|
البلد دي مش عايزه مهندسين .. البلد دي عايزه صيع ... !!!
السلام عليكم ورحمة الله وبركاتة بسم الله قالوا زمان دى بلد شهادات اتكفينا على الكتاب و لعب بينا التنسيق ودخلنا الجامعات وخرجنا قالوا اسفين اصلها بلد دراسات ودورات ابتدينا من الاول واثنى ظهر اهالينا والى عمل دراسات والى اخد دورات بس بردة قالوا اسفين بقت بلد الوسطا اتذلينا لقريب وبعيد وجبنا الوسطا بس للاسف البلد دى مش عارف هى عايزة اية انا اسف مقدمة طويلة على الفاضى :d2 السوال بشكل اخر اية المواصفات الواجب توافرها فى الى عايز يشتغل ؟؟ يعنى مطلوب نكون خريجى جامعات ولا معانا دورات ولا معانا وسطا ولا اية بالظبط Download87075 |
عايزة توفيق من ربنا
|
بسم الله الرحمن الرحيم الاجابه رقم (3) واسطه هههههههه بهزر كله طبعا رزق ربنا كاتبه بس هشرحلك حاجه شايفها فى سوق العمل اللى بيشتغلوا دول 3 انواع النوع الاول واحد جاب تقدير كويس اوى اوى اوى ( جيد جد او امتياز) فى كليه زى هندسه والمعنى واضح لان اللى بيجب التقديرات دى مبيتعدوش اصابع اليد الواحده النوع التانى هوا نوع اتخرج واشتغل فى اى شغل اتعرض عليه فى اول حياته ومبصص بقه للمرتب ولا للبتاع اشتغل فى مصنع فى شركه بمرتب 300 او 400 جنيه ومتكلمش وبعدها استقال وقدم فى شركات بره يشتغل بخبرته وببشتغل وبياخد مرتب يعوض عليه السنين اللى ضيعها ب 300 او 400 جنيه النوع الثالث هوا التانى بس الفرق انه اشتغل علطول فى الشركه الكبيره والسبب واسطه برضه فى مجال العمل اتعلمت حاجه مفيش حاجه اسمها كفاءه الكفاءه دى حاجه مش "بتتولد بكسر الته" فى الواحد ولكنها بتتولد "حط سكون على الته " فيه يعنى ببساطه اللى عنده واسطه ده لما هيروح مكان نضيف اللى حواليه هيفهموه وبكده بعد كام سنه هيبقى كويس الفرق بينه وبين النوع التانى ان النوع التانى بيجى جاهز فاهم واحتمال يطلبوا منه يعلم ابن الوسايط محدش يفتكر ان الدورات اللى بياخدها دى مثلا دورات فظيعه لما تخش انتر فيو هتقوله انا واخد كورسات انجليزى واى سى دى ال يا فرحتى يعنى بالمختصر تعرف انجليزى وكمبيوتر طب مهو مصر كلها دلوقتى واخده الدوره دى طب الفرق فى ايه الفرق انك تاخد دورات انجلش ومتعرفش تعمل محادثه انجليزى بسرعه وتقعد تتهته الفرق انك واخد دورات كمبيوتر لكن سرعه الكتابه عندك قليله ولو معاك الاتنين دول يبقى الفرق هيكون فى لباقتك وقت الانتر فيو واظهار امكانياتك فى ناس بتعرف تظهر امكانياتها وناس مبتعرفش والاماكن اللى بتعتمد على كورسات الانجليزى واللغه اكيد اللباقه بيكون شئ مطلوب فى النهايه اكرر الجمله اللى قلتها فوق الموضوع كله رزق من عند ربنا |
يا أحبائي نبذة قليلة من التفاؤل أعلم الواقع مؤلم جدا جدا ولا أتكلم من واقع الخيالات نحن المقصرون لماذا لا يأخذ الدارس بعض الدورات والكورسات المعتمدة في مجاله في فترة الصيف وتقوية اللغة عنده أقسم بالله لن يرفض في أي شركة لم لم نسأل أنفسنا فيه مهندسين بياخدو 1000 جنيه وفيه مهندسين بياخدو 20000 جنيه والله دون تهويل ما الفرق؟؟ الفرق ليس في الحظ كما ستقولون الفرق في التأهيل الذي وضحته لكم آنفاً ،، أعلم وجود سلطة وكوسة ووساطات ولكن اعمل وبين كفاءتك بدراعك ...... لا نرمي كل اللوم على البلد ......واعلم في النهاية الموضوع كله يتلخص في الآية الكريمة ( وفي السماء رزقكم وما توعدون) هذا ليس معناه التواكل والفلوس هتيجي بل السعي والأخذ بالأسباب// هذا رأيي المتواضع ودمتم بخير وشكرا جزيلاً أخي عاشق الإيمان على طرح هذا الموضوع المميز والهام/// |
| الساعة الآن 07:33 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى