اية اللى حصل للى بعدكم |
ا لهوي هو لسه فيه حد بعد الكلام ده عاوز يخشها اللهم قد بلغت اللهم فاشهد
|
يا عم سيبه ده متهور
خليه كده علشان بعد ابوعين ولا حاجه من بدايه الكليه يدوه امتحان الرياضه(اللى هوه فاكر نفسه تخين فيها) الى الكل عارفه ولما يلاقى نفسه جاب 2/20 فيه ميعيطش بقه ويقوا انا عايز احول من الكليه ............ دى هههههههههههههههه |
هههههههههههههههههههههههههههههههههههه
يا سيدى يا سيدى يا جدغ بالله العظيم انا ما سجلت الا علشان ارد عليك فى الموضوع دا .. اونت لخصت الموضوع كله وباين عليك قرفان زى العبد لله ... واخوك فى هندسة المنصورة للاسف فى اكترونيات برده للاسف وان شاء الله هدخل اتصالات برده للاسف ...... عموما شكرا يا غالى على القصدية دى جامدة وربنا |
ههههههههههه
يا بشمهندس كفايه تقول للاسف انا دخلت هندسه بدل كل الاسفات دى هههههههههههه ومنورلنا المنتدى وان شاء الله نشوفك كتير فيه سواء بارد او بالمواضيع التى تستطيع وضعها |
قلت مهما عملتم ان شاء الله هدخلها
بس ادعولى تكون من نصيبى |
يا رب يا دموع تخشها علشان يطلع عليك اللى طلع علينا
ههههههههههه |
ان شاء الله هدخلها
|
يا عمنا انت حر والله هتتعب ويا ريت تيجيلي شبرا هظبطك والله لو محتاج اي حاجه
|
فعلا الكليه بتاعتنا لو تعرف حد فيها بتتظبط جامد
بس انته يا دموع فى المنصوره يعنى بعيد شويه عن شبرا هههههههههههههه |
مين اللى فين فى المنصورة .........
اللى فى المنصوره هنا بقولى وانا اظبطه ....... هههههههههههههه اصل انا متظبط خلقة عايز اظبط اى حد معايا علشان مبقاش متظبط لوحدى . ههههههههههه بس بجد اللى بيذاكر وبينتبه للدراسه بجد ربنا بيكرمه وبيكره نفسه اكتر واكتر .. ........ ويا باشا ربنا يوفقك وتدخلها بأذن الله |
السلام عليكم اخى ماندوز الحمد لله الى انت خلعت منها بدرى بدرى وقول الحمد لله تقبل تحياتى خالد الجنتل |
أعوذ بالله
ايه القرف ده يبنى انت سديت نفسى مع انى لسة فى 3 اعدادى |
| الساعة الآن 03:29 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى