منظر كلنا بنشوفه يا جماعه ..

واحد قاعد فى عربيه أحدث موديل زى الباشا..

وواحد تانى جاى هدومه مقطعه وحالته مبهدله وواقف يمسحله العربيه..

يقوم صاحبنا دايس على زرار ..

ازاز العربيه يتفتح..

ويقوم صاحب العربيه مدي للراجل جنيه ولا اتنين..!!!

Download33321

ربنا بيقولك المنظر ده ميعديش ..!!

ربنا بيقولك :

(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)

Download35511

Download42813


ربنا جعل كل حاجه فى الدنيا درجات..

الجمال درجات..

الذكاء درجات..

المناصب درجات..

وكذلك الاخره..

الميزان درجات..

والمرور من على الصراط درجات..

والجنه درجات..!


الفرق بين الدرجه واللى بعدها زى الفرق بين السماء والارض..!!

تخيل ندمك هيبقى شكله ايه لو اتحرمت من انك تبقى فى درجه اعلى فى الجنه علشان حسنه ناقصاك او سيئة زياده بسبب معصية عملتها ومتبتش منها..؟؟؟


Download42813


تخيل انك ممكن تتحرم من انك تشوف النبى ...؟؟

تخيل الاسوء من كده بمرااااااااااحل انك ممكن تتحرم من رؤية وجه الله فى الجنه؟؟

وهو الجنه تبقى جنه من غير رؤية وجه الله عز وجل؟؟؟؟

علشان ايه كل ده ..؟؟!!!

علشان ايه يا جماعه؟؟!!

Download35511

Download42813


الناس لما عرفت ان فيه تعيين فى كلية الطب ل 50 الاوائل مثلا..بقى الواحد يقعد 6 سنين يفحت فى نفسه ويذاكر من 50 كتاب ومينمش ليالى ..كل ده علشان دنيا..

انما تقول الاخره..كله بيقول ربنا يهدينا..!

Download35511

زى ما بنقول دايما..يا جماعه مش هيتساوى اللى ذكر ربنا 100 مره مع اللى ذكر ربنا 101 مره..

محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟

او حد بيختم القران كل اسبوع مثلا ..

او بيصوم يوم ويوم..

محدش بيقول ليه انا مكنش كدا..؟؟؟

محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟


يا جماعه وانت قاعد عمال تضيع فى وقتك وتقول انا عايز حاجه تقتل الفراغ اللى انا فيه..!

فيه واحد قاعد بيقرا قران..

وواحد بيدعوا الى الله..

وواحد بيتفقه فى الدين..

وواحد بيذكر ربنا و بيصلى على النبي -صلى الله عليه وسلم..

حسانتهم عماله تزيد وانت قاعد فى مكانك..!

Download35511

كلنا عارفين اننا هنندم يوم القيامه على كل لحظه ضيعناها ..

والله لو وقع فى قلوبنا الاحساس بالاخره وبأهمية الحسنه يوم القيامه ما كان حد فكر انه يتفرج على فيلم او يسمع اغنيه او يرغى فى الموبايل من غير لازمه او يدخل الشات او ..او ....!!

Download35511

Download42813


واخيرا..


قال تعالى :
(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)


يا ترى درجتك عند ربنا ايه ؟؟؟؟

Download29164

====
==
=


Download42813