|
مطلوب مساعدة فى تقسيم هارد
احيكم بتحية الاسلام
السلام عليكم ورحمة الله وبركاته مش عارف طلبى دا هيكون مناسب فى هذا المكان ولا لاء وبرضه مش عارف اذا كان طلبى هيتجاوب عليه ولا لاء وخصوصا ان اخر موضوع كان من سنه 2010 اشتريت لابتوب جديد وعاوز اقسم الهارد بتاعه ماعنديش الا بارتشن السى بس ارجو الافاده جزاكم الله خيرا |
رد: مطلوب مساعدة فى تقسيم هارد
وعليك السلام أخى الكريم ورحمة الله وبركاته
ياريت تقولى أولاً انت شغال على أى ويندوز وايه الحجم الكلى للهارد-ديسك كذلك هاتلى صورة من بارتيشن السى بتقول فاضى\مستهلك عليه مساحة قد ايه ؟ وأخيراً عاوز تعمل كام بارتيشن جديد ؟ |
رد: مطلوب مساعدة فى تقسيم هارد
فى حالة انك شغال على ويندوز 7 أو فيستا دى طريقة التقسيم
توكلنا على الله --------------------------------------- كليك لمين على أيقونة "computer" واضغط Manage من القائمة افتح Storage افتح Disk Management دلوقتى فيه خطوتين هيتعملوا ..... الخطوة الأولى هنعمل shrink لبارتيشن السى بمعنى نقتطع جزء من مساحته والخطوة الثانية نعمل extend للمساحة المقتطعة ونحولها لبارتيشن جديد --------------------------------------- خطوة shrink النافذة عندك بيكون شكلها كده Download12023 اضغط كليك لمين على بارتيشن الـC واضغط shrink من القائمة هتظهرك نافذة زى دى بتسألك عاوز تقتطع مساحة قد ايه من الC Download29701 المساحة اللى هتلاقيها مكتوبة عندك قدام الخانة التالتة، دى المفروض انها اكتر مساحة ممكن تُقتطع من الـC ومش ينفع تقتطع اكتر منها لكن ينفع تقلل - طبعاً المفروض ما تقتطعش كل المساحة الفاضية على الC لأن ده هيخلى البارتيشن مليان على الآخر ومش هينفع تسطب برامج بعد كده فاللى هتعلمه انك تكتب فى الخانة التالتة مساحة البارتيشن الجديد وتتأكد إنها أقل من الرقم الأصلى اللى كان مكتوب بحوالى 5000 ميجا بعد ما كتبت مساحة البارتيشن الجديد وكله تمام اضغط shrink وانتظر شوية .. |
رد: مطلوب مساعدة فى تقسيم هارد
الخطوة الثانية ........... "extend"
بعد إنهاء الخطوة الأولى النافذة عندك بيكون فيها جزء لونه أسود ومكتوب عليه Unallocated جنب بارتيشن الـC عندك Download79033 هتغط كليك لمين على البارتيشن الأسود وتضغط extend هتظهرلك نافذة زى دى اضغط نيكست Download79157 هتظهرلك النافذة دى اضغط نيكست وبعدين finish Download58121 كده المفروض فيه عندك بارتيشن جديد وممكن تستعمله مش مطلوب خطوات إضافية، لكن يُفضل انك تكمل الخطوات عشان تديله حرف\اسم من نافذة computer management دوّر عالبارتيشن الجديد اللى عملناه Download47301 هتلاقى عندك البارتيشن الجديد اضغط كليك لمين عليه واختار Change drive letter and path من النافذة اللى هتظهر اضغط change Download67848 اختار حرف D واضغط أوك Download17514 بس كده :) ... لو عاوز تعمل كمان بارتيشن أعد الخطوات بحيث خطوة الـshrink تعملها على بارتيشن الـD والخطوة الأخيرة تدى البارتيشن الجديد حرف E |
السلام عليكم ورحمة الله وبركاته
نوع الوندوز 8
حجم الهارد 1 تيرا عدد البارتشن 5 بما فيهم الـ C عاوز حجم البارتشن يكون 225 جيجا معادا الـ C حجمه 100 جيجا الحاجه الثانيه انا جربت الخطوات اللى حضرتك منزلها اشتغلت معايا على وندوز 8 ولاكن اخر خطوه بيقولى عاوزه NTFS ولا exFAT حضرتك رائيك ايه ؟ |
رد: مطلوب مساعدة فى تقسيم هارد
خليه يبقى ntfs ..
ومبروك اللابتوب |
السلام عليكم ورحمة الله وبركاته
فيه مشكله قبلتنى وانا بقسم الهارد بارتشن السى مش نافع يقل عن 400 جيجا
تانى مشكله دخلت على بروبيرتز من بارتشن السى ثم على Optimize ثم اختارت بارتشن السى واتكيت على Analyze قبل ما اعمل الحركه دى السى كان مكتوب ادامه 10% fragmented بعد ما عملتها بقى مكتوب 5% انا كدا عملت حاجه خطء ولا عادى ؟ ومعلش استأذن حضرتك عاوز اخلى السى 100 جيجا بس هل يوجد حل ام انه لا يقل عن ذالك جزاك الله خيرا |
رد: مطلوب مساعدة فى تقسيم هارد
المشكلة إن بيبقى فيه حاجات متخزنة فى نهاية بارتيشن الـC فويندوز مابيقدرش يقلل حجم البارتيشن للنقطة اللى متخزن عليها الملفات دى
الحل إنك تستخدم برنامج خارجى اسمه Partition Wizard عشان تقلل البارتيشن لـ100 جيحا يا إما تقلله لـ400 وتعمل جنبه بارتيشن 600 وتبقى تقسيمة تقضى الحاجة من غير تعب الـDefragmentation دى المفروض تتعمل كل فترة عادى مافيهاش مشاكل ... |
السلام عليكم ورحمة الله وبركاته
معلش يا عبدالرحمن استأذنك تجبلى البرنامج partition wizard
جزاك الله خيرا |
رد: مطلوب مساعدة فى تقسيم هارد
مجانى يا ريس من هنا Download22629
|
السلام عليكم ورحمة الله وبركاته
تسلم ايدك يا عبدالرحمن
معلش بالله عليك طريقة تقسيم الهارد بالبرنامج |
رد: مطلوب مساعدة فى تقسيم هارد
الطريقة شبه اللى عملناها قبل كده فى إنك بتقتطع جزء من البارتيشن اللى حجمه زايد عن اللزوم وبعدين بتضيف المساحة دى لبارتيشن موجود .. أو إنك تستخدم المساحة اللى اقتطعتها تعمل منها بارتيشن جديد تماماً
على حسب التقسيمة اللى عندك دلوقتى خد القرار المناسب بحيث هتقتطع من ايه وهتضيف لايه عشان تخلى السى 100 جيجا والأربع بارتيشنات التانية 225 جيجا ... -------------------------- طريقة الإقتطاع بتضغط على البارتيشن اللى حجمه زايد (وليكن فى المثال بارتيشن الـC) وتضغط على Resize Download46461 من هنا بتحرك المؤشر اللى عالشمال لناحية اللمين بالماوس، لحد ماتوصل للحجم اللى انت عاوزه يبقى حجم بارتيشن الـC بعد الإقتطاع (وليس الحجم المقتطع من C) ... وبعدين اضغط أوك Download49348 هيظهر عندك دلوقتى مساحة فاضية ومكتوب قدامها Unallocated Download35862 من هنا بقى المفروض تحدد يا إما المساحة الفاضية دى هتعمل بيها بارتيشن جديد تماماً ... يا إما هتضيفها لبارتيشن موجود أساساً ----------------------- الحالة الأولى: عمل بارتيشن جديد من المساحة الفارغة 1-بتضغط على المساحة الفاضية 2- اضغط Create 3- اكتب اسم وحرف البارتيشن الجديد 4- اضغط ok Download18269 ---------------------------------------- الحالة الثانية: إضافة المساحة الفارغة لبارتيشن قائم 1- اضغط عالبارتيشن المطلوب نقل المساحة إليه 2- اضغط Extend partition 3- اختار مصدر المساحة الإضافية (دور فى القايمة عالمساحة المكتوب قدامها Unallocated 4- حرك المؤشر لأقصى اللمين 5- اضغط ok Download88102 لحد دلوقتى كل التغييرات اللى انت عملتها مابتتنفذش عشان تبدأ التنفيذ والتعديل عالبارتيشنات فعلاً بتضغط Apply لو حاسس إن فيه مشاكل وعاوز تلغى اضغط Discard Download46626 |
| الساعة الآن 08:09 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى