|
هل قوة الشخصية لدى الفتاه تفقدها انوثتها؟!
الثقه و قوة الشخصيه تزرع عامل قوي يساعد الإنسان في تأدية واجباته وإكمال باقي أموره .. ولكن إذا كانت الجرعه زائده قد يكون ينقلب الأمرعلى صاحبهِ عكسياً .. وتكون النتائج وخيمه .. لا تترك له فرصه في التراجع جميلٌ من المرأه ان تكون ذات حسٍ مرهف .. رقيقه .. كلُ شيءٍ يجرحها .. طبعاً هذا لا يعني انها لا تمتلك شخصيه قويه .. ولكن بحيث ان لا تتغلب شخصيتها على انوثتها .. Download15544 فهل... ترون ان المفروض ان تكون الإنثى قويه ؟.. أو انها تبقى انثى ضعيفه .؟ وإذا كنتم ترون ان المفروض انها تبقى بين الفئتين كيف تستطيع ان توفق وأن لا تطغى القوه على الأنوثه ...؟ Download59746 Download86576 |
الميه ....... النار المال ...... العقل الضعف ...... القوة الحب ....... الكره وكل شىء ونقيضه .... الكلام الفصل فى المسائل دى هو إن لازم يكون فيه توازن بين كل حاجتين عكس بعضهم وما ينفعش حاجة تكون موجودة بدلاً من الأخرى يعنى لازم الحاجتين فى السؤال اللى طرحتيه أظن ان الإجابة مش هتختلف لازم يحصل توازن بين الأنوثة والقوة لأن زيادة القوة هتقلل الأنوثة وبرضه الإجابة هتختلف من حيث المقصود بكلمة "قوة" وكلمة "أنوثة" فلو المقصود بالقوة هو قوة الإرادة أو قوة العزيمة فما أظنش هيكون ليها تأثير على الأنوثة أما لو المقصود بالقوة إنها تمسح ببنى آدم أسفلت الشارع فأكيد ده هيأثر على الأنوثة :bm: |
مش عارفه
بس عن نفسي انا بتاثر باى حاجه تمس كرامتى وماعتقدش انى بكيت لاى حاجه غير كرامتى احيانا كل الناس بتقول انى مسترجله وان انوثتى تكاد تكون مختفيه ب سف رايي ده احسن وانا بحب شخصيتى ع كده ولما حاولت اغيرها ندمت!!1 فرجعت تانى لشخصيتى اللى انا مش عايزه اغيرها ايا كان السبب |
رأى شخصى
أعتقد باعتراف معظم الولاد انهم يحبوا البنت الضعيفة الرومانسية وباعتراف معظم البنات انهم يحبوا الراجل القوى ومن القواعد العلمية ان اى حاجتين متشابهتين بيتنافروا اذن نستنتج ان لو الراجل قوى والبنت قوية مينفعش يكملوا مع بعض اذن اعتقد ان البنت الضعيفة أفضل بس مش ضعف الشخصية عشان محدش يفهمنى غلط |
اقتباس:
ممكن اعرف المقصود بالضعف هنا ايه؟؟؟ وليه تكون البنت ضعيفه اصلا هو ماينفعش تكون قويه ورايها قوى وموقفها ثابت؟؟ ولا لازم تستسلم لراجل ف كل حاجه لا ياعم اذا كان كده فانا بره الحكايه دى خالص |
عارفة يا سلفر لما تكونى زعلانة وتبكى؟ دا ضعف والراجل عموما يحب لما يشوف حبيبته زعلانه هو بس اللى يمسح دموعها ويحبها دايما تبان ضعيفة عشان يقدر يديها الحنية ويزيل حزنها مش تبقى جامدة ومتبينش مشاعر ولا ضعف وأعتقد برده ان البنت عمرها ماتحب الراجل اللى هى تمشيه وميكونش ليه رأى يبقى اذن لو ليكى موقف ثابت والكلمة كلمتك وكده يبقى عملتوا تبادل للأدوار وأعتقد ان دا مينفعش فهمتى قصدى بقه؟ وياريت برده تدينى رأيك فى كلامى دا |
هو لازم تعيط ياحبيب انا عن نفسي الموقف اللى يستحق انى اعيط هو الموقف اللى يمس كرامتى وبعتبر الدموع دى شئ خاص جدا وسري جدا مش عمال ع بطال كده ابينها وف نفس الوقت ممكن الراجل يحسس المراه بالحنيه من غير مسح دموع ممكن بكلمه .....بورده......بلمسة ايد......بنظرة عين كل ده من غير ماتبكى ولا هو يمسح دموعها كلامى للى كل شويه عياط عياط وبيعتبروا العياط ده وسيله للدفاع عن النفس او حتى وسيله للمسكنه وطريقه للتعبير عن الاسف صدقنى لو كل حاجه بعياط ودموع الراجل بعد شويه هيزهق ويمل ولان الحياة مش كلها شهر عسل ولا كلها حب وحنان وطبطبه اكيد الراجل هيحتاج اللى تناقشه وتوضحله وجهة نظر بالعكس وتختلف معاه لحد مايوصوا لحل وسط ع فكرة انا ماقصدش برضه ان البنت تمشى رايها بس عالاقل تاخد موقف وتناقشه وجهة النظر وياتقنعه يايقنعها!!!!! انا كده خلصت وعارفه انى صدعتك بس انت اللى طلبت |
والله ولا انا قصدى عياط عمال على بطال يا سلفر أنتى عارفه مثلا لو جت وقالتله أنا محتجاك ومش عارفة أتصرف؟ دا ضعف وهتشوفى ساعتها هو هيعمل ايه عشانها وأكيد النقاش كويس بس مش فى كل حاجه لأن فيه ثوابت مينفعش النقاش فيها ولا رأيك ايه برده؟ فهمتى قصدى بقه؟ مش لازم الضعف يكون بالعياط وع فكرة انتى مصدعتنيش ولا حاجه دا انا مستمتع جدا بردك وأشكرك على اهتمامك |
انا عن نفسي قويه الشخصيه لكن في امور
ببقي فيها ضعيفه جدا مااعتقدش دا ممكن يؤثر علي انوثتي او يفقدها لكن اذا ذادت علي الحد بتبقي مشكله يعني قصدي الناس تقول عليا مسترجله ولكن انا مش كدا خالص انا بحب اكون في كامل انوثتي وفي نفس الوقت احافظ علي شخصيتي ماهو انا مابقاش مسترجله يبقي كدا مفيش فرق بيني وبين الراجل لكن علي الجانب الاخر فيه مواقف بتقابلنا في حياتنا لازم اكون قويه فيها واقدر اواجهها شكرا علي الطرح الجيد لكي ملاك تقبلي مروري |
وبالنسبه لكلام احب حبيب
طبعا البنت مهما استرجلت بتبقي ضعيفه عن الرجل وفيه مواقف برضه بنقابلها ساعتها بيحصل ايه بقي ببقي مش عاوزه ابين ضعفي لحد بس للاسف دا احساس نابع من النفس فامش بالكلام ولا بالنقاش دموعي بتنزل غصب عني لكن انا اتعودت ان مش اي حد يستاهل دموعي ولا يستاهل اني ابكي عليه واول واحده ببكي قدامها هي سيلفر |
اقتباس:
لا هنا مابقصد قوة الاراده والعزيمة لأنهما ولا شك شىء جميل فى البنت والولد وانا اتفق معك فلا بد من الاعتدال اى الوسط فى كل شىء نورت يا عبدالرحمن تحياتى لــــك |
انت كلامك فيه شبه من الصح وشبه من الخطأ ياعبد الرحمن
اوك انا متفقه معاك ان الاراده والقوه مالهاش تأثير احيانا علي الانوثه لكن انها تمسح بواحد اسفلت الشارع زي مابتقول انا عن نفسي بعمل كدا لو واحد فكر يعاكس ولا كدا بس في الجامعه ببقي مش واخده راحتي في التعبير بس انا فعلا بخليه يكره اليوم اللي فكر يعاكس فيه ويقول ياريتني لان انا مابحبش حاجه تيجي علي كرامتي |
فيه فرق بين انك تبينى ضعفك قدام أى حد ودا مش مرغوب وأنك تبينى ضعفك قدام حبيبك بس اللى هو المفروض يكون أقرب ليكى من أى حد حتى سيلفر يا سندريلا |
اقتباس:
أنا قصدى على البنات اللى عاملين زى البودى جارد ترجع البيت تلاقى أخوها الصغير مضروب تنزل تبهدل نص الشارع أو تضرب لها اتنين تلاتة على الفطار عشان تخش فى المود :bm: انما أكيد طبعاً الرد على واحد بيعاكس مافيهوش إنقاص من الأنوثة (على حسب الموقف برضه) وألف مبروك للنجاح لأن شكلك ماشفتيش الرد بتاعى فى موضوع التهنئة |
رجل قوى وامراه ضعيفه ( فى الشخصيه مش الجسم) = علاقه متكامله رجل ضعيف وامراه قويه = علاقه سيطره رجل ضعيف وامراه ضعيفه = طلاق عند اول مطب رجل قوى وامراه قويه = مباره برشلونه وريال مدريد البعض يتمتع بها والبعض يراها وجع دماغ |
اقتباس:
احب الحبيب انا قرأت رأيك كامل وبصراحة انا شايفة ان ده هو اللى المفروض كل واحده تنفذه بجد رأى جميل ********** سلفر اعتقد انك محبكاها شويه... مع كل الاحترام لرأيك حبيبتى ونورتى بوجودك وجميله مناقشتك ********** ساندريلا كلامك حلو بس اختلف معى قليلاً بالذات فى حكاية انك تشتمى الولد اللى يعكسك انا مابعملش كده لأن الولد ده ممكن يكن لسانه طويل ويشتمك قدام الناس وسعتها كرامتك هتتهان وهتردى عليه وهيكبر الموضوع جداً بس لو ماردتيش وعملتى نفسك مش واخده بالك الناس هتعرف ان الولد ده ولد قليل الأدب وانتى بنت فى حالك واخيراً مع احترامى الشديد لرأيك حبيبتى ساندى ((نورتى)) |
اقتباس:
بجد عجبنى رأيك جـــداً يا ماندوز وجميلة جداً وواقعية المعادلات دى بجد اسعدنى مرورك كثيراً نورت بمرورك الجميل |
| الساعة الآن 10:18 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى