|
لا تلف ولا تدور .... سرسور أجمد دكتور ( الحلقة الثانية)
الحلقـــة الثانيــــة الظاهر العيادة هتتملى بالمرضى وتوكلنا على الله طبعا فيه هجوم على الدكتور سرسور لكنه متعود على كده ومش فارق معاه دا مبيرحمشى المريض اللى بيقول : آه وهيفضل غصب عن الجميع يخدم البشرية بجهوده العالية فى تخفيف الانفجارات السكانية متمتعا بثقة ( الحانوتية ) حيث يتعامل سيادته مع الطب ( كفن ) هذا وللدكتور سرسور نظرية مقتنع بها وهى أن الإنسان حكيم روحه وهو بصير على نفسه يعنى الدكتور ربنا ولهذا فقد اخترع دكتور سرسور بعلمه العالى منقطع النظير أدوية تصلح لكل الأمراض الحالية والمستقبلية وعلى كل إنسان أن يطلب أى دواء يعجبه ثم يبحث فى نفسه عن مرض يناسبه ويأخذ الدواء بناء على فراسته الشخصية ولابد أن يأتى الدواء بنتيجة فى يوم من الأيام قد يكون شفاء _ لا سمح الله _ وقد يكون _ مرض جديد _ وقد يكون _ مضاعفة لمرض موجود _ وقد تكون وفاة تريح المريض من البحث وتعاطى الأدوية وجمايل الدكتور سرسور ****** والفكرة الرئيسية للدكتور سرسور افتتاح القسم الجديد فى كلية الطب مع إلغاء كل التخصصات ويبقى الدكتور تخصص إراحة المريض فورا بأى وسيلة ****** وحصل الدكتور سرسور على جائزة بونل فى الطبطبة على المريض و إراحته أبديا كما أعطته شركة أم نبيل خط مجانى ليعمل دكتورا للشركة ويحميهم من أمراض الشبكات **** إلى اللقاء مع الحلقة الأخيرة **** |
حلوه العياده دي لا جميله
ممكن تحجزلي ميسيو عاشور بس الحاله مش هوصفهالك طبعااا الدكتوره اونلي |
أُستااااااذ . . . أُستاذ
جميل اوى التخصص الجديد ده ,, بدل التخصصات الكتيرة اللى مليا البلد دى الواحد بدل ما يدور يشوف يروح لأنهى دكتور اهو كدا هيوفر وقت ويروح لأى دكتور طالما ان مهنة الطب هتعتمد على راحة الزبون بأى طريقة أصدى المريض وياللا ربنا يتولانا برحمته |
احسن دكتور فى جمهوريه بلدنا العربيه
مشكور استاذناعلى الاوبريت الجميل |
ايه البهدلة دى كلها.....شكرا أستاذى الدكتور سرسور تعبان.... و الله غلبان شكله كده مش هيلحق يعمل حاجة....... مستنياك يا فارس والكشف الأول على حسابى.......بس متتعودش على كده بالنسبة للجائزة...لسه موصلتش.....شكلها كده تاهت فى السكة أما شركة أم نبيل....أنا رفضت العرض بتاعها.... سلام بقى دلوقتى..... أصل الحانوتى على التليفون |
ايه ده الكشف الاول ....... وحانوتي ...... وعلي حسابك كمان
لا انا شاكك في الموضوع الله الغني مش مستغني عن حياتي |
ماشى يا عم انت الخسران |
انا خلاص هحجز جااااااات الفرصة بس سرسور كانت حافالى قبل كدة انى هدفع فلوس لو مش بفلوس يبقى خلاص مستغنية عن روحى علشان تجربة سرسور شكرا لك استاذ محمد مستنيين الحلقة الاخيرة |
هههههههههههههههه
ممكن اجى اكشف بس بلوشى عشان الحالة المادية زفت |
شكرا للمرور والحلقة الأخيرة قريبا وهنعلن فيها اللى عليه الدور |
اوعى يا استاذ محمد تجيبنى هيبقى فية فضايح بلاش
ههههههه |
متخافش يا حسين كده كده ليك يوم دا أنا كمان هخش الموسوعة |
|
| الساعة الآن 10:25 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى