|
اللعبه المنتظره لعام 2010 بعد كوماند اند كونكير 4
لعبه الصراحه تعقد بس شايف نفسى العبها بلاى ستيشن تو عن الكمبيوتر علشان الحركه السريعه مظنش هلحق اعملها على الكيبورد والاهدمر الكيبورد الصراحه بالنسبه ليا ميزه نسخه الكمبيوتر عن البلاى ستشين 2 هوا الترينرز :) :) ششوف كده يا عبدالرحمن لو هتنزل بلاى ستيشن 2 تبقى تنزلها بالمره :) |
يا راجل ولع فى نسخة الكمبيوتر خالص وإلعبها على ps3
يوبى سوفت الشركة اللى عامله اللعبة منزله نظام جديد ضد القرصنة اسمه DRM لألعاب الPC بس المهم الDRM ده أسوأ كابوس شفناه لحد النهارده تخيل انك ماتشوفش الMain menu بتاع اللعبة إلا إذا اللعبة بعتت طلب لسيرفرات الشركة بإنك عايز تدخل اللعبة هل تسمح لك ولا لأ ولما اللعبة تتحفظ لازم ملفات الحفظ تترفع على سيرفرات الشركة (مش تتحفظ على الهارد) وتفضل صابر لحد العملية ما تخلص النظام ده اتطبق على لعبة Assassin's Creed 2 كبداية (كان نفسى أحطها فى المكتبة لكن فيها مناظر غير لائقة) وكانوا فاكرين انهم لما يعملوا كل حاجة أونلاين القرصنة هتقف لكن النتيجة هو إن بدل ما اللعبة تتقرصن بالكراك من أول يوم بقت تتقرصن فى شهر ما علينا الكلام ده كله مفيش فيه مشاكل لكن أما نتكلم عن Prince of persia the forgotten sands المصيبة أنقح تخيل إنك كل ما تدوس على زرار فى اللعبة (الزراير اللى بتبقى موجودة على الحيطان اللى بتفتحلك الابواب "لو ليك فى prince of persia هتفهم قصدى) تقوم اللعبة باعته طلب ليوبى سوفت عن انك دست على الزرار وتستنى الرد يقوم السيرفر باعت للعبة كود فيه أى باب يتفتح ولكام ثانية بالظبط يعنى من الآخر مابقاش فيه فرق بينها وبين Travian والناس عمالة بتصرخ وأولهم أنا (Download34732) المهم إن من الآخر لو قدامك خيار إنك تلعب لعبة فيها DRM على كمبيوتر أو على console إلعبها على الكونسول وارتاح من غباء الشركات |
يا ما شاء الله
طب والناس الغلابه اللى معندهاش نت هتولع فى اللعبه يعنى اظن ان القرصنه هتعمل سيرفر خاص بيها او تخزن بطريقه ما الاوامر اللى سيرفر اللعبه بتعمله وتسيفه على الاسطوانه بحيث يحاكى اوامر ارسال الامر واستقبال الرد على العموم مردتش فى نسخه ps2 ولا لاه :) |
لازم الإنترنت يكون سريع ويعمل بلا إنقطاع طول ما انت مشغل اللعبة
القرصنة تمت كالآتى: فى Assassin's Creed 2 عملوا محاكى للسيرفر بتشغله قبل اللعبة وبيخلى الملفات تتحفظ على الهارد كمان Download19980 فى the forgottne sands أول كراك صدر إمبارح من فريق SKIDROW وفيه بيحاكوا الكود اللى السيرفر بيبعته للعبة (فتح الباب) وبرضه الملفات بتتحفظ على الهارد الكراك فيه شوية مشاكل برضه زى احتمالية ان بعض الأبواب مابتتفتحش (أنا مستنى fix للكراك ) ............... اللعبة طالعة لل PC - Xbox360 - PS3 - WII - DS مفيش ps2 يا ماندوز للأسف |
تماااااام يامعلم والله ,,
وزى ما اتعمل كراك لكوماند اند كونكر وكنت بتحتاح تكونكت على السيرفر وكدا أكيد هيتعمل برضوا لبرينس اوف بيرجا وهيتعمل محاكى للسيرفر |
اتعمل من امبارح وآديه مضاف فوق هههههههه
بس بجد حاجة رخمة من شركة كبيرة ده حتى اللى اشتروا اللعبة بقوا بيدوروا على الكراك عشان يلعبوها من غير إنترنت |
تمت إضافة فيديو
|
شكله دا الجيل الجديد للالعاب
لا مكان للعبه دون الانترنت ولكن كلما اخترعوا شئ كلما اخترع القراصنه ما يبطلها هكذا الحال فى كل شئ خاص بالبشريه على العموم مدام مفيش بلاى ستيشن 2 يبقى شكرا برنس (اللى كنت مستنيه) لغايه ما ربنا ما يكرم واشترى جهاز بلاى ستيشن 3 ولا 4 حتى :) |
طيب ما ترقى الكمبيوتر بما إنك تقريباً كنت جايب واحد جديد من فترة
وأهو كده أسرع وأسهل وأوفر حتى |
| الساعة الآن 12:17 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى