شبـــكة تـيـفـا نت - دنيا عجيــــــــبه

شبـــكة تـيـفـا نت (https://tefanet.protector.pw/vb/index.php)

- المنتدى الأدبى (https://tefanet.protector.pw/vb/forumdisplay.php?f=32)

- - دنيا عجيــــــــبه (https://tefanet.protector.pw/vb/showthread.php?t=2715)

دنيا عجيــــــــبه

دنيتنا لوحه كبيره
أحزانها كتيره
أفراحها قليله
أحداثها غريبه
أمانيها بعيده
و من شقنا لغناويها
بتكتر ليها خطاوينا
كتير مسكوا فيها...و لا فى يوم فهموا معانيها
دنيتنا بتحكيها...
نظره مظلوم...
كسرته لياليها......و بات مهموم
دنيتنا فى حضن أم...مليان حنان
خايفه ضناها ينام
و تتلم عليه الغربان

دنيتنا لوحه كبيره
ساعات تبكينا
و ساعات تبكى هي علينا
دنيا..... قليل ما بتدينا
و احنا كل حاجه لينا ... ليها
دنيا عجيبه
فيها الانسان... أصبح بهلوان
يضحك بنفسه ... على نفسه
و يضرب للجبان ... تعظيم سلام
دنيا عجيبه
الحر فيها.... مهان
و الحكم بات.... للسجان
و صار الغنى عريان
والفقير مبقاش غلبان
دنيتنا لوحه كبيره
أحلامها بقت أفلام
صوره ... وجنبها حبه أرقام

مستني ردودكم

موضوع متميز فعلا

وكلمات رائعه

وكل مقطع فى تلك الكلمات يعبر عن واقع للاسف نعيشه

شكرا kingxegypt على تلك الكلمات

موضوع ممتاز جداجدا

وكلماته جميله جدا

بتعبر عن حجات كتيره

فى الواقع اشكرك على الكلمات الجميله دى

موضوع رائع جدا
وكلمات روعة

الف شكر اخواني علي ردودكم الجميله ديه
و يارب ديماً اكون عند حسن ظنكم