|
ليه اخترت اسمك ده المسجل بية؟
بسم الله الرحمن الرحيم الحمد لله وكفى وصلاة وسلاما على الحبيب المصطفى والنبي المجتبى نور الهدى ومصباح الدجى السراج المنير رحمة الله للعالمين (صلى الله عليه وسلم) وبعد أحبتي في الله والذي فلق الحبة وبرأ النسمة إني أحبكم في الله :: أخـــي الحبيب اختي الحبيبة ليه إخترت إسمك ده إلي مسجل بيه ؟؟ هل له سر ؟ احكي وفضفض وقووووووووول مع خالص تحياتي |
بما إنك قلت اخى الحبيب يبقى مينفعش انا ارد علشان اختك مش اخوك بس يلا ميجراش هرد وخلااص/ اسم (حبيبة ابوها ) دا بيتقالى فى العيله يعنى علشان انا البنت الوحيده وماليش غير اخ وعلاقتى بوالدى الحمدلله كويسه جدااااا واغلى الناس عندى هو ومامتى كمان يعنى وعماتى دايما يقولوا عليا حبيبة ابوها ليا اسامى تانيه بس مينفعش اسمى نفسى بيها خاااااااااااااااااااااااااالص اصلها فضيحه يعنى :d تسلم عيوووووووووووووووووووون الحب ومشكووووووووووووووور:) |
شكرا علي المرور حبيبة بابا
بس كان نفسي اعرف معني اسمك من زمان واديني عرفت اهو والموضوع لكل اعضاء وعضوات المنتدي مش للرجالة بس يلا كلة يدخل ويحكي |
انا اخترت اسم سندريلا عشان انا اصغر وحده في اخواتي يعني دلوعه العيله واحمد اخويا ابن مصر دايما يدلعني وكدا فااخترت اسم سندريلا |
اخترت اسم أبو عبد الملك لأنى فى انتظار ولدى الأول إن شاء الله وان شاء الله سيكون اسمه عبد الملك أما اسمى الحقيقى فهو رأفت |
شكرا علي المرور استاذ رأفت
وربنا يجيبلك ابنك بالسلامة وتفرح بية يارب |
تسلم علي الموضوع الله يعطيك العافيه ..! السبب ..؟ لآنه آسمي الحقيقي ..! تقبل مروري ..! |
تسلم عالموضوع عيون الحب
انا اخترت سلفر شادو لانه تحس فيه كده بالامان ((مش عارفه اذاى بسش انا بحس كده)) الظل الفضي تحس انه يديك ايحاء بالجمال ماعلينا مش عارفه بصراحه بس انت مقولتش ليه اخترت اسمك ده |
شكرا علي مروركم
وبالنسبة لاختياري عيون الحب لاني اسم عاجبني واسم البلوتوث بتاع التيلفون بتاعي وبعد كدة عرفت ان اسم مسلسل كويتي وفي منتدي اسمة كدة بس خلاص |
انا بقى اخترت اسمى دا لانى كان المفروض انى ادخل كليه تمريض
اكتر الى حواليا قعدوا يقنعونى بيها (والزن على الودان امر من السحر ) فقلت هدخلها وخلاص واهى اربع سنين والسنه الخمسه مش هخدها واقعد فى البيت فكان لازم حاجه تحببنى فى الكليه دى عشان استجيب بس لدخولها فالاسم دا الحاجه الوحيده الى شايفاها حلوه فى الكليه كلها فحبيت يكون اسمى كدا فى المنتدى بس الحمد لله قبل ما الحكم يصفر بثوانى حولت كليه علوم والحمد لله انى مدخلتش كليه تمريض بس وحبيت الاسم ومش عايزه اغيره |
شكرا علي مرورك
ملكة الرحمة |
انا بقى اخترت الاسم ده لأنه (( واقعــــــــــى))
جداً وبيعبر عن ذاتى , يعنى بلاقى فيه نفسى يعنى ممكن يكون غريب شويه لأن المعظم بيسجل نفسه بصفه حلوه لكنى قررت انفى صفه المعظم بيحب يلقب نفسه بيها بس انا بحب الاسم ده جداً جداً وتحياتى لكم احبائى |
انا بقى اخترت غريبه فى دنيا عجيبه
لانه عجبنى معناه أوووى لان فعلا الدنيا دى عجيبه جدا وانا بحس فيها انى غريبه .... بس شكرا عيون الحب على موضوعك المتألق |
لا انا كان اسمى فى المنتدى الاول MiDo فلما دخلت الجيش كان مكان خدمتى حساس شويه كنت فى كتيبه :039:حرس شرف من حراسه المشير محمد طنطاوى زميلى سجلونى على الموبيلVIP شخصيه هامه ومصطفى تيفا اللى المنتدى باسمه هو اللى غيرلى النيك نيم بكدا اسم كويس ومحبتش انى اغيره |
ببساطه لانى هموت واطلع طبيبه نفسيه
|
|
بصراحة لأنى بحب الحياة وبحب الحب وبحب الناس كلها واتمنى ان كل الناس تحبنى مع ان دا مش هيحصل بس اتمنى ان النيبة الكبيرة من اللى اتعامل معاهم يحبونى ومحدش يضايق منى خالص يعنى ( حبوب ) وفكرت اعمله كدا بس حسيت انه بلدى حبتين فغيرت تفكيرى الى ( حبيب ) وبعدين استقريت على ( أحب حبيب ) موضوع رائع يا عيون الحب |
مادمنا نعيش الواقع الذى نحيياه
فكلنا تائهون وانا احد هؤلاء الذين رضوا بالواقع موضوع جميل تقبل مشاركتى |
موضوعك مميز جدا جدا
بالنسبة لاسمي ، فدة من 2007 ، كان في الاول Rewo ، فلما مسكت اشراف قسم الالعاب في 2007 حبيت يكون ليا اسم طويل و غير مكرر ... ففكرت بدة . طبعا انا مسجل في معظم المنتديات بالاسم دة ، ابحث في جوجل ( طبعا في 4 اسامي تانية ليا بس نادرة شوية ... زي ANTORY و EgyKings.org و Master King و INFINITY ) ... |
شكرا ياجماعة علي تفاعلكم ومشاركاتكم ودمتم بخير وود |
| الساعة الآن 11:33 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى