|
مع ام ضد حكومه شفيق.؟
السلام عليكم ورحمة الله وبركاته بعد رحيل الرئيس السابق محمد حسنى مبارك .. ظهرت العديد من المظاهرات لتغيير حكومة الفريق احمد شفيق وعلى رأسهم الفريق احمد شفيق ..!! مع العلم ان العديد من المصريين ارادوا الفريق احمد شفيق رئيساً للوزراء ولكن سبحان مغير الاحوال ... ومع العلم ايضا ان مدة هذه الحكومه لا تتعدى 6 اشهر .. من ضمن اسباب الاعتراض عليه لمجرد ان من عينه هو الرئيس السابق واحتمالات ان يكون ولائه للرئيس السابق لا لمصر ومصلحة المصريين.. واخرون يريدون اقالته بسبب وجود بعض الوزراء غير المقبولين فى وزراته .. وأسباب اخرى عديدة .. وهناك من يؤيدوه لما اتخذه من بعض القرارات بخصوص زيادة المرتبات وتعيين الشباب وبأنه رجل ميدانى يتابع الامور على طبيعتها وعلاتها واسباب اخرى عديده .. الموضوع مفتوح للنقاش والاختلاف فى الرأى لا يفسد للود قضيه فى أمان الله |
مع حكومة شفيق |
انا مع حكومه أحمدشفيق |
اولا كل واحد وله راى معين بس الناس اللى زعلانه منه او اللى بشوفه من راى الناس المعارضه لاحمد شفيق ان الحكومه اللى نظمها 70% حزب وطنى ودى طبعا بالنسبه لهم مشكله |
اقتباس:
ومين في البلد اساسا مش حزب وطني غير المعارضة فالازم المعارضة تطالب ان احمد شفيق يمشي طبعاا ودي حاجة اكيدة الناس دي علشان تستريح لازم احمد شفيق يحط لكل حزب معارض واحد في اي وزارة . |
مع احمد شفيق طبعا الراجل لحد دلوقت ماشي كويس
ممكن نديله فرصه؟؟؟؟ |
مع حكومه احمد شفيق
راجل محترم وبيعمل لتقدم واستقرار البلد |
بدايه اوضح لاخى عاشق الايمان انك لو مفهوم المعارضه بالنسبه لك هوا الاحزاب اللى زى الوفد والتجمع والغد فلقد اضحكتنى
المعارضه الان فى مصر هى الحركات امثال كفايه و 6 ابريل والجمعيه الوطنيه للتغير والاخوان المسلمين اى حاجه تانيه يبقى اسمه ديول نظام سابق الحكومه الحاليه مرفوضه بالاصح لا تنخدعوا ان بها وزارء محترمين واكتسبوا شعبيه من اللحظه الاولى كوزير الماليه فدى طبيعه الحكومات انها تاخد واحد او اتنين ويبقى ليهم شعبيه ويتدارى وراه عشره فاسدين هل مثل الوزارات السياديه الاخرى مفيهاش حد يقدر يمسكها مستقل ولا ينتمى لاى حزب سياسى وابعد شويه عن الداخليه خلينا فى الخارجيه والعدل والانتاج الحربى والكهرباء وضيف عليهم وزاره بقه مطلب شعبى تغييرها وهى وزاره البترول مش طالبه حاجه من ريحه حسين سالم حتى ولو كان اول قراراته تغيير اللائحه فى البترول لتحسين اجور العاملين هل انتوا معتقدين ان مفيش استاذ جامعى او لؤاء جيش يقدر يمسك الوزارات دى احمد شفيق يستطيع ان يحافظ على كرسيه اذا ما ضحى بكل الاوجه القديمه ولكنى لا اعتقد انه سيفعل ذلك ولذلك لابد من حل وزارته بالكامل واعاده تشكيلها حتى تحديدا فى الوزارات التى لم تمس |
اقتباس:
I agree with u |
اقتباس:
المعارضة الا حضرتك بتتكلم عنها يا اخ محمد دي معارضه ضد نظام الرئيس السابق محمد حسني مبارك وكلنا معاهااا مفيش حد يقدر يعترض عليها . هناك فرق الا انا اقصده من المعارضه هنااا معارضة تسير علي نفس خطي المطالب الاساسية للمعارضة ولكن ليس هدفها عام ولكن هدفها هدف خاص للوصول لاعلي المناصب الوزارية وذلك عن طريق فتح المجال امامها بمطالب تسير علي نهج حماس المطالب الرئيسية لفتح المجال امامها . واتحدي اي واحد ان مكنشي ده الا بيحصل والايام ما بينا . |
اللى اعرفه ان دكاتره الجامعات المصريه اللى ممكن تمسك الوزارات محدش فيهم ينتمى لوفد ولا تجمع ولا غد الدكاتره اما اخوان او يسارين او مستقلين ودول اللى ليهم قاعده دلوقتى اما اللى انت بتسميهم معارضين النظام السابق دول باماره ايه يعنى كان ايه دورهم فى توعيه الناس او اظهار الفساد الصراحه اللى كانوا بيهاتوا ضد الفساد اما الاخوان او المستقلين لكن مسمعتش عن وفدى او تجمع او ناصرى اللى بعضهم قد يحتسب على اليسارين ولكن حاليا اليسارين بقم ممثلين فى الجمعيه الوطنيه للتغير اللى بطريقه ما شكلها هتعمل تحالف مع الاخوان وكفايه ومن بعيد 6 ابريل ادى الساحه السياسيه اللى انا شايف ان دول ملهمش طمع فى وزاره عبيطه لانهم بيدورا على وزاره بعيده عن امانه السياسات بتاعت الحزب الوطنى اللى جايبين مثلا وزير الصحه منها هل صعب على مصر بكل ما فيها انها تعين حكومه مش من كوادر الحزب الوطنى وان تنسف كل الوجوه القديمه وتاتى وجوه جديده بدماء جديده |
الآن حكومة شفيق لها ما لها عليها ما عليها والان فى انتظار تشكيل الحكومة الجديدة |
الحمد لله احمد شفيق استقال ونشوف الحكومه الجديده ان شاء الله فى خير |
| الساعة الآن 05:33 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى