|
رساله الى من يبكون اين كنتم
رساله صغيره اردت ان ارسلها لمن خرج يبكى بعد خطاب السيد الرئيس اين كنتم عندما كان يختطف الشباب الى السجون الخاصه بامن الدوله اين كنتم عندما كانت تغرق العبارات اين كنتم عندما شاركنا اسرائيل على التصنيع اين كنتم عندما بعنا الغاز بربع ثمنه اين كنتم عندما اهين المصريين فى الخارج وذبحوا وقتلوا وسحلوا ايضا لاننا بلا كرامه اين كنتم عندما يتم سحل الشباب وقتله لمجرد الاشتباه ولنا فى سيد بلال وخالد سعيد العبره اين كنتم عندما قتل 300 شاب من ذهره شباب مصر واصيب الالاف هل بكيتم فى اى حدث سابق وعذرا لانى لم استطع حصرهم ان لم تبكوا فليس من حقكم البكاء الان على الفضائيات وداخل البيوت عندما غرقت العباره الشهيره من اول من طولب براسه هل البحار هل صاحب الجهاز الخربان هل من اختبر اجهزه الاتصالات والانقاذ هل القبطان ام صاحب العباره !!! اليس هو صاحبها الذى اختار من معه فلو اخطا من معه فسيكون اول من يحاسب رساله اخيره حتى اخرج ما فى داخلى الشباب خرجوا ومكثوا 7 ليال فى العراء فى ميدان التحرير وباقى مصر 7 ايام الامن المركزى المنظم تحمل 4 ايام وانهار هؤلاء الشباب 7 ايام حتى الان هؤلاء الشباب لن يغفروا لشعب مصر التخلى عنهم حتى بعدما فعلوه من ثوره فعلى الجميع ممن لم يخرج ان يستوعب الاتى كلاب الحكومه بدات فى اللهث من جديد وما نراه على القناه الاولى والفضائيه المصريه والنيل ( غير فضيحه صوره كورنيش النيل) من اصوات كانت تحت التراب فى اول الثوره الشبابيه رجعت الان بقوه اذا لم يحدث اصلاح ملموس وعاد الحزب الوطنى مره اخرى الى ثقله وعادت الداخليه المصريه الى سابق عهدها من سيطره امنيه وليست جنائيه فلا يلومن الشعب الا نفسه فالشباب الذى خرج لن يعود للخروج مره اخرى واصحاب الافواه المفتوحه الذى يقولون "لو لم تفعل الحكومه ما وعدت به سنخرج معهم" اقول له يا سيدى لو لم تفعل الحكومه ما وعدت به فلن نخرج مره اخرى اذا كان الشعب والتليفزيون الرسمى فى ال 7 ايام والقنوات الخاصه بعد خطاب الرئيس تحسس المستمع ان اللى قاعدين فى التحرير دول عملاء وجواسيس و ...... خلاص نسيوا نتيجه الاحتجاجات نسيوا الزلزال افتكروا بس العاطفه اى عاطفه تلك التى منعتكم من التفكير لماذا لم يتم حل البرلمان هلاقى ناس تقلك مهو لو حلينا هتتاخر التعديلات طب سورى يعنى هوا لو القضاء قال عيد محنا كده كده هنتاخر الفرق اننا هنستنى شهر بعد الحكم من القضاء علشان ننتخب دلوقتى لو اتحل هنستنى شهر من النهارده ثانيا من التاريخ برضه فى 400 دعوه مرفوعه من اصل 414 مقعد من ذاكرتى محكمه النقض بتقبل ما بين 20 الى 50 ايه رايكم 50 معارض فى البرلمان وصيغ يا برلمان الدستور انا بتكلم كده دلوقتى علشان حاجه واحده بس الشباب دلوقتى بيحذر من اللى ممكن يحصل علشان لما يحصل محدش يجرى يقول ياله يا شباب نثور ونغير لان ساعتها الشباب دول هيكونوا سابوا البلد دى وشافولهم بلد تانيه او ماتت روح التغيير جواهم اللى مصدقنا انها صحيت تانى بعد سنين طويله نوم بالمناسبه فى طعنين واحد على فتحى سرور وواحد على سيد مشعل لو الطعنين دول اتقبلوا نقترض يعنى موقعهم هيبقى ايه فى الحياه السياسيه وهل سينفذ فتحى سرور الحكم وهوا من دعا الاعضاء الى تنفيذ الحكم مهو بالمناسبه حكم القضاء مش ملزم وهقلكم اللى هيحصل حكم القضاء لازم يتعمل عليه تصويت ونتيجه التصويت لو موافقين على الحكم يخرج العضو دلوقتى هيجى 200 حكم البرلمان هيوافق على 100 ويرفض 100 او اساسا ميتحكمش غير ل100 بقرار سيادى والنتيجه واحد طول ما الحزب الوطنى ماسك السلطه التشريعيه فى البلد انسوا انها تتغير ولما الناس اللى فى التحرير تقول انها عايزه تمشى من الميدان بحاجه فى ايديها علشان متضمنش الفساد ويرجع ناس تقلك امشوا وبعدها هنرد الايام بينا الناس اللى فى التحرير هيمشوا النهارده كان او بكره بس تعالوا بكره اطلبوا منهم انهم يخرجوا تانى من اجل تغيير اخر لان التغيير الاول كان اسمى فقط وليس فعلى |
انظروا ماذا يحدث الان
كلاب الحزب الوطنى بالاصح الامن الذى لبس زى مدنى خرج ليضرب المتظاهرين يا عالم هل يصدق من بقى 8 ايام فى الميدان ينظفه ولا يلقى طوبه واحده والان البلطجيه تظهر يخيول وجمال من اين اتت الخيول والجمال احمد الله ان الشباب المصرى واعى لهذا التخريب اين الرئيس مبارك اين الجيش هل لازلتم تبكون |
شكلك متضايق وهتموت من الغيظ زيى بسبب الطريقة اللى الموضوع انتهى بيها
الخطاب الأخير خدع وغسل عقول ناس كتير وفعلاً ماكنش ينفع التراجع بعد ده كله تصدق وتآمن بالله العيال ولاد البلد ماشيين لحد دلوقتى بيقولوا "بالروح بالدم نفديك يا مبارك" :tefanet-yolks2-29: |
اقتباس:
ودى البدايه لدخول عدو ومحتل لو دخل حلنا بقى على مايخرج |
https://www.youtube.com/watch?v=uEUQ...layer_embedded
اقتباس:
|
اقتباس:
بوص يا محمد اولا بالنسبة للتغير النظامي الرئاسي وفك البرلمان لازم لازم ياخد وقته علشان التعديل علشان اولااا تعديل الدستور بيحتاج الي موافقة البرلمان المصري ثانيااا عند فك البرلمان المصري واعادة الهيكلة لفتح باب الترشيح مرة اخري سياخذ بعض من الوقت ومنهااا سيتاخر ايضا تعديل المادتين 76 & 77 من الدستور وعمومااا ان الاصلاحات او مطالب الشعب لابد ان تاخذ وقت كافي للتنفيذ لان المطالب ليست مطالب لحظية تجني مطالبها في وقتهاا وانما مطالب تنفيذية انما مع الوقت وليس بوقت كافي بمجرد يوم يومين انما قد تاخذ عدة شهور |
اقتباس:
اتحداك يا محمد في دي في حالة عدم تنفيذ مطالب الشعب في الفترة القادمة هيثور الشعب مرة اخري وباعداد متزايدة ولكن ستكون الاخيرة في كل شئ لاننا وصلنا للطريق الصح وعمرنا ما هنتنازل عنه ابدااا في التعبير عن حقوقنا |
يا عاشق بص على المنافقين اللى خرجوا من القمم النهارده
الناس لو متحققتش مطالبها هيخرج الكلاب دول تانى ويقولوا كده الاحسن لامن واستقرار مصر وساعتها محدش هيخرج تانى لان الصوت العالى بتاعهم هيغطى على كل حاجه اتفرغ على المسخره على الفيس بوك 20 جروب معمول ضد شبكه رصد وضد 25 يناير وعضويات غريبه عماله تبعت دعوات لاغلاق فيس بوك فى مصر هل وصل الغباء انه يتعمل جروب لاغلاق الفيس بوك فى مصر طبعا علشان تعرف الكوميديا شوف عدد المشاركين وطريقه الحوار بتاعتهم وتكرراهم فى كل الجروبات دى فى المقابل حاجه زى شبكه رصد واخده لايك ب 300 الف اكونت |
بوص يا محمد خطوة زي الا حصلت دي وضحت الناس علي حقيقتهاا والا خرج بره البلد امواله هتتصادر الا داخل البلد من هنا عرفنا مين الا بينهبنا وبيسرقناا مش لنا احنا بس وكمان للرئيس الحالي فعلاا خطوة صح الصح |
والرئيس حسني مبارك مع الايام هتوضحلناا هل تمسكه بكرسي الرئاسة في الفترة الحالية هل المقصود منها انه يخرج الشعب بر الامان فعلا ام المقصود منه الخروج من الرئاسة في طريق الامان |
وجهه نظرى الخاصه جدا التى لا تعبر عن وجهه نظر غير وجهه نظرى فقط تقول
اذا خرج اليوم الرئيس او السيد عمر سليمان او الفريق احمد شفيق ببيان يقول فيه انه تم اعتقال رموز الفساد فى الحزب الوطنى والداخليه المسئولين عما حدث امس وعوده الهدوء الى الميدان الهادئ من العنف منذ بدايه الاعتصام السلمى اذا حدث ذلك فساخرج فى مظاهره تقول شكرا سياده الرئيس دون اموال ودون اجبار ودون تحزب |
تجميد ارصدة احمد عز وحبيب العادلى وزهير جونه والمغربى ومنع سفرهم بالخارج |
التجميد غير الاعتقال
بس خطوه جيده الخطوه الاهم ياريت مفيش كلب من الكلاب اياهم يظهر فى ميدان التحرير النهارده المظاهرات هتبدا ياريت نبعد عنها الكلاب واظن خطبه الجمعه بحضور الشيخ محمد حسان وشيخ الازهر والمفتى يمكن ان تعيد الى الشباب رشدهم مع حوار من قلب ميدان التحرير فيديو يوضح ان ميدان التحرير يوجد به حوار بين الجيش والشباب الذى يتفاعل يعنى الحوار بينفع نبعد بس الكلاب المدربه اللى بتتبعت هناك https://www.youtube.com/watch?v=d81T...layer_embedded |
| الساعة الآن 06:27 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى