|
عفوا , لا أحترم مستخدمى الـ facebook
Download38352 Download75687 لمن يجرؤ فقط , تحدى لكل القوانين , تحدى لكل الاوضاع الغلط والظواهر اللى مش راضيين عنها , تحدى للخجل , تحدى للجبن , رافعين شعار مش هنخاف مش هنطاطى , إحنا كرهنا الصوت الواطى , فى محاولة لجعل الموضوعات أكثر فاعلية . إستكمالا للموضوعات العصرية السابقة أطرح الآن أمامكم عفوا , لا أحترم مستخدمى الـ facebook Download25446 موقع يحتوى على صفحات كثيرة ما بين دينية وبوذية ويهودية ممثلين وممثلات وعاهرات دكاترة ومهندسين وطلاب جامعيين ناس على قدر عالى من الثقافة وأناس على قدر عالى من التفاهة إنت بتدخل الفايس بوك ليه ؟ بتتفرج على صور بنات فرحان ان ليك اصحاب بنات ده فيه ناس كمان واخدين ناس تانية قدوة ومثل هو انت متعرفش ان المرء بيحشر مع من أحب طيب هو بيصلى ؟ هو انت متعرفش ان الفرق بين الاسلام والكفر هى الصلاة انا مسجل على الموقع ده فى هوجة التسجيل اللى هو اى حاجة فى اى حاجة انا بكره الفايس بوك ده ومعتش داخل عليه تانى عفوا , لا أحترم مستخدمى الـ facebook Download25446 مش عارف بقى أنا صح ولا غلط ودلوقتى بقى رأيكم ؟! رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرأى مش هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح ومفيش كلمات جارحه . |
بصراحه ميزته انه صفحه شخصيه ليك تكتب اى حاجه بنفسك رايك فى حاجه شعورك الحالى اى حاجه حابب تشاركها مع الناس تحطها بالنسبه ليا كفايه انه صفحه منعت قفل باب الزكريات مع زمايل الكليه والمدرسه اللى بفرح لما بلاقيهم واضيفهم وافرح اكتر لما يقبلوا فاعرف انهم لسه فاكرينى برضه بالاضافه انه مثلا ساحه تقدر توصل صوتك لاى حد فى اى حته وتبادل المعلومات برضه مع ناس كتير اوى فى مميزات كتيره موجوده بعيدا عن الالعاب والهجص اللى تقريبا عندنا فى عالمنا العربى مبنعملش غيره على الفيس بوك الا من رحم ربى |
عفوا انا من مستخدمين والمتابعين للفيسبوك وبما انى من مستخدمينه منذ فترة طويلة اقدر اقولك ان الفيسبوك زى اى حاجة بيتوقف استخدامها على الاشخاص نفسهم زى مفى صفحات فنانين وفنانات ومفتوح لجميع الافكار والديانات والذى منه فى صفحات ايضا انا شخصيا بستفاد منها بتقدم معلومات مفيدة بالظبط زى المنتديات بيشمل التنوع وكمان لو نلاحظ ان الفيسبوك بقه يدخل فى كتير من القضايا السياسية لدرجة ان الحكومة بدأت فى قناوتها الارضية تشن هجوم عليه الفيسبوك كان له دور فى ظهور بعد الحركات السياسية زى حركة 6 ابريل كان له دور كبير فى متابعة قضية خالد سعيد الفيسبوك اصبح لم يقتصر على فئة الشباب فقط بل فئة الشباب والكبار اصبحنا نرى ناس فى الخمسينات والستينات من عمرهم فى مصر مشتركون نشطون عالفيسبوك هو مش وسيلة فقط للتعارف هو وسيلة ايضا للمناقشات وانا شايفة ان هو نتيجة طبيعية للمنتديات والمواقع بالاضافة الى ما قاله مندوز امكانية المشاركة واسترجاع الذكريات انا عن نفسى شخصيا هناك بعض الاقارب لى من بعيييد ومن محافظة تانية عن طريق الفيسبوك تم تقريب المسافات وتم كسر الحاجز الجغرافى وحاجز درجة القرابة وكمان اتواصلت عن طريقه مع بعض اصدقاء الثانوى العام بعدما انقطعتعنهم بعد انتهاء الثانوى فالامر يتوقف على اسلوب استخدامه من قبل الافراد فهو اصبح مجتمع افتراضى مفتووح واخر الاحصائيات بتقول لو ان الفيسبوك دولة سوف سصبح تالت اكبر دولة |
الكلام طبعا جميل جدا سواء كان رد ماندوز أو رد فجر وأكيد أنا لفت النظر فى موضوعى إلى ما سبق أنا لست معارض لهذا الكيان الذى شغل الرأى العام وأصبح فى الوقت الراهن أكثر قوة مما كان عليه ولكن ما لم يعجبنى فى هذا الكيان هؤلاء الذين لا يعرفون معنى الحياة التى نعيشها الذين يعيشون من أجل شهواتهم ونزواتهم وترفيههم ليس فقط هذا هؤلاء صغار العقول فعفوا , أنا لا أحترم هؤلاء مع تقديرى وإحترامى لإيجابيات هذا الكيان فأنا من المحترمين الذين يستخدمون الـ Facebook وليس من الذين لا يعرفون دور هذا الكيان الذى أضاء عقولا وأربك كراسى وحكومات دعوة صادقة منى أنا وهذا المنتدى إلى سياسة الإستخدام العادل والفكر الراقى والإستخدام الصحيح لهذا الكيان وشكرا |
اقتباس:
أو هل كل مستخدم للفيس بينطبق عليه الوصف ده ؟ |
كل حاجه ممكن تستخدمها فى النافع وبرده تستخدمها فى الضر
ومينفعش ان احنا نقاطع حاجه عشان فيها البعض وحش ماننمى النفع الى فيها ومع الوقت الضر هيتلاشى |
شوف من تجربتي الحية للفيس بوك اتضح انه كلمة اجتماعي دي كلمة سليمة 100% زي ما وصفوا الموقع بيها ، كفاية انه جمع شباب قرية واجيال بينهما وبين بعض عشرات السنين ومشافوش بعض لعشرات السنين في مكان واحد يتكلموا مع بعض يعرفوا اخبار بعض ويطمنوا على بعض ، بالاضافة لأصدقاء قدامى يرجع بيهم الذكريات لما تلاقيهم وتطمن عليهم ، فعلا الفيس بوك قصر المسافات جدا وكان اداة مساعدة على صلة الرحم
وعلى الجانب الأخر فهو جهة حرة مستقلة ، تقدر تقول اللي في نفسك بدون رقيب واعلى ما في خيل اللي يعرضوك يركبوه ، |
| الساعة الآن 04:32 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى