|
مشاكل ..مشاكل ( للاولاد فقط {ممكن البنات يدخلو غلاسه} )
السلام عليكم ورحمة الله وبركاته جايبالكم كام حاله كده بتحصل كتير اوى ف حياتنا وعايزه ارائكم فيها عايزه اعرف كل واحد لو اتحط ف الموقف ده هيعمل ايه وهيحتار مين؟ يعنى الموضوع ممكن يكون خاص شويه بالاولاد بس طبعا مانستغناش عن اراء البنات الحاله الاولى: لو انت مرتبط وبتحب الانسانه دى اوى وشايف ان هى دى اللى لازم تكمل حياتك معاها والبنت دى ضحت عشانك بحاجات كتير اوى واستنتك كتير وعاندت اهلها عشان خاطرك بس يا خساره فى مشكله صغيره , مامتك مش بتحب البنت دى !!!!!!!!!!!!! وقالتلك لو اتجوزتها مش هتبقى ابنى ولا اعرفك هااااااااااااااااااااااا هتعمل ايه ؟ هتبيع حبيبتك ولا هتزعل مامتك ؟ طبعا اختيار صعب اوى {بس دى اسهل حاله الحالات الجايه اصعب } الحاله التانيه: الحمدلله اتجوزت البنت اللى بتحبها وحياتكم زى الفل وعايشين ف تبات ونبات بس للاسف ماخلفتوش صبيان وبنات والمشكله عند مراتك وطبعا كالعاده السيده الفاضله مامتك بتقولك لازم تتجوز واحده تانيه بس انت مش متخيل حياتك مع واحده تانيه لان غالبا مراتك الاولى هتطلب الطلاق هاااااااااااا يا بطل هتعمل ايه ؟ الحاله التالته : اتجوزت والحمدلله خلفت وحياتكم ماشيه كويس والحمدلله بس كل فتره بتلاقى مامتك ومراتك بينهم مشاكل وف يوم لقيت مامتك بتكلمك وبتقولك تعالى حالا وطبعا حكيتلك على اللى مراتك عملته معاها والموضوع كبر اوى والمشاكل زادت وانت خلاص مابقتش طايق ومامتك بتقولك يا انا يا اما مراتك هتعمل ايه ؟ هتطلق مراتك ؟ ولا هتفضل عايش ف نكد وخناقات ما انت حاولت كتير مع مامتك بس مافيش فايده الحاله الرابعه: انت خلاص سيبت حبيبتك عشان خاطر مامتك وف يوم لقيت مامتك جايه بتقولك على عروسه كويسه وبنت ناس واخلاق ومامتك بتحبها اوى وعايزاك تتجوزها بس انت مش بتحبها او لسه مانستش حبيبتك ومامتك عماله تزن عليك ولما انت رفضت زعلت منك وخاصمتك وقالتلك لا انت ابنى ولا اعرفك لو ماتجوزتهاش هتعمل اييييييييييييييه؟ الحاله الخامسه: اتجوزت البنت اللى مامتك عايزاها , او البنت اللى انت كنت بتحبها , بس ماجبتوش اولاد والمشكله منك انت تفتكر هتسيب مراتك وتقوللها تتجوز غيرك ولا هتطلع انانى وتقول لا عايزه رائيك بمنتهى الامانه @ كفايه عليكم كده المره دى وعايزه بجد كل الاولاد يجاوبوا على الاسئله من غير مجامله ماهى ولا مامتك ولا حبيبتك موجودين هنا وكمان ممكن البنات يجاوبوا بس الاول يعكسوا الحاله وانا كل شويه هجيبلكم كام حاله كده زى دول وتقولولى هتعملوا ايه فيها |
بصراحه الاسئله دى صعبه وممكن لاى شاب مقبل عى الزواج انه يتعرض لاى موقف من المواقف دى
بالنسبه للحاله الاولى : طبعا وبدون كلام هفضل الام على البنت اللى بحبها علشان محدش يقدر يعوض الام , بس هيبقى فيه الم كبير من جواى. بالنسبه للحاله الثانيه: مع ان ما خلفناش صبيان ولا بنات وبحب مراتى يبقى مش هقدر اسيبها ابدا لان الحب مش بيتباع. بالنسبه للحاله الثالثه: بصراحه الموقف صعب جدا بس ممكن نحل المشكله دى بانى هروح انا ومراتنى نسكن فى بيت بعيد عن بيت الام وحماتى لمده معينه لحد ما النفوس تهدى. بالنسبه للحاله الخامسه :أأأأ اسف الرابعه: طبعا وبدون تردد مش هوافق ....... بس لازم اسافر اى بلد تانيه وابعد عن مامتى بالنسبه للحاله الخامسه : طبعا الواحد مش يقدر يسيب مراته بسبب موضوع الانجاب بس لو مراتى بتحبنى بجد مش هتتوافق على كده ولو هى مش بتحبنى يبقى هتتكلم فى الموضوع ده قبل ما انا افاتحها فيه . * ده اللى انا ممكن اعمله لو كنت فى اى موقف من المواقف دى ........................... |
بسم الله الرحمن الرحيم بصراحه يا توتا انتى جايبه مشاكل صعبه اوىىىىىىىىىىىىى الحاله الاولى:اكيدالام مش هترفض من الباب للطاء زى مابيقولو اكيد هى شايفه حاجه انا مش شايفها ونتناقش مع بعض يا اقنعها يا تقنعنى بس المناقشه وصلت طريق مسدود هابقى مضطر انى انفذ كلام امى فى الحاله دى قبل ماتيجى الطوبه فى المعطوبه زى مابيقولو برضه يعنى لو لتجوزتها هابدا اعيش فى نكد وقرف وحاجات مالهاش لازمه الحاله الثانيه: لاء الحاله دى مش هاسيب مراتى ابدا ولا هاتجوز واحده تانيه واكيد الامور هتهدى بعد كده ان شاء الله الحاله التالته:هابقى مضطر انى ابعد انا ومراتى عن امى وفى نفس الوقت هاود امى واحود عليها كل يوم واقعد معاها شويه واشوفها اذا كانت محتاجه حاجه يبقى كده انا مفضلتش حد على حد الحاله الرابعه:هاحاول برضه اقنعها وفى الحاله دى هيكون موقفى اكتر وهاقولها شويه عليا وشويه عليكى بمعنى انى سيب اللى بحبها عشان خاطرك يبقى متغصبيش عليا اتجوز واحده مبحبهاش الحاله الخامسه : هاقولها واديها حرية الاختيار وهى لو بتحبنى هتفضل معايا ولو محبتنيش متلزمنيش شكرا يا توتاااااا على طرحك للمواضيع الجامده دى |
اقتباس:
اوكي هاتيلي بقي عروسه تانيه انا عاوز اتجووووووووووووووووووووووووووووووووووووووووووووووو وووووز Download25080Download25080Download25080 بهزر طبعا هو طبعا النقاش بيني وبين والدتي هايكون هو االسبيل الوحيد لحل المشكله دي في حالة الرفض القاطع طبعا استجيب لنداء الام بس طبعا انا لو مقتنعتش باسباب رفض الام ومقدرتش اقنعها برايي ابقي انسان ضعيف لازم تكون الاسباب فعلا قويه جدا وفي الاول والاخر كلام الام اللي هايمشي اقتباس:
قال صلى الله عليه وسلم : (( إذا مات ابن آدم انقطع عمله إلا من ثلاث : . (( صدقة جارية . - أو علم ينتفع به . - أو ولد صالح يدعو له )) لكن في حالة عدم الانجاب ممكن اتجوز انسانه تانيه بس بشرط مواقة الزوجه الاولي علي ذلك ورضاها التام القدره علي الانفاق علي كلاهما قسمة العدل في حالة مجرد الاحساس بعدم موافقة الزوجه علي الزواج الجديد Download31625 فهناك حل كفالة يتيم انا وكافل اليتيم كهاتين في الجنه ...واشار باصبعيه السبابه والوسطي اقتباس:
ان ابغض الحلال عند الله الطلاق مش اي مشكله بسيطه او اختلاف في وجهات النظر اروح اطلق دي مراتي اللي انا اتجوزتها عن قضة حب سبعين سنه Download12912 اجي اطلقها لخلاف لا تقعد في بيتها وملهاش دعوه بامي وهنا تقع المسئوليه علي انا في ان اقدر احسس كل منهما ان مهتم بيه وطبعا مش هاقدر واخرتها هاتجبوني من العباسيه Download71876 اقتباس:
لا تعليق ما احنا قلنا مش هاسيها:bm: |
| الساعة الآن 09:26 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى