|
صلاة جمعة دي ولا.. مولد وصاحبه غايب ...!!!!
مولد وصاحبه غايب ... اللي يبص لحال المسلمين اليومين دول يقول إن فعلا المسلمين بقوا في مولد وصاحبه غايب وكل يوم واحد دماغه لاسعة يطلع علينا بحاجة جديدة ... لكن الست اللي اسمها آمنة داوود اللي قامت بأمامة أول صلاة جمعة مختلطة في امريكا اتعدت حدودها بكتير . في البداية رفض ائمة المساجد في نيويورك أنهم يسمحوا بهذا العمل الغريب والشاذ فقررت إنها تقيم هذه الصلاة في كنيسة "سانت جون ذا ديفايد" الإنجيلية " في تحدي غريب لقواعد الأسلام وكأن المسألة مسألة عند مع الأسلام بحجة حقوق المرأة . Download62890 (الحاجة بتختم الصلاة ..وربنا يتقبل) وبعدين جت المؤذنة تأذن للأذان فوجئ الناس إن المؤذنة غير محجبة زي كتير من السيدات اللي صلوا هذه الصلاة الشاذة من غير حجاب ...وكويس إن أحنا مش في الصيف علشان كان ممكن نلاقي ستات بتصلي بنص كم . Download25870 (يصلوا من غير حجاب ..ويا عالم متوضيين كمان ولا لأ) وبعدين فوجئت وسائل الإعلام اللي بتصور الصلاة الشاذة دي إن الرجالة والستات بيصلوا مع بعض في نفس الصف لكن الرجالة شمال الصف والستات يمين الصف ...طبعا اللي حظه جه في نص الصف من ناحية السيدات صلاته مش مقبولة والله يجازيك يا شوشو . Download25861 (أخشع يا ....خبيث) ويا ريت اللسعان وصل لحد كده وبس ولكن الأمور تعدت كده بكتير ..التس في خطبتها اللي كانت مملة وبطيئة أخذت تشير إلى الله بضمير المؤنث she وضمير الغير عاقل it بحجة إن الله سبحانه وتعالى ليس ذكرا ولكنه يستعصي على التعريف من حيث النوع المدينة شهدت مظاهرات خارج الكنيسة تحتج على هذه الصلاة وعلق أحد المسلمين الأمريكيين المتظاهرين خارج الكنيسة لوكالة "أسوشييتد برس الأمريكة أنه لو كانت هذه المرأة في بلد أسلامي لتم شنقها ...( يا عيني عليه ما زارش بلدان أسلامية علشان يعرف أنه هو اللي لو كان في بلد أسلامي لكانوا شنقوه ) في حين رفع أحد المتظاهرين لافتة تقول صلاة مختلطة اليوم وغدا نار جهنم . Download68981 (لاحظ ..قاعدين بيتودودوا أثناء الخطبة طيب يختشوا على دمهم ده فيه إعلام بيصور) المنظمة اللي رعت هذه السيدة أسمها منظمة المسلميين التقدميين والتي من ضمن الآراء اللي بتروجها أنه يجوز أقامة علاقة جنسية بين الشاب والفتاة من دون زواج . ومولد وصاحبه غايب . منقـــــــــــــــــــــــول |
لا حول ولا قوة الا بالله |
شكرا علي الموضوع
وفعلا معاك حق يافارس |
هيصااااااااااا هيصاااااااااا جامدة جدااااا
اولا بتعارض مع جزأ من الموضوع اقتباس:
بعدين بقول الحمد لله علي النعمة اللى الواحد فيها .. الفرق إننا هنا بننشأ عارفين أساسيات دينا ايه عارف ان انا لازم اتوضا عشان أصلى عارف بتوضا إزاى عارف شكل الحجاب إلا هوا إزاى المرأة تُصلى من غير جحاب ؟؟ والحريم فى اول الصف ؟ ؟ والراجل جمب المرأة إزاى ؟؟ والإمام إمرأة .. يعنى مفيش راجل من دول حافظ قل هو الله أحد يطلع يأم الصلاة ولا مسلمين كدا وكدا ؟ ؟ دى كوسة ,, دا يا إما استهبال مقصود يا إما قلة وعى .. سورى أصدى انعدام وعى دينى نهائى لو دى عقلية مسلم فعلا يبقى عليه العوض الكوسة جت ع التفاح ياجدعان ,, هوا الحل الوحيد ان الناس دى مسلمين لسه من إنبارح .. لو الخبر كدا انا اصدق واقول آه معلش جهله لسه بأمور دينهم إنما كل الكم دا من الجهل يبقى فيه إن فى الموضوع وسلامى إلى منظمة المسلمين التقدميين ,, دا الناس الوحشين(الحدق يفهم) مقدروش يعملوا اللى انتوا عملتوه الله المستعان وربنا يهدى الجميع |
الخبر بقاله اكتر من 5 سنين على فكره :) |
أفتكر الشيخ محمد حسان عمل خطبة انا حضرتها في دموه اسمها " امرأة تخطب الجمعة " من خمس سنين فعلا ردا على الموضوع دا
|
ههههههههههههه هي فعلااا بقالهااا فتره كبييييييييييييره اووووي من ايام اونكل بوش بس حطتي للموضوع كان ليهاا هدف معين ان حاجه زي دي ممكن تحصل في يوم من الايام في دوله عربيه ومش بعيد تكون حصلت فعلااااا لان الثقافه الامريكيه منشره جدااا في الدول العربيه والتقليد الاعمي في كل شئ وربنا يستر علي عبيده ياااا رب |
| الساعة الآن 04:42 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى