شبـــكة تـيـفـا نت - احدث دعايا انتخابات 2010

اقتباس:

لان علامة المحور فوق

لا وانتى الصادقه دا هوا ده اللى يثبت انها حقيقيه

علشان اكيد صاحب الاعلان حابب يعرف الناس انه بيطلع فى التلفيزيون كمان وبيدافع عن الناس

نفس صور المرشحين بتوع الوطنى وخلفهم فتحى سرور (تقريبا كل مرشحى الوطنى حاطينها :) )

اقتباس:

وزير الانتاج الحربي سيد مشعل كان بيرقص في حلوان في الشارع

وبيقول

هوبا هوبا مشعل تحت القبه

والله شعبنا دا زي العثل

وهي دي الديموقراطية اللي مستنينها من الوزرا

اهى دى بقه مسخره بجد

الدائره بتاعت حلوان اللى بتضم مشعل والبكرى قصاد بعض هيا الدائره اللى المحطه اللى انا شغال فيها تبعها بشوف مهازل قبل الانتخابات

على فكره سيد مشغل قبل الانتخابات كل مره بيصرف شهر للعاملين بمصانع الانتاج الحربى علشان يروحوا يصوتوا

وبعد الانتخابات لما بيكسب بيصرفهلهم شهرين كمان

مهى الفلوس بتاعت ابوه

على العموم مهندس زميلى قالى حصل فى مره انه دخل اعاده فعرف ان الناس بتوع المصانع مدلوش اصواتهم فعمل حركه حلوه ( تقريبا كانت براءه اختراع) الورقه الدواره

بيدى للناخب قبل ميخش ورقه متعلم فيها على اسمه وبعدها الناخب يخش ياخد الورقه الفاضيه يحطها فى جيبه ويدى للمراقب الورقه اللى كان متعلم فيها ولما يخرج بالورقه الفاضيه يديله 100 جنيه ( من فلوس ابوه )