|
ضحايا الثانوية العامة بعد امتحان اللغة الانجليزية - 90 دقيقة
ضحايا الثانوية العامة بعد امتحان اللغة الانجليزية Download75094 Download62960 Screens: Download20052 Download62960 Download Directمباشر Download46983 Rapidshare Download35592 MediaFire مباشر Download27796 X7.TO Download15290 iFile Download47820 Megaupload Download54932 Sendspace مباشر Download25011 ZShare Download64751 Download62960 حسبي الله ونعم الوكيل ... |
ربنا معاهم |
طبعا المعتاد ... حتى لو كانت الاجابات مكتوبة في الامتحان هيطلعوا يقولوا الامتحان صعب :017:
انا شفت الامتحان وكان فعلا في درجة من الصعوبة بس مش للدرجة اللي بيتكلم الناس عنها يعني مثلا لو الامتحان من 25 الطاالب الممتاز يجيب فيه 23 أو 24 مش يعني ... يرتق ل وبعدين الطالبة اللي مقابلينها في قناة المحور كان عندها وقت كفاية تعمل الطرحة الكبيرة اللي على راسها ما كانت تذاكر احسن :no3: |
اقتباس:
اى امتحان فى العالم مدام فى طالب جاب الدرجه النهائيه يبقى العيب مش فى الامتحان العيب فى الطلبه الباقيه اللى مزاكرتش |
اقتباس:
اقتباس:
أنا كمان شوفت ورقة الإمتحان على فكره وكمان فى أخطاء فى طريقة وضع الإمتحان يعنى المفروض انو فى قطعتين واحده بتكون حقيقيه وواحده تكون خياليه او حدوته يعنى لا دا جايب الاتنين حقيقيه كمان فى فى سؤال الإختيارى رقم 6 من خارج المنهج تماماً دا بالإضافه إن فى كلام كبير أوى أعتقد انو صعب على طلبة 2 ثانوى بجد حرام يعنى فعلاً الإمتحان تعجيزى يعنى مقارنة بإمتحانى أيام ما كنت فى 2 ثانوى إمتحانى كان تافه انا الحمد لله كويس فى الإنجلش ومعايا آيلتس فى كلمات وقفت عندها وفكرت فيها كتير ربنا يكون فى عون الطلبة والله |
اقتباس:
ومش مطلوب ان الطلبه تفهم كل كلمه فى الامتحان المفروض يستخدموا ميزه الاستنتاج فى الترجمه كمان فى النهايه الكلمات الغير مفهومه فى الامتحانات لو طالب واحد فهمها فده حاجه من اتنين اما انه متميز وهنا يستحق ان السؤال ده يتحط فمحدش يحله غيره وياخد الدرجه النهائيه او ان الباقيين مش مزاكرين ومش حافظين كويس ومعندهمش القدره على استنتاج معانى الكلمات فده تقصير منهم او قله قدرتهم فجزائهم ان نمره السؤال تنقص منهم فى مقابل ان الطالب المتفوق برضه ياخدها كفايه علينا امتحانات سهله وصلت ناس فى اعدادى انها مش عارفه تجمع 20+ 60 زى ما اتعرض فى القاهره اليوم !!! |
اقتباس:
بس الكلام ده من بق موجه لغة إنجليزيه الإمتحان مش فى مستوى الطالب العادى ولا المتوسط ولا المتفوق يعنى كل فئات الطلبه بلا إستثناء إشتكو من الإمتحان دا بالإضافه إن الإمتحان فى أخطاء فى طريقة وضعه ( دا نقلا عن كلام الموجه ) ياريت تشوف الإمتحان يا ماندوز لو تقدر عشان تعيش المعاناه الى الطلبه عاشنها وشوف الحلقة دى من القاهرة اليوم Download42445 فى حتة إتقالت فى الحلفة دى عجبتنى اوى سامع ان كل الإمتحانات هتيجى صعبة إنتقاماً من الوزير عشان الوزير اول ما مسك شد المدرسين شده صح فلما الإمتحانات تيجى صعبة وكل الناس تشتكى الوزير يلبس بقى // |
عموما ربنا يكون في عون طلبتنا مع اني شايف ان الامتحان لما ييجي صعب او في كام جزئية مخصصة للطالب الممتاز دي ميزة ودا اكيد هيبرز الكفاءات اللي تستحق تدخل كليات قمة بحق وحقيقي مش الطلبة اللي اقصى امانيها في الحياة اانها تخلص اسئلة ملخص سلاح التلميذ والأضواء ومش عارف ايه ويقولك انا الامتحان في جيبي دا انا حليت اسئلة اربع ملخصات .......... وواخد درس خصوصي اخر شهر بـــ500 جنيه واالاهالى طالع عينيها ودا كله لأن معظم الطلبة المصريين بتتبع طرق عقيمة
|
اقتباس:
من ساعه ما وعيت على امتحانات الثانويه العامه وكل سنه البرامج تنقل انهيارات وبكاء وعويل واسئله صعبه وفى النهايه سحابه الصيف تعدى فلو كلام البرنامج صح يبقى من الغباء انهم يفكروا كده بالعكس بفكر الوزير الحالى هوا من مصلحته ان الامتحانات تيجى صعبه علشان اللى يستحق دخول الجامعه بمجموع كويس هوا بس اللى يخشها سمعت ان امتحان التفاضل جاله سؤال من مقرر 2 اعدادى ده كويس مهو حرام واحد فى ثانوى ميعرفش يحل مساله بتاعت اعدادى التعليم علشان يبقى صح لابد من وجود ضحايا علشان السنوات الجايه الناس تحسن من نفسها وياريت الفلتره دى تبقى للكل يعنى لكل الشهادات ونظام المراقبه يبقى صارم النشأ لازم يتبنى صح عشان يبقى فى امل فى التغيير |
اقتباس:
وبعدين انا كنت سمعت حوار مع وزير التربية والتعليم قبل امتحانات الاعدادى تقريبا بصراحة مش فاكرة اسم البرنامج هو كان على قناه المحور المذيعة سألته عن الامتحانات وقلق أولياء الامور قالها ان الامتحانات هتيجى زى أى امتحانات فى مستوى الطالب المتوسط ونشوف الامتحانات نلاقيها فى مستوى الطالب المتميز يبقى ده حرام ولا مش حرام وعموما ربنا يوفق كل طلاب الثانوية العامة والله ربنا معاهم ويكون فى عونهم انا لسه هأجرب قريب :ohmy::nono: |
انا فى تانية ثانوى
الامتحان فعلاً كان يندرج تحت مسمى صعب لكن ماهواش مستاهل كل اللى حصل ده ... انا شايفة انها مبالغة فى ردود الفعل بعض الشىء بس اصعب حاجة فيه هو ايجاد الخطأ بجد معظمه صعب لكن الترجمه والقصه والقطع الفهم مع التركيز والتجاوز عن بعض الكلمات الصعبة هتلاقى الموضوع سهل لكن مع العلم انه لا مكان فية للطالب المتوسط ان يحظى بدرجة مرتفعه والمهم لسا الكيمياء ادعوالنا |
اقتباس:
بالتوفيق إن شاء الله يا لست ملاك ربنا يوفقك إنت وكل زمايلك إن شاء الله وأتمنى باقى الإمتحانات إن شاء الله تكون كويسه ،، |
بالتوفيق يا جماعه وربنا يوفق الجميع فى امتحانتهم وطول ما احنى فى مصر هنشوف العجايب |
| الساعة الآن 11:18 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى