|
مصري يحرق ابن زوجته الرضيع لبكائه المستمر!!
قام سائق بمنطقة منشأة ناصر بتعذيب وضرب ابن زوجته البالغ من العمر عامين لأنه يزعج المتهم أثناء عودته من العمل وبأنه لا يستطيع النوم بسبب بكائه المستمر. فقام بضربه بقطعة خشب وحرق مناطق متفرقة بجسدة وقد نقل نقل الطفل المصاب على اثرها الى المستشفى في حالة خطيرة.
وكانت أجهزة الامن بالقاهرة قد تلقت بلاغا من مستشفى قصر العيني بوصول طفل يدعى محمد سلامة (عامان) مصابا بجروح وحروق في جميع أنحاء جسده .. واثبتت التحريات أن زوج والدة الطفل هيثم محمد علي 24 سنة وراء التعدي على الطفل المجني عليه بعد زواجه من أمه التي طلقها زوجها والد الطفل لسوء سلوكها.. ويوم الحادث عاد المتهم متأخرا من عمله وفوجئ ببكاء الطفل باستمرار مما أثار غضبه فقام بتعذيبه والتعدي عليه بالضرب وحرق جسده. ألقت الشرطة القبض على المتهم وأحيل الى النيابة للتحقيق. |
اقتباس:
بصراحة دى حاجة صعبة جدا مشكور يا عيون الحب على موضوعك تقبل مرورى |
بيتهيألى الخبر دا قديم شويه ؟
|
اقتباس:
برجاء ذكر المصدر عند نقل اي خبر " |
اقتباس:
ومفيش داعى اننا نستغرب الحدث لان بصراحة الحوادث دى بقت كتييير جدا جدا جدا يارب ارحمنا برحمتك |
الخبر دة مش قديم
والله الخبر دة نازل امبارح |
واضح من سيناريو الموضوع اننا بنتكلم عن شريحه فى المجتمع التعامل فيها مش مثالى زى محنا متعودين بالمناسبه هيا ام الولد كانت فين فى القصه دى وياترى لو خيرت بين المجنى عليه والجانى هتختار ايه ان لله وان اليه راجعون بخصوص توقيت الخبر فى مواقع زى مصراوى نزلته من يوم او يومين مواقع تانيه نزلته من اول الشهر |
دا بقى اسمه التخلف المصري في أسمى حالاته :18::18::18::18::18::18: |
هو سؤال واحد بس..؟؟
احنا بجد ينفع يتقال علينا اننا شعب كويس..بالزمه احنا المصرين إلي بنفتخر بأننا مصرين.. ده كسفه بجد كسفه.. |
اقتباس:
اه طبعا افتخر بص يا اخى الكريم دى حادثه من ضمن الالاف الحوادث الغريبه اللى بتحصل فى مصر ولكن هيا مصر بس اللى فيها الحاجات دى يعنى مبتسمعش عن هتك عرض المحارم فى بعض الدول مبتستعمش عن الالات التعذيب الموجوده فى دول اخرى مبتسمعش عن تجاره اعضاء الاطفال الخ الخ الخ على فكره انا مش بتكلم عن دولنا العربيه انا بتكلم عن العالم كله كل دوله فى العالم لديها نماذج فاسده فى المجتمع ومش هتعجب لما الاقى الالاف من الحوادث دى فى كل دوله لان لو واحد عمل تصرف وحش دا مش بيسئ لحد غير لنفسه وملوش معنى ربط حادثه زى دى بسمعه مصر لان لو كده مكنش فى دوله فى العالم بقه عندها سمعه لان كل دول العالم فيها حوادث ابشع من دى |
حسبي الله ونعم الوكيل ما في قلب عن الناس ولا البعد عن الدين ولا الضغط علي الناس مخلاش في مجال للتفكير ( ضغط العمل - الضوضاء - التلوث البيئي ) بمعني أصح الملل من الحياة الروتينية ولا ... ولا .... حجات كتير أوي لازم الواحد وهو بيقرأ الأخبار دي يركز فيها أنا مش عارف اية اللي هيحصل تاني كل يوم و التاني نسمع حاجة عمر الواحد ما كان يتوقع أنة هيسمعها في يوم من الأيام ( أمبارح أنا قرأت في أحدي الجرائد المصرية إن في شخص قدم بلاغ في القسم في أخوة يتهمة أنه عاشر بنتة ( زنا محارم ) عادي دي حاجة صغير أحنا لو قعندنا نتكلم من هنا للسنة الجايا مش هنخلص المواضيع السنا الجايا أية دي السنين الجايات مش هتكفي الكلام دة ربنا يسترها معانا و معاكم ويبعد عنا و عنكم الحرام معلش الرد كان طويل |
اقتباس:
الموضوع مش موضوع مصريين ولا اية السؤال أحنا بني أدمين ولا تحولنا إلي وحوش ولا ...... |
اقتباس:
احنا مصرين كويسين.. ولا مصرين وحوش.. ........................................... ويا ماندوزز.. انا مقولتش ان الدول كلها مش فيها حوادث بشعه زي ده.. انا قولت ان احنا شعب معرفوين عند العرب بالطيبه والأمان والسعاده.. لما يجي حد غريب ويقرأ الخبر دا..يقول إيه عن مصر..دا يقول عنها غابه .. الطفل دا زنبو إيه عشان يموت..ما كان هو وهو صغير كان تلاقيه بيصوت ويعيط.. ..................... حاجه بجد توجع القلب.......... |
اقتباس:
الطفل مماتش شويه حروق متفرقه فى الجسم فى اللى بيقطعوا فى جسد الاطفال علشان ياخدوا اعضائهم ويبوعها اى انسان عاقل فى العالم عارف ان اى مكان فى الدنيا لازم يكون فيها الكويس والوحش لما نقول ان مصر شعبها طيب دا معناه ان نسبه الناس الطيبه اكتر من الناس الوحشه ودا مش معناه ان كل الناس وحشه الصوره الموجوده عن الانسان الخليجى انه بشرى ليه بطن وفلوس يصرف فلوسه بالعبيط على غرائزه ولا يفقه شئ فى العلم او اى شئ هل ده معناه ان كل الناس اللى فى الخليج والسعوديه كده اكيد لاه ولكن نسبه منهم كده فهمت معنى كلامى |
امممممممممم...المعنى وصل..
بس بردو مش هيا واحشه ف حقنا.. وع موضوع إلي بيسفرو بره ف الخليج دول.. ع فكره..مافيش حد بيطلع الخليج عشان يشم هوا..بجد إلي ف مصر دول ف نعيم.. قاعدين ف وسط أهليهم..واحنا غربه..اه ف صحاب وف ناس نعرفهم..بس مافيش ناس زي مصر.. مسألتش نفسك ليه احنا بنطلع للخليج معا ان ام الدنيا هيا مصر..؟؟ اه دول الخليج جميييييييله جدا..واحلى من مصر.. ويمكن كمان مصر عشان المشاكل إلي فيها ده..بنهرب منها.. دول الخليج من الأخر ليها نظام..والكل بيمشي عليه..يعني هنا االوافد زي الموطن بالظبط مافيش فرق.. انما تعالى ف مصر ..قولي فيها نظام..فيها حاجه نفتخر بيها.. مصر مافيهاش غير أهلها بس.. يا ريت محدش يفهمني غلط... |
اقتباس:
اما عن مقارنه الخليج بمصر فلا يوجد مكان فى العالم به كل شئ مصر فيها اماكن احسن من الخليج بس عايزه اصحاب النفوذ هما اللى يروحوها المجتمع العادى فى مصر طبيعى مش هتلاقى النظام اللى موجود للطبقه العليا ودا موجود فى بلاد كتير على فكره فيه كده وفى كده بس عندنا نسبه الفقر اكتر |
اقتباس:
|
| الساعة الآن 04:11 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى