شبـــكة تـيـفـا نت - رغيف العيش ( بجد حلوة )

شبـــكة تـيـفـا نت (https://tefanet.protector.pw/vb/index.php)

- المنتدى الأدبى (https://tefanet.protector.pw/vb/forumdisplay.php?f=32)

- - رغيف العيش ( بجد حلوة ) (https://tefanet.protector.pw/vb/showthread.php?t=8710)

رغيف العيش ( بجد حلوة )

رغيف العيش

- فين الواد يامو حسين ؟
- راح الفرن آديله ساعتين
- كيف يا وليه وإمتى يذاكر وامتحانته باجيلها يومين؟
- أعمل طيب دبرنى ؟ أخرج أنا وللا البنتين؟
تك تك تك تك يابو حسين يابو حسين
- مين بينادى علينا ويخبط عالباب كد بإديه الإتنين؟
- إلحج ولدك يابو حسين - - إتخانج مع ود عم ياسين .علشان دور الأول مين؟
- كل الناس واقفة بتتفرج, أصل معاهم كان سكاكين
- راحو القسم ودخلوا الحجز وكان وياهم متاظهرين
- سأله الظابط .. جاى ليه ياد ؟
- جاى والله بسبب العيش لأهلى المساكين .
- العيش ؟ آآآه دانتا سياسى يابن الملاعين.
- وعلى قفاه جامد ضربوه حمارين كانو وراه واقفين.
- صرخ الواد وجال كفااااية. أصل إيديهم كانوا خفين.
- الظابط قال إكتب ياأمين.
- بيهتف باسم كفاية فى ا لقسم ولا بيخافش المخبرين.
- وعملوا المحضر يكفى لشنقه وأمه دموعها على الخدين.
- ليلها نهارها بتدعى يارب مالناش غيرك عالظالمين.
- آدى العيش وعليه طوابير .. إيشحال لو مافيهوش مسامير؟

حلوة والله , , , ربنا يبارك فيكى

مشكورة علي الموضوع الجميل ده

ههههههههههههههههههههه

فعلا هو دا اللي بيحصل اللوقت لما يمسكو واحد بيبقو عاوزين يلبسوه تهمه :no3:

والعيش كمان اللوقت عاوز يااما تبقي عارف حد في الفرن عشان تجيب وتمشي ياإما تعمل زي حسين :039:

وشكرا جزيلا علي القصيده الرائعه

:thumb:

جميل اووووووى يا فجر تسلم ايدك

جميل جدا شكرا ليك

بس ما عرفناش جاب عيش ولا لأ هههههههه
موضوع جميل جداا بجد تسلم ايدك
وربنا مع الجميع