|
خلصنا الثانوية يا جدعااااااااان
بسم الله الرحمن الرحيم الحمد لله خلصنا الامتحانات يوم 21\6 و النتيجة ظهرت النهاردة 26\6 ... باقي بس ادخل الجامعة ، ان شاء الله طب اسنان ... بس حد يعرف هيا هتقبل من كام ؟ و ان شاء الله نشاطي هيزيد في المنتدى :tefanet-yolks2-33: |
الف مبروك يا ليو ويعينى فى واحد صحبك لسه معكوك في الامتحانات ومختفى اليومين دول :tefanet-yolks1-4: بس طمنى الاول جبت كام :tefanet-yolks2-24: |
مبروك ياريس .. اخبار النتيجة ايه طيب ؟
ان شاء الله تدخل الكلية اللى انت عاوزها |
الف مبروك ليوناردو ليو وعقبال لما تدخل كلية الطب |
اقتباس:
ومقدماً كده اللى هيسأل عن النتيجة هينضرب .. خلونى ألاقى منفذ واحد من غير كلام عن الثانوية :tefanet-yolks1-2: |
شكرا للرد يا جماعة ، و آسف على تأخري
انا جبت 99.1% عايزين نعرف اخباااارك يا عبد الرحمن << رخامة بقى |
اقتباس:
رخااااااامة بقى |
انت حر .. طيب انت عايزالصراحه ولا الكذب ؟؟؟؟
|
مبرووك يا ليو وربنا يوفقك إن شاء الله وتدخل الكلية اللى إنت عاوزها
وربنا يسمعنا عنك أخبار كويسه يا عبد الرحمن ، يلا عاوز الساقع وحلاوة النجاح :) |
اقتباس:
علشان نفض الاشتباك ليو هيرفع صوره للشهاده فى اليوم اللى عبدالرحمن هيرفعلنا صوره شهادته :) |
اقتباس:
على العموووووووووووووم الف مبروووووووووك النجاح وربنا يحققلك كل اللى تتمناه اما انا بقه اهىء اهىء لسه هخلص الاربعاء اللى جاى امتحانات انتظرووووووونى على المنتدى وبعدها باسبوع كدا مناقشة المشروع مش هستنى انا لبعديه اول مخلص امتحانات هجلكم على طول |
1 مرفق
بالتوفيق ان شاء الله للجميع
و دي الصورة ( حجمها 1.29 ميجا - ملف rar ) بالمرفقات ،، طبعا النسبة في الشهادة مكتوبة 99.0 ، بس بعد حذف الاسلامية بتبقى 99.1 >> حد يشوف حل للمنتدى مع الموبايل ، قبل كدة كان شغال في الموبايل و بيرد عادي ، دلوقتي صندوق الرد السريع و الرد المتطور بيطلعلي رصاصي ، يعني مكتبش فية حاجة ، المشكلة دي مع تيفا بس ... الموبايل نوكيا N8 |
جدع ... ألف مبروك يا أحمد
حاول تدخل تيفا ببرنامج opera mini أو opera mobile |
ربنا يبارك فيك ، و مستنيين نتيجتك :)
و جآري تجربة opera |
اقتباس:
وانا كمان :) |
اقتباس:
وأياً كانت النتيجة بحس إنى خدت أقل من مستوايا وبفضل زهقان طول الأجازة عشانها بطل كلام فى النتيجة كفاية الجحافل اللى واقفة ورايا مابين الجيران والقرايب والنسايب والزمايل مستنيين النتيجة تطلع ماتزودش قلقى وربنا يطمنى |
اقتباس:
هههههههههههههههه بهزر معاك يا عبده كمان ايه يبنى السواد اللى فى توقيعك ده ليه يعنى بص هفهمك على حاجه بعبع الثانويه العامه انا شايفه (من مكانى دلوقتى يمكن ايامها كنت شايفها حاجه تانى) سنه عاديه جدا ومش تحديد مستقبل ولا حاجه كل ما فيها انها مفترق طرق بس مش موت وحياه ولكن مفترق لطرق كل واحد فيها ليه مميزاته وعيوبه وبنهايه الثانويه العامه بتبدأ معترك تانى ومفترق طرق تانى ليها مميزاتها وعيوبها وبعدها بتيجى فتره الشغل وتعدى على مفترق طرق تالت وبرضه بمميزاته وعيوبه اللى عايز افهمهولك ان الثانويه العامه مش حياه وموت بالعكس سنه عاديه جدا والدنيا مش هتقف لو جبت تقدير وحش ولا الدنيا هتضحك لو جبت نتيجه عاليه ياما ناس جابت 99 وفشلت فى كليتها وياما ناس جابت 99 وطلعت اوائل كليات وفشلوا فى الحياه العمليه وياما ناس جابت 70 % وعدوا عادى فى الكليه ولكنهم نجحوا بشده فى حياتهم العمليه |
اقتباس:
كل مفترق طرق بيأثر عالمفترق اللى بعده سواء بالإيجاب أو بالسلب بالنسبالى أنا مش فارقة معايا لأنى مقتنع جداً بأن "الإيجاب" و "السلب" مش بيبقوا بالطريقة اللى احنا كبشر شايفينها بمعنى إن ممكن يكون إيجاب من نظرى وينتهى أمرى فى حتة مش كويسة والعكس صحيح لكن المفتاح هنا هو حسن البداية وماحدش يقدر ينكر إن نوع البداية بيأثر فى تحديد النهاية ولكن نرجع للمشكلة الأساسية وهى إننا مانقدرش نحدد أى بداية هى الأصح علشان تخدم النهاية لكن المجتمع خلاص وضع الثانوية العامة هى البداية والنهاية .. أو البداية اللى بتأثر بنسبة 76% على النهاية وكفرد تابع للمجتمع فلازم يصيبنى شىء من الإعتقاد ده أنا بحمد ربنا 198 مرة فى اليوم وبحب حياتى جداً لكن دى كمان مشكلة إن حياتى كانت جميلة جداً فى ال17 سنة اللى فاتوا ولذلك أى تغيير أو "مفترق طرق" بيمثل ليا تهديد بإن حياتى على وشك تتغير تقدر تقول إن أنا اكتر بنى آدم متفائل متشائم أنا شفته ......... الصورة اللى فى التوقيع دى آخر تصميم عملته ... عجبك ؟ |
اقتباس:
عيييييين العقل فعلا الواحد دلوقتى بيحس ان الثانوى العام دى ولا حاجة فعلا هى مش مستقبل خااالص ولا مسألة حياة وموووت اقتباس:
تاثير الثانوية العامة دا لا يتعدى 15 % من النهاية زى مقال ماندوز اقتباس:
وكتيييييير اوووى دخلوا كليات قمة ومشتغلوش بيها لانهم لاقوا نفسهم فى حاجة تانية قدرواا يوضعوا البداية بيهااا لمستقبلهم اقتباس:
خليك واثق ان اللى ربنا لييه حكمة فى كل حاجة |
الف الف مبروووووووووك ياليو وربنا يوفقك فى اللى جاى
وربنا معاك ياعبد الرحمن وان شاء الله تجيب مجموع يرضيك وتدخل الكلية اللى عاوزها انت كمان ودعواتكوا معايا بقى انا لسه هشوف الثانوى بجد السنة دى ربنا يستر:tefanet-yolks1-35: |
| الساعة الآن 07:43 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى