|
مشكلة كبيرة وأرجو المساعدة ...
السلام عليكم
لا أعرف لماذا يبدو علي الحزن ، لكن هذا ليس في كل شئ فأنا في حياتي الطبيعية مرحة بطريقة غير طبيعية لا بجد غير طبيعية يعني مبتسمة وبكبر دماغي في حاجات كتيرة أوي لكن أنا بحب كتاااابة الخواطر جدا جدا جدا لكن أنا ديما بكتبها بنبرة مفعمة بالحون والأسى والحرمان مش عارفا ليه ؟ يمكن أنا بكتب عن واقع عايش فيه ناس كتيرة أوي؟ يمكن لإني فاشلة ومش بعرف أعبر عن الفرح بطريقة سلسة !!! مش عارفا والله لكن أنا بحاول كتير أوي أكتب عن حاجة حلوة غير الحزن اللي انا فيه داه وللأسف بكتب سطور كتيرة أوي ولكنها كلها ملخبطة كدا ومش مفهوم خالص وبحاول بالساعات أرتبه ومافيش فايدة فحبيت أفضفض معاكوا يمكن تقدروا تقولولي حل للمشكلة اللي انا بعتبرها كبيرة ... وشكرا |
يسعدنى انى اكون اول من رأى موضوعك ؟! مشكلتك دى ناس كتير عايشاها يمكن اكون انا كنت واحد من الناس بس انا كنت عارف السبب أنا مش هوضح ولا هتكلم بإستفاضة أنا هقولك وجهة نظرى أو اللى أنا فهمته وممكن اكون مخطئ ( أكيد ) .. السبب ف الكلمات اللى انت كاتباها ف التوقيع بتاعك أنا مش هعرف أتكلم أكتر من كده لأنى مش عارف حاجة عنك ( خاااااااالص ) تقبلى مرورى |
ميرسي على مرورك يا أحمد
لكن قصدك مش فاهماه .. :011: بس أشكرك على مرورك |
بصى يا شهد انتى قلتى اقتباس:
يعنى ادام الكل بتضحى وتفرحى وتهزرى مع الناس ولحظة لما تكتبى خواطرك بتكونى اكيد اعده لوحدك بعيد عن الناس ممكن بتكون نفسك جواكى شايفة حاجات حواليكى حزينة جدا جدا ولكنك بتتجاهليها وتكبرى دماغك وتعتقدى من جواكى فعلا انك تجاهلتيها وكبرتى دماغك بس للاسف بتكون الاحاجات المحزنة دى لسه جواكى وانتى بتكتبى خواطركى بتكونى فى لحظة صريحة جدا مع نفسك وبتتعمقى جوه نفسك وقلمك بينقل اللى جواكى اللى انتى حاولتى تكبرى دماغك منه ( تهربى )واعتقدى انك نجحتى فتكبير دماغك لكن للاسف لا فعشان كده ممكن بيظهر الحزن على كتاباتك الحزن دايما من المشاكل واعتقد ان مفيش انسان من غير مشاكل بس الهروب من المشاكل مش حل على فكرة انا ممكن يكون لفت نظرك لاصل الموضوع وممكن يكون الكلام اللى قلته ده صح وممكن يكون غلط بس اعتقد برضه ان انا مقلتش الحل لمشكلتك |
على فكرة يا فجر انا مش بكبر دماغي في كل حاجة
في الحاجات البسيطة اللي ماتستحقش الواحد يزعل نفسه أو حتى يبصلها انا محدش بيقدر يزعلني بالسهولة والبساطة ديه انا ما بزعلش إلا إذا اتجرحت ... والجرح داه مايكونش بسيط ... عمري ما بسامح او بنسى اللي جرحني بس انا بحس إن الناس بتفهمني غلط .... مش عارفا أعبر ازاي ..يعني في حياتي وحتى في النت بحس إن الناس بيفتكروا إني قاسية .. انا عمري ما كنت قاسية ... انا هبلة اوك ... عندي جنون أوك:ongue: .. لكن حكاية قلبي قاسي ديه مستحيل ... مستحيل معلش انا كدا خرجت عن الموضوع .. انت يا فجر قلتي أسباب والأسباب ديه أعتقد فيها شئ من الحقيقة ... بس انا المفروض أعمل إيـه ... يمكن انا لما بقعد لوحدي في قوضتي وفي نور هادي وموسيقى شغالة بيكون جوايا طاقة وشحنة زايدة من الغضب بس مش من حد هو بيكون من نفسي أظن أغلب الأوقات .. بس انا مش عارفا أعمل إيه .. يمكن انا قدري إني أكتب ( الحزن ألحان أرددها هنا وسط الظلام ... حين صارت الدنيا امتهاناً في امتهان ) وعمري ما هاكتب : (السعادة تناديني على عرشها .. فأسرع بالقدوم إليها ) .. أشكرك يا فجر على محاولتك للمساعدة ,, وانا هافكر في كلامك ... لا تحرميني من حضورك الدائم معي أختك شهد |
Every One Says Which is in his Heart !!!
|
أولا : انا مبسوطه جدا شهد انك بتتكلمي معانا في مشكله وشكرا للصراحه في كلامك وشكرا جداااااااااااااااااااااااااااااا لرد فجر الأسلام فجر قالت نقط جميله جدااا يا شهد وخدي فعلا بكلام فجر وانا ممكن اتكلم معاكي يمكن نوصل للحل احب اقولك يا شهد ان انتي من الناس اللي بتحب تكتب سواء بقي شعر او خواطر او قصص .........الخ المهم هنوصل ان انتي بتحبي تكتبي واللي من النوع ده ممكن يكونوا مضايقين جدااا بس مش حاسين انهم مضايقين ويعرفوا ان هما مضايقين لما يعقدوا لوحديهم ويبدأوا يفكروا وايضا الناس اللي من النوع ده لو عايزه تعرفي عنهما حاجه هتعرفي من القلم اللي بيكتبوا بيه هقولك انتي انسانه رقيقه مرحه تلمس المشاعر والحب ببساطه تعبر عن ما بداخله بصدق تعشق الحياه بتحب الحياه بالحلو والمر انسانه صدقه مع نفسه قبل ما تكون صدقه مع غيره انسانه سهله وتأخد الحياه بسهوله وده لانك سهله اللي عايزه اقولهلك ان انت من الناس اللي ممكن تكون مضايقه بس مش حاسه وفجأه لو قاعدها لوحده تحس بضيق بسيط وتبدأ تشغل الموسيقه الهاديه وتجيب القلم والورقه وتكتب وبعد ما تكتب تلقي فجأه كلام حساس حزين وتحس بنوع من الأرتياح النفسي كلامي صح ولا لأ الأول هستني ردك عشان اكمل اسمع ردك ونكمل كلاما مرسي يا شهد للموضوعك الجميل ده |
انا اسفة علشان هقطع كلامك يا جماعة بس حبيت اقول حاجة لشهد.
انتي اول ما انا دخلت المنتدى حسيت بانك بتكتبي ومنمية تفكيرك بالغة وكل كتابتك فيها نبرة حزن وكده انا عاوزة اوقلك حاجة انا زيك بالضبط مرحة في حياتي وبضحك على طول وكل اصحابي بيفتكرو اني سعيدة ومفرفشه بس اول ما بععد لوحدي وبسمع موسيقى اوز افتكر اي حاجة مضايقاني بعيط وهو ده الاختلاف بينا انا بعيط وانيت بتعبري بالكتابة علشان كده كل كتابتك بتكون فيها حزن هقولك حاجة جربيها وشوفي حطي موسيقى تفرفش مش كلاس ولما تكوني في مود فرحانة ومبسوطه اكتي ا ي حاجة من غير ما تعيش في مود هو السبب الي خلكي يتكتبي قصص حزينة علشان كمان الجو بيلعب دور كبير في الخيال والفكر . اسفة على الاطالة وارجو تقبل راي وعاوزة اقول حاجة انا فهمت قصد اول رد جالك قصدو انو انجرحت من حبيب ولا حاجة كده يعني في حدود الموضوع ده بشكرك لتنك فتحتلنا قلبكط وارجو تقبل تحياتي وانشاء الله تلاقي حل وربنا يوفقك واسفة على الاطالة |
ممكن تكوني عايشا قصه حب أو حاجه زي كده أو عايشا لوحدك أغلب الأوقات وعلي فكره
أنا نفس الحكايه أغلب كلامي حزن وكده حتي لو سمعت أغاني كلها حزن ويا ريت الحل يكون لنا أحنا الأتينين تقبلي مروري يا شهد |
اقتباس:
كلامك صح يا توتاااااااا معظمه صح ... انا فعلاً باخد المواضيع بسهولة ... مبحبش أجرح حد أو أزعل حد حتى لو انا على آخري منه .. وفعلاً لما بقعد لوحدي والكلاسيك يشتغل .. كلوا بيطلع .. أعتقد إن هيا ديه الحقيقة ... أرجوكي يا توتااا كملي كلامكـ ؟؟؟ مشكوررة على مرورك.. |
اقتباس:
انت لو خدتي بالك هاتلاقي الكلمات محتاجة تتعصر من العياط وتنشريها:011: أنا هاعمل بكلامك وربنا يسهل مشكورة يا حبيبتي على المرور .. ماتحرمنيش من تواصلك .. وبليز ما تنسينيش من دعائك .. ربنا يوفقك شهد |
اقتباس:
اقتباس:
اقتباس:
قصة حب لاااااااااااا ، قاعدة لوحدي .. ممكن .. انا بحب أقعد لوحدي وأحاسب نفسي .. كتير أوي بكون لوحدي ... إن شاء الله الأعضاء هايجيبولنا الحل إحنا الإتنين وربنا يسهل أشكرك على مرورك وماتنسانيش من دعاءك الحلو .. شهد |
اقتباس:
احمد لايت كان يقصد انه فهم من توقيعك انك مريتى بتجربة هى اللى سببتلك الحزن ده لكن انا ليا راى مختلف عن كل ما سبق بصي يا شهد الشيء الاكيد والواضح جدا ان عندك موهبة ربنا مش بيديها لاى حد بس بتختلف من واحد للتانى يعنى انتى ابدعتى جدا فى الحزن والشجن لان دى الموهبة هى اللى اتكلمت ويمكن لو حاولتى تضغطى على نفسك وتغيري اللون ده مش هتطلع حاجة على نفس المستوى ممكن تطلع اقل وموهبتك متظهرش فيها سبب تانى كمان ان الفنان دايما بيكون حساس لاقل حاجة ممكن محدش تانى ياخد باله منها الا هو وسريع التنقل من حالة لحالة ياخذه البحر للعمق والموسيقى للحزن والسماء للحرية والطبيعة للجمال بتتحولى لحالة الشجن من غير متاخدى بالك واحساسك هو اللى بيتكلم بردو من غير متاخدى بالك |
بصي انا رايي كمان مع احمد وشايفه انك برده مريتي بتجربه بس الدنيا مش هتقف على التجربه دي واحنا عايشين في الدنيا عشان نتعلم من تجاربنا واغلطانا حاولي تنسي وتعيشي الحياه وتفكري في الي جاي عشان لو فضلنا عمرنا كله نبكي على الي راح مش هنخلص وهنتعب اكتر فنتي حلك في ايدك انك تنسي وتشوفي حاجة تشغلي بيها نفسك زي الخواطر الي انتي بتكتبيها وحاولي تتبسطي وتفرحي الدنيا فيها قد ايه عشان الواحد يفضل طول عمره في هم وحزن وشكراااااااااااا
|
السلام عليكم ..
انا سبق وقلت إنه لم تحدث قصة حب .. ولكن ربما حدث ما هو محزن .. برينسس أعتقد إن كلامك صح فعلاً يمكن لإني أعرف أكتب بنغمة الحزن أكتر من أي حاجة تانية أشكرك يا لفلي جيرل .. إن شاء الله هاعمل بكلامك وآخد الدنيا ببساطة انا والله باخدها ببساطة .. إن شاء ربنا معايا وأشكركم جدا على وقفتكم الجميلة أوي ديه ... أختكم شهد |
أنا بردك عندي نفس المشكله ومش بمر بقصه حب ولا اي حاجه من الحورات دي
كل كلامي ممكن يكون حزين بس بردك فيه أيا م فرح بس الأغلبيه حزن المشكله أن الواحد مش زعلان من حد الحزن جاي من أيه معرفشي وأنا طالب لسه في الجامعه فبحلها الوقتي باني بنزل الجامعه لأني أصلا مش كنت بنزل السنتين اللي فاتوا خالص ويااااااااااااااااااااااااااااااااااااااااارب تتحل المشكله دي للجميع لأني أراهن أنها عند معظم الشباااااااااااب أخوكم H |
ربنا يساعدنا إن شاء الله شكراً يا بوس على المرور والشكر موصول لكل من ساهم في حل المشكلة أختكم :شهد |
هوه من رايى عن الحزن الى انتى بتميلى ليه كتير فا الحزن دا حاجه مش عيب ولا غلط لان لو الانسان محزنش عمره مهيعرف طعم السعاده
والفرح بس انتى انا حاسس بيكى من اول ما دخلتى حتى المنتدى وانتى حزينى يمكن النيك نيم بتاعك كمان دال على كده ( وحبى لك لن يموت ) من راى انك تفكرى فى حياتك والحجات الفعاله فيها يعنى تملى تفكرى فى الحجات الذيذه ومتحوليش تسمعى اغانى حزن كتير علشان بيكون لها تاثير ودور كبير فى ان الواحد يكون حزين ومتاثر واتمنى بجد ليكى انك تكونى ديما سعيده زى ما انتى كنتى سعيده من قبل لان انتى زى ما كتبتى مرحه واتمنى انك تخرجى من الحزن والميل للكأبه وتميلى للسعاده والفرح ديما ان شاء الله . وكمان فى حاجه مهمه جدا انا مكنتش عارف اكتبلك ردى من كتر المشاركات الى جيه حل للمشكله دى حاجه تخليكى تبقى مبسوطه لان حب الناس ميتقدرش بتمن وانتى ما شاء الله محبوبه من الكل . |
| الساعة الآن 05:49 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى