|
أهالي كفر عبد المؤمن احترسوا من الحيوانات المفترسة
الدقهلية ـ تامر المهدى تحفظ مركز شرطة "محلة دمنة" التابعة لمحافظة الدقهلية أمس على "حمار" لتوقيع الكشف الطبى عليه بعد قيام صاحبه بالإبلاغ عن حيوان غريب قام بمهاجمة "الحمار" وعقره. وقال المواطن "محمد.خ" صاحب الحمار فى المحضر رقم 1215 إدارى مركز محلة دمنة، أنه أثناء سيره وحماره فوجئ بمهاجمة حيوان وصفه بالغريب ولم يرَ له مثيل من قبل يهاجم "حماره" فحاول إنقاذه، لكنه كان متخوفاً من الحيوان الغريب والذى يبلغ طوله بنحو 130 سم وارتفاعه 70 سم تقريباً. تم التحفظ على الحمار أمام مقر مركز شرطة "محلة دمنة"، واستدعاء أطباء من مديرية الطب البيطرى لبيان حقيقة الأمر وما إذا كانت "العضة" لحيوان غريب فعلاً أم حيوان معروف لدى الطب البيطرى. يذكر أن الشائعات انطلقت عقب تقدم المواطن ببلاغ إلى مركز الشرطة، حيث تناقلت روايات بين الأهالى أن الحيوان الذى هاجم الحمار "نمرا" والبعض الآخر أكد أنه "ذئب"، بينما رأى ثالث أن الحيوان هو "السلعوة" التى تهاجم الحيوان والإنسان فى أى وقت وتعود هاربة مرة أخرى إلى الزراعات، قد ظهرت مرة أخرى. Download45195 |
مممم
اظن سلعوه اصل نمر دى واسعه شويه ولو كنا فى الصعيد كنت ممكن اقبل موضوع الذئب ده |
يا جماعة مفيش قلق ده قط براوى وكان عندنا فى البلد من سنة ومات لما عض أم محمد إبراهيم الزطى ومات وشفناه كلنا وده زيه تمام وده كلام واحد من محلة دمنة لا داعى للقلق فقط ردد هذا الدعاء اللهم اكفنيه بما شئت وكيف شئت |
والقط البراوى دا يا أستاذ محمد شكله ايه متعرفش ؟
يعنى عامل زى النمر كدا ولا إيه |
اقتباس:
Download68311 يعنى هيبقى حاجة كده بالمنظر ده Download74291 أو شبه الأخ ده Download39461 بص انت هتعرفه إذا شفته (نظراً للحجم) :bm: |
شكرا لمروركم العطر أحبائي وعيد سعيد عليكم جميعاً والله يستر ويحمينا ... |
طبعا عمرها ما توصل لنمر ولا حاجه ممكن زى ما بيقولم ديب او زى ما قال محمد عاشور قط براوى بس للاسف اللى بيعضه فار تلاقى الاشاعات تقول ان عضه تمساح وربنا يسطر تسلم لتحزيرك محمد توفيق |
ايه الصور اللى عبده حاطهها دى :)
هوا الصوره التالته دى لقط امال اول صوره دى تبقى ايه فار :) |
ههههههههههههه//// فعلا قطط مسالمة يا جماعة الموضوع بسيط خلص والأستاذ محمد عاشور طمنا أهو ... اللهم استرها علينا |
اقتباس:
هو الا نزل الخبر ده واحد من محل الدمنه ايه الهنا الا احنا فيه ده |
الخبر أخي من جريدة اليوم السابع // إن كنت تقصدني فأنا من كفر عبد المؤمن هههههههههه شكرا لمشاركتك |
| الساعة الآن 07:42 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى