|
تعالوا نشوف ارائكم ايه في ( محمد عاشور)
بسم الله الرحمن الرحيم السلام عليكم ورحمه الله وبركاته هنختار عضو من اعضاء المنتدي وكل عضو هيدخل يقول رايه بامانه في العضو ده من مميزات و عيوب سواء في الواقع او عن طريق معلمومات عن العضو في المنتدي بس ارجوا من الاعضاء عدم الخروج بالفاظ قد تسئ للعضو المستضاف كنا اختارنا العضوه ( lost angel )في ابداء رائ كان معقول وجميل من قبل الاعضاء وتعالوا نشوف ارائكم ايه في العضو الا وقع عليه الاختيار الا هو ( محمد عاشور ) وده الملف الخاص به https://tefanet.protector.pw/vb/user...atar5101_1.gif |
والله هو شخصية محترمة جدا بس انا بحس انه اقول ولا مااقولش يالا هقول انه شايف نفسه شوية |
اقتباس:
شكرا هذا رأى محدش يزعل |
أستاذ محمد ............. شخصية محترمة جدا......... قلبه طيب وبيحب يخدم الناس كلها انسان ورجل بمعنى الكلمة أديب وفنان ذو احساس مرهف وأشعار خلابة وعلى فكرة........ هو مش شايف نفسه خالص |
الاستاذ محمد عاشور : استاذى الجليل
اسم لامع فى عالم الادب شاعر احساسه رائع بقاله شهرين كدة متغير يمكن تعبان الله اعلم مجتهد فى عمله و لكن : لا يقول كل ما يدور فى خاطره ربنا يعينه على الازمات ..... و يديك اللى فى بالك( مش شحاته ) |
الاستاذ محمد عمره ماكان شايف نفسه
بس موهبته هى الى شايفه نفسها وفرضه نفسها راجل بمعنى الكلمه شخصيه فرضه احترامها لواحدها بيحب يخدم الجميع وطيب جدا بصراحه ربنا ينوله الى باله ويسعده بجد انا بتمناله الخير |
الاستاذ محمد عاشورر
كالؤلؤة لامعة دائما كالنور مضئ فى كل مكان متميز فى كل شئ مميزنا بلا حدود شاعر عاالمى شعرة تحفة تحفة تحفة من الاخر عاشق اللغة العربية وعلى فكرة انا عايزة اعرف اية وجة النظر ان هو شايف نفسة؟ |
طيب تسمحولي انا بقي الا اقول رايي في محمد عاشور بما ان احنا اصدقاء محمد عاشور انسان محترم جداا متواضع جدا في تعامله مع الاخرين انما حكايه انه شايفه نفسه دي فعلا عندهم حق بس نسوا يوضحوا حاجه انه شايفه نفسه فعلا في الشعر والادب واللغه العربيه ليس في تعامله مع الاخرين والكلام ده طبعا مش عيب بل بالعكس ثقه في النفس . . . . . . . . . . . . . . . . . . . . . . . . . . . مظبطك اهو يبقي خلااااص الحاجه الساقعه الا علياااا |
اقتباس:
|
اقتباس:
خالص ... لو حضرتك بتاخد عنده هتعرف هو اصلا مش لاقى وقت علشان يشوف نفسه...... مش كدة و لا ايه يا كيوت اما بالنسبة للشعر فأنا اظن ان مش كل الاشعار اللى بيقولها هو اللى كاتبها انما على المنتدى كل الاشعار اللى بيكتبها هو اللى مألفها و تقدر حضرتك تسأله بنفسك |
اقتباس:
ومش عشان الاستاذ محمد مدرس ينسى انه شاب ومن حقه انه يعيش ويلبس وعلى فكره الاستاذ محمد محترم فى لبسه عن اى حد تانى واما بالنسبه لشعره فدى حاجه مالكشى فيها وحريه الانسان تديه الحق انه يعمل اى حاجه مادام مابيضرش حد لو كان بيضرك يعنى ولا حاجه ويعنى اى شخص يعنى المفروض انه يشوف نفسه فى لبسه وكل حاجه بيعملها ويحس بنفسه شويه |
بجد أنا متشكر جدا على الموضوع وعلى الاهتمام بس ليه تعقيب صغير ؟ قال عمر بن الخطاب رضي الله عنه: رحم الله امرئ أهدى إليّ عيوبي وبجد أنا ممكن أكون ظهرت قدام حد إن أنا شايف نفسى غصب عنى ممكن يكون فهمنى غلط و أنا بتأسف بجد له لو ده حصل منى أما من ناحية اللبس والشعر فلازم المسلم يكون منسق وجميل والنبى ( عليه الصلاة والسلام ) بيقول : من كان له شعر فليكرمه و الله العظيم كمان أنا ما مهتم بيه ولا حاجة وعمرى مفتكر إنى حطيت جل ولا مثبت ولا كلام فارغ من بتاع الفرافير ______________________________________ حاجة ثانية للأعضاء اللى بيشكروا فيا جامد و أنا مش قد الشكر والكلام الجميل و أدعو الله ألايفتننى به عاوز أقولكم النبى بيقول فى حديث ما معناه أنه لو اجتمع الناس على رجل بالخير فاشهدوا له بالنفاق فالحمد لله على كل حال ___________________________________ لأنين الصمت فعلا أنا متغير وده غصب عنى ظروف مخليانى مش مركز شويه أدعو الله أن تنتهى على خير فالخير ما يريده الله و أنا راض بما قضاه وأسف لو كنت زعلت حد من كلامى تانى ورجاء أخير من أخواتى كلهم ادعوا لى وعشان خاطرى محدش ياخد الكلام هجوم و أنا متشكر ليكم وربنا يغفر لنا ولكم ونتقابل فى الجنة و شكررررررررررررررررررررررررررررررررررررررررا يا تيفاوية على اهتمامكم بيا |
ماشى يا استاذ محمد وانا اسف
|
انا بردة كنت ولسة من تلامزتك اللى انتا كنت بتحبة اوى كنت بقا
شكرا سلام |
مين اللى قال إن أنا كنت بحبك والوقتى خلاص على فكرة عمرى ما اتغيرت مع حد كان عندى وسبنى بالعكس بحترمه أكتر علشان ميحس إن أنا اتغيرت علشان الرزق دا الموضوع ده بتاع ربنا مهياش شطارة ولا حاجة وممكن أعرف إنت مين ؟؟ |
انتو كده هتخبطوا فى المدرسين ولا ايه
لا ده انا برضو مدرسة وفعلا انا من صغرى بحترم مدرسي اللغة العربية جدااااااااااااااااااا فعلا هما احسن مدرسين ومن الواضح ان الاستاذ محمد فعلا متمكن فى مجاله مش زى اليومين دول واخد التدريس مهنة من لا مهنة له وانا بما انى جديدة ومتعاملتش اوى بس من خلال موضوعاته حسيت انه فعلا انسان ناضج كلامه يبين انه انسان كبير فى السن وفعلا استغربت اما عرفت انه لسا شاب عشان مبقاش فى شباب كده شباب ناضج وواعى ودايما الى مزيد من النجاح والتفوق |
أكرمك الله l3lo3 وجعلنى عند حسن ظن الناس بى ولا يفتننى بكلامهم متشكر جدا رأيك الذى أسعدنى كثيرا وجمع الله أسرة تيفا فى الجنة |
يا بختك.......... متخافش مش هحسدك كل دى ناس بتشكر فيك والله تستاهل |
انا حسين يا استاذ محمد
بتهيئلى بتهيئلى ممكن تكون فاكرنى وانا اسف مرة تانية انى خربطت فى الحلل اسف تقبل اعتذارى انا حسين هانى |
ولا يهمك يا سحس دا إنت حبيبي يا أهبل مستحيل أزعل منك |
| الساعة الآن 06:43 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى