|
سمع هووووووس .. جرس الفسحه ضرب ضرب....
سمع هوووووووووووووس .. جرس الفسحه ضرب ضرب اهلا بكل اعضاء منتديات كل عام وانتم بخير بمناسبة انتهاء العام الدراسي بجميع مراحله وخصوصا الثانويه العامه والجامعات وكل الطلبة والطالبات الاحياء منهم والاحياء :bm::bm::bm: دلوقتي نقدر نقولهم جرس الفسحه ضرب ضرب :ongue: اه خلاص ضرب واللي فات عدي وراح :thumb: الموضوع موجه لكلا من اللي خلص ثانوية او اللي دخل الجامعه او اللي لسه في تانيه او تلته او رابع في الكلية فيجميع الاحوال تعالوا نعتبر اللي جاي دهنقطة بداية بداية لماتش كبير هانواجهه في حياتك القادمة Download71404 يلا نبتدي الماتش ونشوف هانخطط ازاي هل انت او انتي في فكر او امنية معينة نفسك تحققيها فيه كتير اعضاء هنا منهم اللي لسه في ثانويه واللي في كليه واللي خلص خلاص وكل واحد من دول اكيد فيه فكر معين نفسه يحققه طيب تعالوا نتكلم ونفضض مع بعض واهو ممكن نفيد بعض سواء بالتوجيه لكورس معين تاخده قبل ما يفوتك الوقت تعالوا نفكر في حياتنا القادمه باسلوب عملي بالمناقشه الجاده ياريت الفكره تكون وصلت للجميع وسننتظر مناقشاتكم وامنياتكم وعلي راي الشاعر العظيم الكبير صاحب الجوايز العالميه :18: ايد في ايد هانقرب البعيد ........ وعجبي محمد علي :ongue::bm: |
يسعدنى ان اكون اول مشارك فى موضوعك يا أستاذ محمد
وبما ان الجرس ضرب وهناخد فسحة طويلة إلى بداية العام الدراسى الجديد وهنلاقى الطلبة ماليين الشوارع وبتنططوا فى كل حتة هقولكم على كام حاجه مفيدة للطلبة انصحوهم بيها وهتخف الزحمة بتاعتهم شوية لغاية ما يبدأ العام الدراسى ونخلص منهم (بهزر طبعا) انا بنصح الجماعة اللى مخلصين ثانوية او اللى خلصوا سنة دراسية فى الكلية انهم يهتموا بدورات اللغة والكمبيوتر المراحل قبل الجامعة يهتموا بأساسيات الانجلش شوية لأن وده شىء أكيد معظم الطلبة كانوا بيدرسوا انجليزى كمادة نجاح وسقوط مش مادة معرفة بس أكيد فيه اللى الانجلش بتاعه تمام المهم انا بنصح سواء كان كدا او كدا انه يراجع لمناهج اللى اخدها فى ثانوى مناهج الانجلش بس مش كل المواد ياجماعة لتقولوا الراجل ده بيقول ايه احنا ما صدقنا خلصنا ورمينا الكتب المهم مناهج الثانوية بتاعة الانجلش كلمات وجرامر وكونفرزيشن مهمة جدا راجعوها حتى مراجعة سريعة وبعدين ممكن دورة او دورتين فى الانجلش فى الاجازة ودورة كمبيوتر وكل واحد عارف مستواه ايه فى الكمبيوتر ومحتاج ايه ياخده وبالتوفيق للجميع ان شاء الله |
يسعدني ويشرفني ان كراكر اول الردود انت فين ياعم والله واحشني بقالي فتره مش بكلمك ولا انت سالت اصلا :039: والله زي مابتقول ياعم انا لو كان معايا دورة انجليزي وكومبيوتر كان زمان ليه وضع تاني وكله بعلم الغيب بس الواحد يعمل اللي عليه انا دلوقتي اخدت icdl بس لسه مكسل امتحن :yawn: |
ربنا يكرمك يارب
والله يا شيخ الشغل واخد الواحد وواخد اللوقت كله بس ياغالى دايما بفتكرك ولسه مكلمك قريب انت بتنسى ولا ايه ربنا يوفقك يارب وعلى فكرة الـ Icdl كويسة كشهادة وكمحتوى ان شاء الله تفيدك فى حياتك العملية |
اقتباس:
اقتباس:
هوا كله يسعدنى يسعدنى :) فكرتونى باغنيه غنيتها منى زكى فى مسرحيه مش فاكر اسمها كان كلها يسعدك :) المهم اولا وقبل ان اتحرك قيد انمله ( زى عمرو اديب ما بيقول فى بدايه حلقاته) يجب ان ارحب واندد واشجب و.و.وو.و.و بعوده اخونا الغائب الحاضر محمد على اللى بجد افتقدنا وجوده فى المنتدى ككل وبالطبع القسم العام بشكل خاص ثانيا ارحب برضه واندد واشجب و.و.و.و الخ زىالمره اللى فاتت باخونا الغائب الحاضر ...... ايه ده هوا انا بكرر الكلام سورى المهم يعنى ازيك يا استاذ كراكر ( كان نفسى اقلك جندى مجند بس ظروف بقه هندز :) ) المهم عوده الى صلب الموضوع الجميل ازاى الواحد يستفد من وقت فى اجازه العام الحالى ( للطلبه ولمتخرجين الجدد اللى لسه نتيجتهم مطلعتش وصاحب الموضوع مش مراعى ده :) ) طبعا كاى انسان لازم الواحد يلعب يرفه عن نفسه يصيف ماشى مفيش مشكله فى ده لكن بعد اسبوع اتنين 3 هتزهق والاجازه 3 شهور وعندنا كمان شهر رمضان جاى فى اخرها وشهر رمضان الكريم هيخليى اى حد يكسل انه يتحرك من سريره خصوصا اذا كان فى شهر 8 الا الناس اللى عايزه تعمل حاجه بجد بالنسبه للفتره الى من هنا لرمضان فاليوم عند الشخص العادى بيكون 18 الى 20 ساعه لان اللى اعرف ان الناس فى الاجازات بتنام من 4 الى 6 ساعات بالكتير اوى اذن ال 20 ساعه دول بقه استغلهم فى ايه طيب نبدا فى ال اليوم ايه رايكم لو نبدا اليوم كده على الصبح بدش سخن نفوق بيه يليه نصلى الصبح نفتح المصحف ايوه هذ الكتاب المركون على الرف ويكاد التراب ان يبنى جبالا فهو لم يلمس (فى معظم وليس كل الاحيان) لانى متاكد ان البعض ملازم على قراءه وتر يومى فى الكتاب الكريم المهم مش مطلوب منك انك تقرا جزء او جزئين لكن يا سيدى لو صحفه بجد يبقى تمام اوى لو الصفحه فيها ايه شدتك يعنى معنى عايز تستكشفه اعجاز علمى او مفردات كلمات عندك النت وما اوسع هذا النت مواقع الاسلام الشهيره مفيش اكتر منها فلو عندك مزاج بعد القراءه ممكن تدر على الكلام اللى عايزه على النت المهم الموضوع اللى فات دا كله من ساعه الدش لغايه المصحف خد كام نص ساعه ياااااااااااه لسه فاضل 19 ساعه ونص طب وبعدين عندكم بقه اليوم هيبدا وهقلكم بعض الاقتراحات ليس عليكم تطبيقها كلها ولكن ما تروه (مش خنيق على قلبكم :) ) 1- فتح بعض قنوات الاخبار عربيه او اجنبيه لمتابعه ايه اللى بيحصل فى العالم يوميا يعنى كفايه نشره اخبر واحده تعرف العالم بيحصل فيه ايه وده هيساعد على تفتيح عقلك حول ما يدور حولك 2- قراءه اى كتب فى اى مجال حتى ولو كانت قصص اطفال المهم تحاول تقرا اى حاجه يوميا القراءه افضل ش لتقضيهالوقت دون اضاعته المعرفه باى شئ حتى ولو كان مبدا عام او فكره بسيطه فهي استفاده كبيره لك على المدى البعيد ( عندكم كتب ينيه كتب علميه كتب خياليه كتب ادبيه اى كت باى نوع شوف المجال الل تحبه واقراه ) 3- تتفق مع اصقائك تخجرجوا تتمشوا شويه منها حركه للجسم بدل السكون التام اللى بتبقوا فيه فى الاجازات يعنى تخرجوا تتمشوا شويه تتكلموا تضحكوا تستمعوا بوقتكم 4- خدوا رد كراكر كوبى باست وحطوه هنا يعنى ببساطه تكونوا بتدوروا عل قرصات تاخدوها ف الاجازه عنى المهندسين يوفوا ماتلاب او اوتوكاد او بريمافيرا مثلا دورات اللغات اللى ضعيف الى اللغه محتاجها دورات الكمبيوتر برض اللى ضيف فى الكمبيوتر محتاجها 5- العبوا رياضه اى نوع من الرياضه جتى ولوكان حديد اهو اسمه رياضه ل هتلعبوا كوره رياضه لو تجروا رياضه 6- تفتح النت وتجلس تبحث عن النقاشات الساخنه فى اى موقع او منتدى تتعلم منها كيفيه بناء الحوار او النقاش هناك محترفى نقاشات وهناك مبتدئين جميعنا بدا مرف البعض حاول تطوير ادائه والاخر ظل كما هوا فالافضل ان تحاول ان تتعلم فالنقاش الذى قد تراه مضيعه للوقت يؤهلك عندما تقف فى موقف مضاد لاى شخص فى حياتك ان تعرف كيف تقنعه وكيف تشرح وجهه نظرك بالطريقه الصحيحه و .......... اديا تعبت فى الكتابه لو استريحت شويه هبقى اخش الموضوع تانى بس صاحبه ميطردنيش بقه علشان ردودى الطويللللللللللللللللله اوىىىىىىىىىى دى :) |
اقتباس:
الاغنيه كانت انا عايزه اغني يسعدك اشك شك :ongue: ـــــــــــــــــــــ اقتباس:
شكرا يا ماندوز وموضع عدم دخولي كتير المنتدي لظروف الحياة ياصاحبي والسفر الكتير بقي و ان شاء الله موجود معاكم علي طول ومن يقدر ينسي تيفا :thumbup1: ـــــــــــــــــــــــــــــــ باقي الرد هاقراه وارجع رد عليك تاني لان لسه طالع البيت حالا ومش قادر افتح عيني اصلا:yawn::yawn: |
| الساعة الآن 09:09 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى