|
رساله للبنات الحلوين ومن غير زعل
السلام عليكم ورحمه الله وبركاته
رساله للبنات الحلوين ونصيحه ليكم واكيد كل واحده فيكم بتخاف على نفسها وسمعتها وطبعا مش كلهم كدا نسبه بسيطه ال بيخاف عليكى وعايزك بغرض شريف ومنهم ال بيتسلى اقصد من الولاد...وايا كان طبعا كلنا عارفين ان فكره ان البنت تكلم ولد دى حاجه مرفوضه تماما..ومع ذلك بنات كتير أوى بترتبط بشباب وأكيد فى بنات كتير مرتبطه بشباب من غير أى حاجه رسميه...وتقولك عليه حبيبى ......مش كده ولا ايه؟؟؟؟؟؟ طيب تخيلى انتى بقى يا قمر قاعده كده براحتك على السرير وعماله تتكلمى فى التليفون ومسلكه سلك التليفون من الصاله وواخده غطس تحت اللحاف وفى وسط الاشواق الملهلبه بتحبني ياتوفيق؟ طبعا ياجمالات دانتي الهوا اللي بتنفسه والميه اللي بشربها.. يعني مش هتتخلي عني أبدا عمري ياحبي وحتي تنطفيء النجوم وحتي يقع القمر وحتى يبطل الاهلى يكسب بمساعده الحكام عيب تقولي كده ياجمالات سمعتي أغنية بحبك بتاعة رامي صبري؟. اه مالها ياحبيبي.... كل كلمة فيها بتفكرني بيكي يانور عيني بحبك نفسي أقولهالك: وانا ايدي في ايد.... وفجأه ... نعم يا.........؟ .وهنا هنقول ستوب ونوقف المشهد ونبدأ نسأل السؤال هتعملى ايه يا حلوه فى المصيبه دى بقى؟؟؟ طيب تعالى نتخيل سيناريوهات مختلفة للي ممكن يحصل هتلاقيه طبعا يقفل السكه علطول فى وش باباكى ما هو مش راجل اساسا طالما كلمك كده من ورا أهلك وخدى عندك بقى 10....12 سنه تليفونه هيبقى مقفول ومبيجيش الجامعه فى بقى سيناريو تانى...... انه مش هيقفل السكه ويقول لباباكى ثواني ياعمي أنا والله بحب جمالات بس مستني وقت أرتبط بيها وهنا هيختلف رد فعل الأب حسب شخصيته يعني ممكن يكون راجل جنتل ويقولك حب ايه ياحيلة الست الحاجة روح ياض العب بعيد وممكن يكون راجل عقلاني.... هو يابني اللي يحب حد يكلمه الساعة دي لو اختك ترضي حد يكلمها كده؟ يابني اللي بيحب حد ميخلهوش يعمل حاجه غلط ولو حتي باسم الحب .وعموما يابني ممكن أعرف انت عايز ايه هياخد ميعاد يقابل فيه باباكى وانتى بقى تفضلى مبسوطه وعايشه فى الدور... ومستنيه اليوم ده اللى هييجى فيه وتفضلى تقولى لاصحابك شفتو بقى طلع كويس ازاى ومش بيضحك عليا ومخافش من بابا وكلمه بقلب جامد وخد كمان منه ميعاد علشان يخطبنى وابقى قابلينى لو شوفتيه تانى وجايز يطلع اد كلمته ويصدق بس نسبتها ضئيله شويه انه يبان انه ندل اساسا وهو طبعا مش هيبقى فارق اصلا معاه حاجه لا انتى ولا عشره زيك.....المهم انه يخرج نفسه من الموضوع ده.. ويرد على باباكى ويقوله............ ماتشتمش ياعم الحاج انت... متلم بنتك ياأخويا انا مضربتهاش علي ايدها وطبعا رد فعل باباكى هيكون ايه غير انه... يااما هيقع علي الكرسي من الصدمة أو هيرد علي كلامه........... بالله عليكى ليه تحطى نفسك وأهلك فى موقف زى ده؟؟؟؟؟ لو مش خايفه على نفسك خافى على باباكى وامك وأهلك..... وهتستفيدى ايه غير انك بتغضبى ربنا وأهلك وبتصغريهم وبتحطى وشهم فى الطين بعد ما كان راسهم مرفوعه وتخلى واحد تافهه كل شغلته فى الحياه انه يضحك على البنات ويتسلى بيهم انه يقول لباباكى لم بنتك الأول واللى عنده معيز يربطها وكلام من السخيف ده........... أنتى لؤلؤه مصونه....حافظى على نفسك والله كل الشباب واحد وكلهم ييجو فى الأخر يقولو ...لأ أنا متجوزش واحده كنت أعرفها قبل الجواز...ماهى أكيد كانت تعرف قبلى كتييييييير أوى لأنها زى ما عرفتنى هتعرف غيرى حتى لو اتجوزك وحتى لو أتجوزك فى الاخر عمره ما هيبقى واثق فيكى 100% لازم هيجيله أيام مش يوم واحد ويفضل يذلك انك كلمتيه قبل الجواز وعرفتيه من ورا أهلك وهيفضل عمره كله شاكك فيكى وطبعا ف الاول وف الاخر عندك عقل وتعرفى ازاى تصونى نفسك وتحافظى عليها وياريت متزعلوش منى ان كنت قلت حاجه تزعلك او تضايقك بس ملحوظ انها منتشره كلام البنات للولاد من غير اى ارتباط رسمى وربنا يهدينا جميعا لما يحبه ويرضاه |
برافو ممتاز
|
اقتباس:
اللهم امين ياااااااااااااااا رب العالمين موضوع جميل جداا حبيبه بابا ف غايه الروعه علي اد ما الموضوع بيدي شئ من الفكاهه الا انه ملئ بالعبر والوعظ للفتيات بس المهم ان البنات تستفيد من الموضوع وتراجع نفسها قبل ما تفكر انها تاخد خطوه في موضوع زي ده بارك الله فيكي وجعله في ميزان حسانتك ووفقكي الله لما يحبه ويرضاه |
انا هقول حاجه الدكتور بتاع الكيمياء الى قالهالنا
عمر الى بيصاحب ماهيعيش حياه سليمه وسعيده زى بقيت الناس لان لو اخته اتأخرت هيفكر فيها غلط ولو تليفون خطيبته او زوجته كان مشغول هيفكر فيها غلط وهيكون تفكيره دايما بيوديه فى مشاكل وخناقات ملهاش لازمه دا غير الى بيحصل من البنات نفسها سلمت يداكى حبيبه ابوها |
موضوعك فعلا جميل
وربنا يهدينا جميعا لما يحبة ويرضاة ويارب يوفقك ويوفقنا جميعا يارب |
الموضوع ده بقى منتشر جدا اليومين دول
حتى البنات والولاد بيبصوا للبنت اللى مش مرتبطه على انها رجعيه وكده يعنى بس انا شايفه ان البنت لازم متثقش فى اى حد مهما كان لازم تحافظ على نفسها ميرسى على الموضوع الجامد ده هنستنى منك الجديد |
موضوع جميل بارك الله فيكي ,,
|
جميل جدا ودا فعلا بيحصل كتير بس صوابعك مش زى بعضيها |
انا معاكى فى كل الكلام ده ياحبيبة ابوها
وشكرا على النصيحة |
مشكورين جميعا على مشاركتكم وردودكم
hahattt 919 فارس بلا جواد ملكه الرحمه princess tears زوزة مافياوى السامر lune 14 ومشكورين على ارائكم وتفاعلكم مع الموضوع وفعلا ياسامر صوابعى كلها مش زى بعضها فى شباب كويس ويازوزة الطبيعى ان مش اى حد تثقى واكيد طبعا فيه عقليه تقدرى تحكمى بيها ان كان صح او غلط ومشكورين مرة تانيه |
| الساعة الآن 08:32 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى